تعرف على كورسير

[محمود زيزوو]

حبيبى كورسير بص يا سيدى لو بقيت رئيس جمهورية لمدة يوم اول عشرة حاجات هتعملها اي هى

[ابوشروق]

اخى وصديقى كورسير
انا مش هسئل فى حاجه لأنى قابلتك مره واحده فى مقابلة أ.سيف رأيت أنسان بكل ما تحمله معانى الكلمه انسان يجب ان أكن له كل تقدير وأحترام ومعزته فى قلبى لآتوصف وأتمنى من المولى عزوجل أن تدوم صداقتنا طول العمر
على فكرة موضوع لون العربيه ومصادفة نزول التاكسى الابيض غير صحيحه
لأن انت أخترت الون الابيض لون الصفاء
أكبر دليل على مدى طيبت قلبك وصفائه

المشاركة الأصلية كتبت بواسطة akerima مرحبا بك يا كورسير علي كورسير الاعتراف اولا نحب نعرف انت عندك كام سنة طالب ولا بتشتغل ولو بتشتغل شغال فين وبكام - اهم حاجة بكام دي ولو مش شغال اية اللي مقعدك لغاية دلوقت عمال تهزر وتقول في نكت علي المنتدي ما تقوم يا ابني شوفلك حاجة مفيدة تعملها بدل قعدتك دي ثانيا هوا الباشا يوزن كام ؟؟؟ انا مرة شوفت صورتك ما شاء الله كنت مالي الصورة ثالثا ما الاسباب والعوامل التي ادت الي عدم زواجك الي الان؟؟؟؟؟ لعل المانع خير

ههههههههههههههههههههههه

عجباني اوي دخلتك في الاسئلة ههههههههههههه

انتا حسستني اني جايب عربية فبتقولي جايبها منين وبكام هههههههههههههه

بص ياغالي بعد التحية طبعا احب اشكرك علي اهتمامك بالموضوع ولو ان اسئلتك محرجه وشكلك كدا بتدورلي علي عروسه وعايز تطمن علي مستقبل عتريس هههههههههههه

بص يا غالي انا عندي بالظبط 24 سنة و 7 شهور و4 ايام و 12 ساعة

وبشتغل كذا حاجه تصميم وتركيب وصيانة شبكات ورسام هندسي ومحاسب و اشتغلت مساعد صيدلي فترة الاجازة بتاعت الدراسة واشتغلت معيد لمدة 3 شهور بس وسيبتها بعد ما جالي الضغط

وبعدين انا شغال بقا علشان متتحججش بقعدتي علي المنتدي بطلوا بقا الحقد ده ههههههههههههه

وبعدين علي فكرة موضوع الوزن ده كان غباء مني مش اكتر ولا اقل لان وزني كان

65 كيلو وطولي كان 164 سم لحد اولي ثانوي وكنت بطل القاهره في الكونغوفو شو كيك بوكس وبعدين واحد ابن حلال قالي العب حديد وسيبك من الكونغوفو اللي مش هيجيب همه ده واتحجج بأني مبخدش المديلايات النادي اللي كان بياخدها واخد بيها شهدات تقدير وعلشان كدا لعبت حديد لمدة 3 سنين وكنت باخد بودر وتلبينة وشوية بلاوي كدا وزني وصل لحد 110 كيلو وبعدين اضطريت اني اسيب الحديد علشان امتحان الثانوية واجارك الله علي اللي حصل كل العضلات اللي بنتها اتحولت لدهون ووزني وصل ل 170 كيلو وجاتلي حالت يئس كدا وبعدين عملت رجيم قاسي ونزلت لحد 110 من تاني وبعدين زدت بقيت 125 ولحد دلوقتي وزني بقالي 4 سنين لا بيزيد عن ال 130 ولا بيقل عن ال 125 ثبت تقريبا بس انا اللي فرق معايا شوية اني طولت ل 179 سم بس انا ناوي ان شاء الله اني هعمل فورمات للوضع ده قريب


وموضوع الجواز ده متقلقش المانع خير زي ما قولت وهو اني لسه بدور علي بنت الحلال تقريبا كدا قدامي بتاع 6 سنين كمان تدوير ههههههههههههه

[hyundai2005]

ايه الحيلاوه دي ياكورسي يابني انا مش قوقلتك تخلي بالك ومتخليش حد يضحك عليك ويشربك حاجه اصفره ويقعدك فحته وحشه ؟
ربنا بستر وتقوم علي الكرسي بالسلامه
سؤال بقي من نفسي ؟
ايه رأيك في حال مصر موتورز الفتره دي ؟ ولما تغير الفيرنا نفسك تركب ايه ؟

المشاركة الأصلية كتبت بواسطة طارق ابوذيد اخى العزيز كورسير كل ما استطعت تكوينه عن شخصيت هو انك خفيف الظل طيب القلب متسامح ليس بداخلك زره كبر . الله يباركلك يا شيخ طارق والله معرفتك كنز يا شيخنا ربنا ما يحرمنا من وجودك معانا يا اغلي الغاليين السؤال الاول . ما هى لعبتك الرياضيه المفضله التى تحب ان تمارسها رقم واحد الغطس وبعدين البوكس السؤال الثانى . ما هو عمرك داخل علي ال 25 السؤال الثالث . هل ستغيب عن وعيك وتخطب عن قريب موعدكش يا شيخنا لسه عندي شوية وعي ههههههههه السؤال الرابع . ما هو وزنك بردك هو ايه حكاية الوزن معاكم النهارده هو انتوا هتاجرو فيا ولا ايه هههههههه 128 يا شيخنا لسه وازن امبارح وانتا اول واحد تعرف الخبر ده هههههههههه السؤال الخامس . ما هى الوظيفه التى تحب ان تعمل بها وما هى الوطيفه الحاليه . والله انا كان نفسي ابقي بحار قبطان بس محصلش نصيب لاني دخلت ادبي والوظيفة الحالية كوكتيل من محاسب لمهندس شبكات لرسم هندسي لمحلل نظم معلومات للي انتا عايزه يا شيخنا انا بتاع كله ههههههه كفايه عليك كده .

الله يخليك يا شيخ طارق وانا سعيد جدا بالاسئلة ديه ما عدا سؤال الوزن ده هههههههههههههههههههههههه: 36_1_1[1]: