أيهما أفضل MERCEDES C300أمBMW 320i ولماذا

[horas3000]

المشاركة الأصلية كتبت بواسطة fares515 تسلملي ياباشا على متابعتك ليا واهتمامك وبعد ردك ده انا حاسس اني بدأت أميل تاني للبي إم بسبب الإختلافات البسيطه بين البوديamg والعادي أنا كنت بحسبها اكتر من كده يعني فيه انسيابيه في الشكل اكتر وتغييرات جذريه مش مجرد حاجات عبيطه بس ... ايه رأيك في اني اجيب واحده c250عاديه خالص واستوردلها body kit من بره واركبه عليها انا شفت حاجات جامده وانا بقلب عالنت بس مش عارف الحاجات ده بتتباع جاهزه في مصر في توكيلات معينه ولابتستورد من بره عن طريق مكاتب استيراد اتفرج كده وقوللي ايه رأيك في الفكره وهل هي عمليه تنفع في مصر ولا هجيبها واقعد جنبها وملاقيش حد يركبها عدل أو أركبها وبعد سنة او اتنين الاقي ظهرتلي عيوب في تصنيعها وتبهت ويبقى شكلها وحش وأندم ؟ولو كانت هتأثر عالضمان ممكن الواحد يجيب موديل السنة اللى فاتت او اللى قبلها عشان يبقى ضرب عصفورين بحجر(قلل السعر وحصل على شكل جامد) الbody kits ديه سعر أغلى واحد فيها 1900$ يعني تقريبا10500 مصري مش عارف عليها ضرايب ولا ايه نظامها ياريت الأعضاء كلهم يقولولي ايه رأيهم في الفكره عمليه وكويسه وابقى بكده حصلت على ماركه فخمه واعطال قليله واعاده بيع مضمونه(اللى هي مميزات المرسيدس) وفي نفس الوقت شكل جامد جدا (اعتقد لايقل عن البي ام ان لم يكن يزيد) ولا هيا فكره مش عمليه وعيوبها أكتر من مميزاتها وبالتالي أصرف نظر عنها؟

بالعكس يا زعيم
ال AMG kit بتفرق في الشكل قوي و العربية شكلها بيبقي رياضي جدا و كفاية الجنط ال 18 بس هي يمكن الصور مش مبينة الكلام ده
كمان ال AMG بتنزل بشوية كماليات زيادة زي السقف البانوراما مثلا و ده مش هتلاقيه في العادية الا special order
طبعا موضوع انك تجيب الكت لوحدها مش بطال برضة بس شايفه وجع دماغ

[fares515]

المشاركة الأصلية كتبت بواسطة medo akef انا ارشح c300 بكتساح تام طبعا و فرق السعر هو الي بيتكلم و الهورس بور و كل حاجه في الc300 بتتكلم عن نفسها فهي افضل من وجهة نظري و طبعا اعاده البيع مسكه نفسها اكثر و الصيانه اسهل لان مرسيدس عمرها في مصر طويل جدا ففي بلاد كامله شغلتهم في الحياه صيانه مرسيدس بس و انا رحتها و طبعا اندهشت بيها انك طول ما انت ماشي ورش مرسيدس بس و سيبك من كلام ان البي ام شبابي و المرسيدس كبار بس دي فكره قديمه انتهت او الي مقصود بها فئه الe اما الc فهي شبابيه جدا و ادائها خرافي و كمله مرسيدس تعني عندك الناس معاني كثيره جدا اكثر من بي ام و حتي هتبقا متميز شويه لان دلوقتي اي حد بيركب بي ام حتي لو 1970 بس بيعتبر نفسه بي ام اما مرسيدس فهي اقل انتشار خاصتا المودلات الجديده منها هو عموما انا عارف المقارنه بين الc180 كومبروسر و ال320 و تكتسح الc180 طبعابال153 حصان الي يعقدو دول فما بالك بالc300 اظنها مقارنه ظامله جدا للبي ام و فكر في amg و SLR وميباخ و اعرف انك واخد عربيه تبعهم يعني الموضوع مش مجرد عربيه انت راكب تاريخ و خبره عملت كل العربيات و الشركات دي

