هل المرور يقبل تسقيط الموتور ده..؟

[حسام البورسعيدى]

اللى انا اعرفه ان حضرتك عليك انك تجيب 3 شهادات من 3 تجار قطع غيار بعدم توافر موتور السيات 133 فى الاسواق وبيهم يسمحلك المرور انك تسقط موتور ماركه تانية ...

[aymangalal]

المشاركة الأصلية كتبت بواسطة حسام البورسعيدى اللى انا اعرفه ان حضرتك عليك انك تجيب 3 شهادات من 3 تجار قطع غيار بعدم توافر موتور السيات 133 فى الاسواق وبيهم يسمحلك المرور انك تسقط موتور ماركه تانية ...

اذا كان على كده تقبى اتحلت واركب لها موتور جيب كمان

[zing0]

معلش عاوز أفهم....
مش سيات شركة , و فيات شركة , و فولكس شركة
و مالهومش علاقة ببعض؟
طيب أشمعنى سيات 133 يركب عليها موتور فيات 127 ( رغم أنه أمامى مش خلفى)
و المرور يوافقوا عليه, و مع ذلك يرفضوا موتور فولكس بيتل رغم أنه خلفى و الأقرب للسيات 133 ؟؟؟؟؟؟

برضه كان أخ هنا عارض عربيه لادا للبيع, مسقط لها موتور فيات 131
و مرخصها و تمام !!!!!

هو كده ممكن أى حاجه تسقط لها اى حاجه؟
يعنى بعد كده عادى لو لاقينا 128 - 4100 CC - دفع رباعى !!!

[aymangalal]

المشاركة الأصلية كتبت بواسطة zing0 معلش عاوز أفهم.... مش سيات شركة , و فيات شركة , و فولكس شركة و مالهومش علاقة ببعض؟ طيب أشمعنى سيات 133 يركب عليها موتور فيات 127 ( رغم أنه أمامى مش خلفى) و المرور يوافقوا عليه, و مع ذلك يرفضوا موتور فولكس بيتل رغم أنه خلفى و الأقرب للسيات 133 ؟؟؟؟؟؟ برضه كان أخ هنا عارض عربيه لادا للبيع, مسقط لها موتور فيات 131 و مرخصها و تمام !!!!! هو كده ممكن أى حاجه تسقط لها اى حاجه؟ يعنى بعد كده عادى لو لاقينا 128 - 4100 CC - دفع رباعى !!!

كلام حضرتك مظبوط 100% والدليل ان لسه الاستاذ هشام قايل ان موتور الـ لانسر بينزل على سبيرانزا على الرغم انهم شركتين مختلفتين
الفكرة فى ايه بقى يا باشا...
فيات وسيات لهم نفس تصميم القواعد يعنى كأنك " ماعدلتش حاجه" وهو ده اللى فهمته من مشاركات فى موضوعات تانية ان التعديل مرفوض لانه يخل بمواصفات الامان فى العربية اللى بتعتمد على نظام التعليق " العفشة" اللى لازم تتغير مع تعديل زى ده حتى لو حضرتك تلاحظ ان اللى عايز يعرض جنط وكاوتش لدرجه معينه يجيله اول نصيحه بلاش عشان العفشة والاتزان هى دى عقدة المرور عشان ماعندهمش ثقة فى الصنايعية اللى بيعملوا الشغل ده لان مافيش صنايعى فاهم يقدر يعدل حاجه كله بيعك الا طبعا الصنايعة النادرين الوجود زى الاستاذ حمدى مخترع المانوال بدون دبرياج " الراجل ده روحت له وقعدت معاه ... انسان غاية فى الاحترام والفهم والعلم حقيقى" عشان كده انا مش متردد فى اى تعديل هو يعملهولى ولو عايزه يركب لى موتور طيارة مش هيقول لأ .. العقبة طبعا فى الامكانيات ... خرجنا عن الموضوع " نقطة ومن اول السطر.
فا الفكرة فى عدم قبول موتور من شركة تانية هو عدم قبول التعديل فى حد ذاته وطبعا 90% من مواتير الشركة الواحد بتتشابه مع بعضها الا لو حصل طفرة صناعية للشركة دى وحاجه كمان ان سيات 133 هى فى الاصل فيات لكن سيات انتجتها فى فترة من فترات انتاجها او حصل شراكة تقريبا حتى تلاحظ ان اول منتجات فيات معظمها مترقم
124-125-126-127-128-131-132-133-1100 الخ...عشان كده مسموح لسيات 133 الترخيص بموتور فيات على وجه الخصوص وده الشائع عشان كده انا عملت الموضوع ده

[salahzee]

السلام عليكم
أنا من كام شهر كنت في المرور وسألت المهندس عن امكانية تسقيط موتور ماركة غير ماركة العربية فقالي مفيش مشكلة بسبب أهم حاجة الموتور الجديد يركب على نفس قواعد الموتور الأصلي بتاع العربية بدون أي تعديل