تجربتى مع الغاز فى الفيرنا

[M.TONSY]

الله يحفظك يا ابو نورا ومتشكر جدا على تثبيت الموضوع علشان الاعضاء يستفادوا ... لك منى كل التقدير

[M.TONSY]

المشاركة الأصلية كتبت بواسطة ahmed el gendy انا بصراحه الموضوع دخل دماغي بس الواحد خايف من 3 حاجات بامانه اولا انه هيبقي شايل بلوه كبيره ف الشنطه وربنا يستر ف الحوادث ممكن تنفجر ثانيا ااكيد العربيه هتبقي علي طول محمله وده مش حلو ع العفشه والمساعدين اكيد ثالثا فيه واحد صنايعي قالي كلمه والله عششت ف نفوخي الخواجه قال تمشي بنزين يبقي بنزين قال تمشي غاز يبقي غاااز هو في دي عنده جزء صح بس للاسف الدنيا بتتغير واحنا بنخاف من اي جديد

شوف يا اخ احمد انت راجل مؤمن (قل لن يصيبنا الا ما كتب الله لنا)
بالنسبة للبلوة اللى فى الشنطة ففى بلوة تحت الكنبة اسمها تنك البنزين وربنا هو الستار وبعدين تحويل السيارات بالغاز موجود فى مصر فوق 10 سنين مسمعناش ان لاقدر الله عربية ولعت منه انما عربيات كتير ولعت من البنزين
نيجى لموضوع العفشة صدقنى مش ماثر خالص والله بيبقى راكب معايا 4 افراد فى العربية مش كلهم تخان والحمدلله مش بتحك معايا ولا حاجة انا2011 اعرف ناس تانية 2010 اتنين بس قدام ومفيش غاز وبتحك فى المطبات فالموضوع بيختلف من عربية للتانية وحسب استخدام كل واحد
اما مسئلة انك بتخاف من كل ماهوجديد فده امر طبيعى علشان كدة اناعملت الموضوع ده علشان تجربوا فيا هههههه

[khaabas]

خليك حلو هههههه يا حلو وكمل جميلك وقولنا طريقة التعاقد والمستندات وهل فيه ورق مطلوب ولا لاء

[M.TONSY]

المشاركة الأصلية كتبت بواسطة khaabas طيب معلش تعبتك بس بالمرة علشان الموضوع يبقى متكامل ايه نظام التقسيط والورق اللى بيتمضى وفى ورق مطلوب واستحملنى لان العملية دخلت دماغى وعاوز انفذها

وماله يا خباص تعبك راحة ارجو ان اكون قاريت الاسم صح سامحنى
الاوراق المطلوبة صورة البطاقة انت والضامن وصورة رخصتك ورخصة العربية و2فاتورة كهرباء جديدة وقديمة للعنوان اللى فى بطاقتك و20ج رسم استعلام وهتمضى انت والضامن على وصل امانة بقيمة الاقساط ومفيش مقدم واول قسط بعد شهر من التركيب
وانظمة التقسيط بالنسبة للفيرنا
1-نصف مبلغ 5700 مقدم والباقى على سنة بدون فوايد
2- 276 جنيه على 24 شهر ده اللى انا عمله يعنى 5700 يقفوا بعد الفوايد 6224ج
3- 197 جنيه على 36 شهر
4- وفيه نظام على 48 شهر بس معرفش مبلغه بصراحة وبعدين خد بالك كل مالفترة تطول كل مالفوايد تعلى وطول مدة القسط تتعبك
انت اظن كدة خلاص عرفت كل حاجة روح بقى ركب وادعيلى واحكيلى

[khaabas]

شكرا يا برنس
تحياتى اخوك خالد