العلامات اليابانية هي الأكثر اعتمادية

[AHMEDCAR]

و الله ياسامح حقيقه بجد العربيه الشاهيين دى اصيله جدا و الله

لكن خلاص بقى انتهى و قتها و كفايه قوى عليها ازاى ادفع 70 الف فى عربيه مبنيه على شاسيه موديل 70

و كمان عباره عن شكل صندوقى رائع يخليك مش قادر تحدد وشها من قافها

تعرف احنا جبنها ليه

ابويا كان بيحمل حاجات كتير فى عربيته و قالى حرام نبهدلها احنا نجيب عربيه نطلع عنيها و نبيعها لكن بجد اثبتت كفائه لدرجه انى فكرت اجيب واحده تانيه لكن ابويا قالى حرام احنا نشوف ايه نظام الفيرنا و بعديها جيبت الفيرنا و الحمد لله نافخها اكتر من الشاهيين و ماشيه مش بتقول لا

يكفى انى بحمل فيها اى كميه من البشر و اطلع بيها من اجدعها عربيه و حاليا اخويا صاحب الشاهين بيتحايل عليا يخد فيفى لدرجه انه بيدفعلى فلوس علشن ياخدها منى و الحمد لله

اخرها امبارح اخد مطب بالشاهين و المقص اتكسر تخيل

[فادى]

ده جدول يبين مبيعات السوق الأمريكى فى سبتمبر 2009,
جى ام (المفلسة) كان لها نصيب الأسد 20%, يليها تويوتا 16%, و تليها فورد بفارق صغير 15%.
فكما نرى المستهلك الأمريكى يثق فى السيارات الأمريكية و ليس اليابانية فقط, علما بأن الشركات الأمريكية تمر بظروف صعبة باستثناء فورد.
المصدر :
http://www.thetruthaboutcars.com/sep...-market-share/

هناك طبعا لدى الشعب الأمريكى نوعا من جلد الذات (كما هو الحال لدينا), فخصائص الشعوب لا تختلف كثيرا, الأمريكيون أيضا يفضلون المستورد على المنتج الأمريكى كما نفعل بالضبط فى مصر حتى و لو كان المنتج المصرى أكثر جودة, لأن لديهم عقدة ثقة مع منتجاتهم الوطنية, و هى شعور نفسى موجود لدى العديد من الشعوب و منها نحن, فالشعوب تعرف نفسها, و لكنها تعتقد أن الشعوب الأخرى كائنات فضائية خارقة القوة تماما كما نعتقد نحن عن الشعوب الغربية و الأسيوية و نسميها عقدة الأجنبى.
الشعب الأمريكى بيقف لجى ام و فورد و كرايزلر على ال"واحدة" و بيفوت لتويوتا و هوندا.
و نحن نفعل الشىء ذاته, لو شاهين مقصها اتكسر من مطب دورين على سرعة عالية تقوم الدنيا و لا تقعد على التصنيع المصرى و الاستسهال المصرى, أما لو عربية تويوتا و لا هيونداى انبعج الشاسيه بتاعها من كانز بيبسى فى الشارع فده عادى و بيحصل فى احسن العربيات و اكيد الخواجات اللى عاملين العربية مش عاملين حسابهم انو العيال بترمى المهملات فى صناديق القمامة لأن صناديق القمامة فى اليابان تعمل بالكمبيوتر!

[AHMEDCAR]

ههههههههههههههههههههههههه هههههههههههههههههههههههه

تخيل يافادى انا لما قولت المقص اتكسر كنت مستنيك ترد

تعرف انا اول ماجيبت الفيرنا قعدت اسب و اشتم فها بسبب حبه مشاكل بسيطه فى القفيل لكن مع الصيانه الاولى اتعدلت و الحمد لله

و اكتشفت بعد كده انها عاوزه سواق

فى حين ان الشاهين كان فيها عيب صناعه فى الشكمان و اتغير بعد و سايط فى التوكيل و وجع قلب و كمان و الله و الله لون الرفرف الخلفى كان مفارق بطريقه ملحوظه جدا جدا عن بقيه العربيه بس دى كانت غلطتى انى استلمتها بليل

لكن برضو اتعدلت فى التوكيل بعد خناق ووجع قلب

لانى فى الاول قولت العربيه ممتازه جدا لكن قولت كده علشان اجيبه الموضوع تانى

بس اللى اعرفه ان ال128 و ال127

الشاسيه بتاعهم بينفجر مش بيتعوج من شوارع المحروسه

و الله شوفتها قدام عينى من كام سنه 128 اخدت مزلقالن مترو جوز المساعديين اللى قادم بالكارتيره خرجوا بره العربيه

و فى عربيه صديق ليا برضو المساعد بالكارتيره خرجوا من مكانهم و تنوا الكابوت

و ايضا 127 لصديق اخر
نفس الكلام بس هو لحقها قبل ما يخرجوا من مكانهم

يعنى مش عربيه واحده و لا اتنين بل ثلاثه

فى حين انى ماسمعتش عن عربيه من العربيات الفاجره وارده بلاد الفرنجه بالحكايه دى

قصدى الفاخره

[Nissan]

ptmnlo123per1106ptmnlo123 per1106

عقدة الخواجة عند الأمريكان ؟؟؟؟؟؟؟؟ جديدة دى يا أ/فادى
الأمريكان معندهمش ثقة فى منتجاتهم مقارنة بالشعب المصرى اللى معندوش ثقة فى منتجاته بردو جديدة دى
و كمان الأمريكان بيفوتو لليابانى و بيقفو ع الوحدة و نص للامريكانى بردو جديدة دى

و الله أنا بحبك يا فادى

[AHMEDCAR]

المشاركة الأصلية كتبت بواسطة Nissan ptmnlo123per1106ptmnlo123 per1106 عقدة الخواجة عند الأمريكان ؟؟؟؟؟؟؟؟ جديدة دى يا أ/فادى الأمريكان معندهمش ثقة فى منتجاتهم مقارنة بالشعب المصرى اللى معندوش ثقة فى منتجاته بردو جديدة دى و كمان الأمريكان بيفوتو لليابانى و بيقفو ع الوحدة و نص للامريكانى بردو جديدة دى و الله أنا بحبك يا فادى

نظرا الى انى مش متطلع الى دول امريكا و اوروبا لانى مهتم بمصر

فا اخدت الكلمتين من فادى و قولت يمكن حصلت حاجه فى الفتره اللى فاتت و السوق الامريكى اتغير ولا حاجه

لكن يا يونس انت جيت و صححت معلوماتى

و احشنى و الله يا يونس