رجاء سرعه الافاده فى حادث لوجان

[hima elgmal]

ربنا يطمنك يا استاذ ايمن وباذن الله بسيطه بس هل الرفرف لما يترد هيرجع زى الاول ولا الافضل اجيب رفرف جديد او اشوف موضوع الرفرف الاستعمال

[ayman1204]

دى كانت عربية لوجان مقلوبة والسمكرى بتاعها ماشي فى الشارع بيها ووقف قدام اللوجان بتاعتى وطلب منى لو اعرف ارقاام م حلات قطع غيار وكدة بحجم انى معايا لوجان
وطبعا انا مكدبتش خبر وروحت مصورها كام صورة للذكرى واعتقد ان الرفرف اللى عندك نفس اللى موجود فى دى

خلى بالك علشان كوالتى عالى فحجمها كبير شوية


فبسيطة ان شاء الله

[hima elgmal]

تمام حضرتك هى نفس العربيه وباذن الله ربنا يعوض صاحبها ويبارك له فى عربيته ويكفيه شرها ويبارك لحضرتك فى عربيتك ويكفيك شرها وبلنسبه لعربيتى والدى ناوى يعملها بره التوكيل لان التوكيل هيبقى غالى جدا ودلوقتى الى عايز يتعمل فى العربيه هو الرفرف وباذن الله بعد ما يتصلح يبقى تمام والحمد لله حضرتكم طمنتونى وناس تانيه كمان قالت لولدى اهم حاجه فى الضمان ان العربيه ميكونش حد لمس ضفيره الكهرباء بتعتها او لعب فى الموتور ووالدى النهارده خد اجازه وباذن الله هنروح للسمكرى علشان يشتغل فيها يريت تدعولى والف شكر للاخوه الكرام الى قاموا بالرد على وباذن الله اول ما اجى من عند السمكرى اطمن حضراتكم

[hima elgmal]

الحمد لله روحت للسمكرى والى عرفنى على السمكرى ده واحد ميكانيكى محترم جدا كنت اعرفه من زمان وجه معايا عند السمكرى وقاله انه يعمل الرفرف على البارد يعنى من غير ما يسخن على الرفرف خالص والسمكرى قال منت كده كده هترش الرفرف بس انه يتعمل من غير تسخين صحب شويه والميكانيكى قاله انا عيزها من غير ماتسخن لو مش هتعرف قول والسمكرى قاله حاضر ان شاء الله تيجى معايا والميكانيكى قال للسمكرى قول عايز كام من قاله 120 جنيه راح الميكانيكى قاله يعنى انت عايز 100 جنيه طيب ماشى اتكل على الله وابدا اشتغل كل ده وانا واقف مليش دعوه وفعلا الراجل حل الكفير البلاستيك الى تحت الرفرف وبعد كده قالى على فكره انا لازم احل الرفرف قولته مينفعش من غير ما تحله قالى لا ده لازم يتحل وفعلا حل الرفرف من مكانه خالص ابتدى يشتغل فيه وهو ابتدى شغل حوالى الساعه واحده خلص شغل فيه وقفله وظبطه فى مكانه حوالى الساعه خمسه ونص بس الحمد لله الرفرف اتظبط وفعلا عمله من غير ما يسخن عليه خالص بس بردو البويه من بره فيه حتت صغيره مقشره ومكان الدق البويه مضعضعه سقالت السمكرى ليه افضل ان الرفرف يترد على البارد وقالى ان التسخين على الرفرف بيضعفه وبعد ما خلصت مع السمكرى روحت على الميكانيكى اساله على حد بتاع دوكو كويس وقالى ماشى بس انا عايزك انت الى تشتريله البويه مش هو الى يشتريها علشان ميحطش بويه اى كلام وقالى هات البويه المانى ووصفلى واحد اسمه تقريبا عماد محروس وده فى الازريطه وقلى ده هنشترى منه البويه وحجتها بس والصنيعى الى هيرش العربيه احنا هنديله البويه وهو يرشها وقلتله تمن البويه كام قالى مش عارف بالظبط بس الالمانى هتكون غاليه شويه بس هتفرق كتير معاك فى الاخر ولسه مستنى يوم ياخد فيه والدى اجازه علشان نروح نخلص موضوع الرش وادعولى تخلص على خير ان شاء الله

[ayman1204]

يلا على خير وابقى طمنا وصور العربية