العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #1  
قديم 24-11-2012, 10:46 AM
ام يزيد ام يزيد غير متواجد حالياً
 
تاريخ التسجيل: Jun 2012
الموقع: فيصل
المشاركات: 24
ام يزيد is on a distinguished road
افتراضي تجربتي الاولي في سوق السيارات

السلام عليكم

بصراحة مش عارفة ابدأ منين

السوق انا اول ما دخلتو فضلت اضحك مكنتش متخيلة ان العربيات بالكثرة دي وان كل الناس دي جاية عشان تبيع

واول حاجة اتفاجئت بيهها الاسعار اقل كتير من كونتكت كار

فقلت لنفسي اكيد الناس دي فعلا جاية تبيع

اول عربية شفناها كانت لانسر 2008 ودي كانت 67 ملحوظة كل اللي هاقولوا اوتوماتيك لاني مبعرفش اسوق مانيوال فكنت بتفرج بس علي اوتوماتيك

والميتسوبيشي لانسر سعرها كان بيتراوح بين 65 الي 70 والعربية موديلات من 2007 الي 2009
واتفرجت علي التيجو بصراحة عربية حلوة اوي بس سعرها اكبر من امكانياتي 80 الف وثابتين عليها يزود 2 او ثلاتة
والتيريوس بردة 2008 نفس الحكاية



نيجي بقي للياريس والنيو اكسنت

العربيتين دول اللي كنت بفاضل بينهم في السوق
لان اسعارهم وموديلاتهم قريبة جدا من الفلوس اللي معايا والامكانيات اللي فدماغي

اتفرجت علي حوالي 7 عربيات ياريس وزييههم نيو اكسنت

الياريس اول عربية كانت مرور اسماعيلية والعربية نظيفة اوي من برة وجوة او فابريقة زي مابيقولوا بس رشة كبوت او شنطة حاجة كدة والاكرة اللي في الباب الخلفي الشمال كانت بتعلق وكمان مفتاح الشنطة وكان طالب فيها 68 مو 2008 وعملا حوالي 65 الف كيلو بس العدادات ناس كتير قالت انها من الممكن يتلعب فيها فمبقتش اهتم
ودة قال لو حصل نصيب هنزل حوالي الف وفيها ورقة واحدة
فانا فرحت وقلت بسسسسسسسسسسسس هيا دي فالي معايا قالولي متستعجليش هتقابلي كتييير جوة


المهم طبعا مش هينفع اجكس اللي حصل معانا في كل عربية انا هقولقوا علي المهم بس

النيو اكسنت لاقيت الناس ماسكة في السبعيناااات لا وكمان بيزودوا ابتداءمن 2008 واللي 2010 صاحبها بيبقي هاين علية يبيعها زي ماجبها حاجة تفقع المرارة
فبعد ماتفرجت علي صالون الاكسنت في كذا عربية وشنطتها وانا اصلا عارفة انها 1600 وقطع غيارها والقصص دي ومع ارتفاع سعرها المستعمل صرفت نظر عنها ومبقتش اتفرج عليها غير تخاطيف كدة من باب الفضول في معرفة الاسعار


وركزت علي الياريس
لكذا سبب اولهم انها قريبة من الفلوس اللي معايا وفعلا اغلب الياريس اللي في السوق جديد وفابريكة وشكلها افخم وارقي من النيو اكسنت وياباني وصالونها افخم واشيك من النيو اكسنت وسعرها اقل بس هيا اللي سوقها شوية مش ماشي في الريسيل ودة ميهمنيش اني اخسر فيها 6 او سبع الاف لمي ازهق منها وحبيت اغير

وبعد العربية بتاعت مرور اسماعيلية اتفرجت علي كام وااحدة اللي رشة كلها برة واللي فيها خبطة مأثرة علي الأايم واللي فيها حجات اللي معايا قالوا انها مش تمام الي اخرة

الي ان لاقينا راجل كدة قاعد جوة عربية ياريس هادي راسي فاتفرجنا ع العربية وهوا جواها متحركش فال الي معايا قالي العربية دي حلوة

