عايز عربية جديدة بحوالى 85 ألف

[PeEeToOo]

أجدع و أحلى سلام و تحية لملوك العربيات فى مصر
أنا عايز مساعدتكم في حاجة .. عايز أشتري عربية جديدة في حدود 85 ألف جنيه. عايزها مانيوال و قطع غيرها موجودة و يكون ليها شكل شبابي أنا لسة 19 سنة.
فا قولولي رأيكو و قولولي كمان إيه رأيكو ف الأوبترا المانيوال

[exsos]

انا لو معايا ال85 هجيب النترا 2007 بحوالى 65 و انزل على الحرفين بالباقى هطلع بعربية حكاية ptmnlo123per171

[alymonir]

المشاركة الأصلية كتبت بواسطة PeEeToOo أجدع و أحلى سلام و تحية لملوك العربيات فى مصر أنا عايز مساعدتكم في حاجة .. عايز أشتري عربية جديدة في حدود 85 ألف جنيه. عايزها مانيوال و قطع غيرها موجودة و يكون ليها شكل شبابي أنا لسة 19 سنة. فا قولولي رأيكو و قولولي كمان إيه رأيكو ف الأوبترا المانيوال

أهلا بك في المنتدى
عندك إختيارات كتير
ممكن أحصرهالك الأول و بعد كدة أقول لك رأيي:
هيونداي اكسنت فول أوبشن أوتوماتيك--------------- 85900
هيونداي ألنترا مانيوال ----------------- نازل عليها عرض هي بحوالي 89000 ( لو تقد تزود شوية )
بروتون جين2 فول أوبشن مانيوال ----------------- 84900
كيا ريو فول أوبشن أوتوماتيك -------------------- 87000
نيسان صني فول أوبشن مانيوال -------------------- 86500
وعل فكرة إنت ماحددتش السيارة مواصفتها إيه زي ( سيدان ولا هاتشياك , بلد الصنع , مانيوال ولا أوتوماتيك , الكماليات , ..... ) ياريت تحدد علشان الاختيار يبقى أسهل
على العموم أنا ذكرتلك أكتر عربيات مناسبة في السعر دة و ممكن بعد كدة أفاضلك بينهم باستفاضة و ممكن برضه ترجع لمقارنات الأعضاء في قسم المقارنات حاتستفيد كتير جدا إن شاء الله

[PeEeToOo]

مشكورين على تعبكم .. كان نفسي تقولولي رأيكو فى الأوبترا .. أنا مشكلتي إني أكتر حاجة مهتم بيها هي الشكل .. يعني البروتون عجبني جدا شكلها الخارجي لكن من جوا مش كويسة غير إن إعادة بيعها بعض كدة صعب .. الهيونداي الاكسنت الناس ما شكروليش فيها غير إن الشكل مش عجبني .. النسان كويسة جدا بس لولا التقفيل المصري .. معلش أنا عارف إن أنا صعب إني أقتنع ب حاجة بس فعلا مشكورين على مساعدتكو

[alymonir]

المشاركة الأصلية كتبت بواسطة PeEeToOo مشكورين على تعبكم .. كان نفسي تقولولي رأيكو فى الأوبترا .. أنا مشكلتي إني أكتر حاجة مهتم بيها هي الشكل .. يعني البروتون عجبني جدا شكلها الخارجي لكن من جوا مش كويسة غير إن إعادة بيعها بعض كدة صعب .. الهيونداي الاكسنت الناس ما شكروليش فيها غير إن الشكل مش عجبني .. النسان كويسة جدا بس لولا التقفيل المصري .. معلش أنا عارف إن أنا صعب إني أقتنع ب حاجة بس فعلا مشكورين على مساعدتكو

بدون الدخول في تفاصيل و مقارنات طويلة يطول شرحها و موجودة في جميع أقسام المنتدى تقريبا كما ذكرت لك,
نصيحة أخوية ماتهتمش بالشكل نمرة 1 , ممكن يكون الشكل مهم لكن ماتخليهوش معيارك الأساسي , ثم إن الشكل دة حاجة نسبية , يعني أنا مثلا مايعجبنيش شكل الأوبترا خالص و لو سألتني حاقولك شكلها عامل زي العلبةptmnlo123per172
عموما أنا لا أفضل الشيفورليه الكوري أصلا
العربية البروتون كويسة جدا و أنا شخصيا كنت بافكر أشتريها لكن تراجعت علشان موضوع سعر البيع دة
لو عايز رأيي من الاخر أحسن حاجة بالفلوس دي الالنترا مانيوال
و قبل كل شيء استخير ثم توكل على الله