ألف شكر أستاذ ميدو على اهتمامك وردك وبالنسبه لفرق السعر فده طبيعي نظرا للمحرك وكمان الكيت الـamgلكن موضوع الهورس بور اعتقد انه ميفرقش كتير يعني أنا عايز عربيه يكون الهورس بور بتاعها فوق ال150 وخلاص ويكون تسارعها معقول بالنسبه للعربيات التانيه فكون ان الهورس باور بتاع الـc300 تقريبا 231 فده شيء كمالي بالنسبه لي لإنى مش هدخل بيها سباق ولاحاجه واعتقد ان الورش والبلاد اللى بتتكلم عليها ديه بتصلح المرسيدس القديم مش الجديد يعني هتلاقى عدد بسيط بس اللي بيصلح السي كلاس الجيده او له خبره فيها وبالتالي موضوع الصيانه تتساوى فيه المرسيدس والبي إم بس فعلا كلامك صحيح بالنسبه لسعر اعاده البيع كل الناس اجمعت ان المرسيدس ماسكه نفسها جامد وانا اصلا مش ناوي ابيع قبل 5سنين ان شاء الله ومشكور جدا على اهتمامك ياباشا وبعتبر ان ردك يحسب للمرسيدس وبيميل كفه المرسيدس اكتر

[fares515]

المشاركة الأصلية كتبت بواسطة horas3000 بالعكس يا زعيم ال AMG kit بتفرق في الشكل قوي و العربية شكلها بيبقي رياضي جدا و كفاية الجنط ال 18 بس هي يمكن الصور مش مبينة الكلام ده كمان ال AMG بتنزل بشوية كماليات زيادة زي السقف البانوراما مثلا و ده مش هتلاقيه في العادية الا special order طبعا موضوع انك تجيب الكت لوحدها مش بطال برضة بس شايفه وجع دماغ

بص يامان أنا مش هستريح غير لما أروح لتوكيل مرسيدس في مصر واقلهم عايز اشوف السي العاديه واقفه جنب الamgعشان اعرف الفروق بينهم عاديه ولاهي فعلا فروق جوهريه بتقلب الشكل 180درحه وتخليه شبابي وهجومي أكتر زي ماحضرتك بتقول بس تأكد ان رسالتك بخصوص المرسيدس وصلت واني فعلا هخلى الc300الخيار الأول في دماغي لحد مشوفها واجربها على ارض الواقع وشكرا على على كل ردودك وانا بانتظار المزيد من الردود من أعضاء المنتدى مشكورين

[horas3000]

المشاركة الأصلية كتبت بواسطة fares515 بص يامان أنا مش هستريح غير لما أروح لتوكيل مرسيدس في مصر واقلهم عايز اشوف السي العاديه واقفه جنب الamgعشان اعرف الفروق بينهم عاديه ولاهي فعلا فروق جوهريه بتقلب الشكل 180درحه وتخليه شبابي وهجومي أكتر زي ماحضرتك بتقول بس تأكد ان رسالتك بخصوص المرسيدس وصلت واني فعلا هخلى الc300الخيار الأول في دماغي لحد مشوفها واجربها على ارض الواقع وشكرا على على كل ردودك وانا بانتظار المزيد من الردود من أعضاء المنتدى مشكورين

العفو يا زعيم
و اللي هتعملة ده عين العقل
لازم تشوف الاتنين عشان تعرف الفرق ما بينهم و ان شاء الله هتتاكد من الكلام اللي قلتوا لك
عايز افكرك تاني ان ال C250 هتكون انسب متنساش تبص و تسال عليها

و بالمناسبة لو سعر اعادة البيع مش هيفرق معاك قوي يبقي انصحك تبص بصه علي الوحش ده





الاودي A4 و يا سلام لو S Line
خياري في الفئة دي من السيارات لكن للاسف مش واخده حظها

[fares515]

والله ياباشا بالنسبه للأودي أنا بصيت عليها وجمعت معلومات عنها بس طبعا مش قادر اقنع نفسي بيها خالص لسببين:
امكانياتها المطروحه في مصر مش قد كده يعني 1800سي سي و120حصان وكل ده بمقابل 350000ألف وأنا عايش في مصر وثقافتي مصريه يعني يوم ما أقرر أشتري عربيه باللحاليح ده كلها هستخسرها زي اي مواطن مصري في غير المرسيدس والبي ام وانا فاكر ان واحده منها عدت عليا انا وشله صحابي قلنا عليها بتريقه:حلوه اوي العربيه بتاعت الألعاب الأوليميبيه ده(عشان الشعار يعني)
وعلى فكره أنا لقيت موقع مخصوص للc-class with amg packageوفيه فيديو وصور حلوه قربت عليا المسائل وفعلا انا بس بانتظار اني اروح بعد رمضان واشوفها عالطبيعه واعملها تست درايف لإنها دخلت دماغي قوي بعد كلامك وده الموقع ادخل واتفرج
http://www.mb-c-class.com/Arabic/Shell_Ar.html