فاضررنا اسفين ان احنا نزعج الرجل الغامض اللي جوة ونسألة عن تفاصيلها

العربية مو 2007 عاملة 93 الف كيلو رشة حتت بسيطة من برةاربعة ازاز كهرباء
اتوماتيك فابريكة اير باج abs طاسات عادية
فالراجل اول كلامة كان 71 الف وشوية وقال 70 وبعدها قال مقدرش احكم فيها لانها مش بتاعتي دي بتاعت عديلي فاللي معايا قالي دة تاجر وكان معاة عربية تانية المهم كلمنا صاحبها في التليفون وبعد مفاوضات وانا في كرارة نفسي اقتنعت بيها كاول عربية ليا سعرها معقول وشيك يكفي اني مش هتورط في اقساط مع الزيرو

الراجل قال 69الف واللي معايا ماسك في 65 فراح الراجل الوسيط او التاجر قال انا هقول كلمتي وقال 68 ومحدش يكسفني

فقلتلو انا بقي ماشي بس اخدها بنزينة واكشف عليها ولو لاقيتها تمام زي مابتقولوا يبقي اتفقنا علي 68

وفعلا الراجل جة اللي معاة المفتاح وقالنا انو جايبها يتاجر فيها وشكلة محترم براحة
ومعترضش اننا نرفعها في بنزينة
بس العربية فيها اربع ورقات او توكيلات وانتم هنا حظرتوني من التوكيلات
بس اغلب العربيات اللي فالسوق فيها مش اقل من توكيل

فالي معايا قالي احنا هنسجلك علي طول ونعمل رخصة العربية باسمك فمش مشكلة

المهم رحنا بنزينة موبيل في مساكن شيراتونالنظرة الاولي للعربية قالوا انها فابريكة وتمام وعلي بركة الله وراحوا رافعينها والراجل واقف علي جمب في منتهي الهدوء
وفجأة قالوا العربية مخبزطة باين في السدر او القنطرة او المقص او الشمعدان بصراحة مفهمتش حاجة
الراجل قال وحلف انة مايعرف

ومشي ....بالعربية

فقلتلهم يجماعة الحكاية دي تقصر في اداء العربية علي الطريق او تتسبب في قلبها او انها تعطل يعني عيب خطير ولا ممكن التغاطي عنة او اصلاحة فرد عليا قريبي وقالي السدر الااصلي ب 1200 وممكن منغيرهوش مش هيتعبك في حاجة
قلتلهم خلاص نكلمة وننزل في تمن العربية

وفعلا كلمناة ونزلنا الف جنية اصبحت ب 67الف

ورحنا اشترينا عقد ابتدائي ودفعت عربون 500ج
وقالي بكرة علي النهاردة هجيبلك شهادة المخالفات ولو جاهزة نروح نسجل في الشهر العقاري

قولولي بأة رأيكم واستنتاجتكم وتحليلكم لكل حاجة
العربية كدة تمام وتستاهل ومسألة التوكيلات أئمن فيها نفسي ازاي
احنا معادنا النهاردة او بكرة بالكتير
رد مع اقتباس
  #2  
قديم 24-11-2012, 12:37 PM
linatrix linatrix غير متواجد حالياً
من انا؟: مهندس نظم عاشق للسيارات
التخصص العملى: مهندس نظم معلومات
هواياتي: المحركات
 
تاريخ التسجيل: Sep 2010
الموقع: اسكندريه
المشاركات: 356
linatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud of
افتراضي رد: تجربتي الاولي في سوق السيارات

بصى متعمليش حسابك انك لما تنزلى السوق من اول مره تشترى لزم تتفرجى اكتر من مره و على مهلك و نصيحتى ليك بلاش عربيه فيها مشاكل مخزنه دى يعنى كانت خبطه جامده مش مجرد حكه و ده طبعا ممكن ياثر على اداء العربيه يعنى ممكن مثلا تلاقيها بتحدف و مش حتعرفى تعلجى الموضوع ده لو التخزين فى القنطره ده عادى الشوراع عندنا كلها مطبات و اى مطب ابن حلال ممكن يعمل التخزينه دى و القنطره كلها ممكن تتغير ب 250 جنيه تقريبا بس اتاكدى التخزين ده فىن بالظبط عشان بتفرق كتيرررررررررررررررر

اهم نصيحه ضحى ب 500 جنيه و خدى العربيه و روحى التوكيل و اطمنى احسن عشان ممكن يكون فى مشكله مستخبيه او اى حاجه
و صلى صلاه استخاره قبل كل شئ
متخليش فرحتك بالعربيه تخليك تتسهلى فى حاجه و اصبري شويه و روحى التوكيل حيقولك المفيد و من الاخر
رد مع اقتباس
  #3  
قديم 24-11-2012, 12:44 PM
ام يزيد ام يزيد غير متواجد حالياً
 
تاريخ التسجيل: Jun 2012
الموقع: فيصل
المشاركات: 24
ام يزيد is on a distinguished road
افتراضي رد: تجربتي الاولي في سوق السيارات

طيب حضرتك ماهو انا ودتها بنزينة واترفعت وقالوا ان المشكلة في السدر والخبطة متمسمرة كويس وبشكل فني والسدر كلو بيتغير ب الف و200 وحتي لو متغيرش مش هيأثر

دة مش كافي والرفع في البنزينة مش كافي ولا اية ؟
وميرسي علي ردك واهتمامك
وربنا يسترا
رد مع اقتباس
  #4  
قديم 24-11-2012, 01:06 PM
linatrix linatrix غير متواجد حالياً
من انا؟: مهندس نظم عاشق للسيارات
التخصص العملى: مهندس نظم معلومات
هواياتي: المحركات
 
تاريخ التسجيل: Sep 2010
الموقع: اسكندريه
المشاركات: 356
linatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud oflinatrix has much to be proud of
افتراضي رد: تجربتي الاولي في سوق السيارات

بصى الى فى البنزينه مش كافى عشان ده مش فنى متخصص فى النوع ده خبطه فى السدر يعنى حدثه جامده عشان تعمل تخزين انصحك تصرفى نظر عن العربيه دى و لو عايزها و عجباك روحى التوكيل و ضحى ب 500 جنيه بس تبقى مطمنه عموما ده حياثر كتير على العربيه لما تيجى تبيعها على فكره
انا كنت شارى تيوتا كرولا موديل 2000 مانيول و مفهاش ازاز كهرباء ب 55 الف و ده عشان كانت حاله شاذه مفهاش نقطه مرشوشه و لما بعتها بعتها ب 55 الف برضو و كان ممكن تجيب 57 و اكتر من حد كان عايزها و ده عشان الحاله ؛ كان ممكن اجيب وقتها حاجه اقل 7 8 الف بس حاجه كويسه برضو بس مش كده ؛ الحاجه السليمه سليمه و محدش يقدر يفتح بقه فيها

عايز اقولك اى خساره قريبه احسن من اى مكسب بعيد
ربنا يوفقك
رد مع اقتباس
  #5  
قديم 24-11-2012, 01:12 PM
الصورة الرمزية Mido Madrid
Mido Madrid Mido Madrid غير متواجد حالياً
 
تاريخ التسجيل: Sep 2011
الموقع: Mansoura
المشاركات: 1,035
Mido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond reputeMido Madrid has a reputation beyond repute
افتراضي رد: تجربتي الاولي في سوق السيارات

اعتقد رفع البنزينه بس مش كافي لان لازم تكشفي على كل حاجه العربيه مش صاج بس لان كان حد قريبى اشتري عربيه وكانت تمام من بره وبعدين بالاستخدام طلع عايز يتغيرلها حاجات كتير واتدبس في ييجي 5 الاف زياده فلازم كشف كامل على العربيه احسن
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
احدث جهاز لكشف اعطال جميع انواع السيارات launch pro3 شركة الجراج مراكز الصيانة 0 18-11-2014 03:32 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:14 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017