العودة   مصر موتورز مجتمع السيارات > النادى الثقافى الاجتماعى > اﻷنشطة و المقابلات و التعارف

اﻷنشطة و المقابلات و التعارف خاص بمواضيع انشطة ومقابلات و التعارف بين اعضاء المنتدى يجب الحصول على موافقة من الإدارة قبل نشر أى موضوعات بهذا القسم


إضافة رد
 
أدوات الموضوع
  #26  
قديم 23-02-2011, 05:27 AM
الصورة الرمزية mainz
mainz mainz غير متواجد حالياً
من انا؟: عاطف عبده
هواياتي: chess
 
تاريخ التسجيل: Jan 2009
الموقع: Deutschlandوالمنوفيه
المشاركات: 1,696
mainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond repute
افتراضي رد: ** أيام في امستردام - جنيدي الذي لا نعرفه **


المشاركة الأصلية كتبت بواسطة m.genedy مشاهدة المشاركة

طيب يا استاذ /عاطف

البلكونة موجودة انوي انت بس وتعالى
حتى بالنسبة لك ح يكون مشوار صغير جدا..
ان شاء الله هيكون فيه زياره ليك يا استاز محمد بس شويه كده لحد المدام تيجى ان شاءالله من مصر وتقوم بالسلامه والمولود الجديد يشد حيله كده شويه .
رد مع اقتباس
  #27  
قديم 21-03-2011, 10:18 PM
الصورة الرمزية Ahmed Anwer
Ahmed Anwer Ahmed Anwer غير متواجد حالياً
التخصص العملى: Interior designer
هواياتي: Arts
 
تاريخ التسجيل: May 2008
الموقع: Cairo
المشاركات: 2,730
Ahmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond repute
افتراضي رد: ** أيام في امستردام - جنيدي الذي لا نعرفه **

آسف يا شباب علي التأخير ،، أحداث الثورة و متابعتها مش مدية الواحد وقت للتركيز

اليوم الثالث ،،

كان من المفترض وجود موعد سابق مع أ / جنيدي لنقوم بجولة خارج امستردام
و حصل سوء تفاهم غير ظريف أدي لتأخيري عليه ،،

كنت متحمس جدا أن استكشف بعض المتاحف و المزارات الغريبة في امستردام ،، حاجات غريبة كده ،، متحف التعذيب ، سوق الزهور ،، حاجة تانية كده غريبة زي عرض مسرحي مرعب في مبني بالكامل بيقوم به ممثلين باللغة الإنجليزية و بينتهي بركوب قطر افعواني في بدروم المبني

المهم يعني العرض ده بيطلبوا منا نقفل الموبايلات ،، و طبعا التزمت و العرض مكنشي ينفع أخرج في نصه مما أدي إلي إني أتأخر علي أ / جنيدي و طبعا بعد ما فتحت الموبايل ،، اتصلت ب أ / جنيدي و كان زعلان جدا بسبب عدم إلتزامي بالموعد المسبق ،، بس عموما قلبه الأبيض ،، كمل اليوم علي خير و عملنا رحلة جميلة جدا


صور من متحف التعذيب الغريب





صور لسوق الزهور وسط امستردام





ركبت الترام الظريف و روحت لأقرب محطة لبيت أ / جنيدي

صور من عند محطة المترو اللي روحت استني فيها أ / جنيدي






وصل ا / جنيدي و بعد العتاب ،، انطلقنا ،، بحكم معرفتي ب أ / جنيدي ،، من خلال منتدي سيارات ،، قعد أ / جنيدي يشرحلي نظام المرور و الطرق السريعة في هولندا ،، شرح مستفيض ،، و إزاي أن في هولندا ممكن لو توهت ترجع بسهولة للمكان اللي كنت فيه لو فضلت علي اليمين و معلومات آخري ،، بس الصراحة مكنتش مركز و بتهيقلي مقدرشي بسهولة أسوق في أوربا

صور واحدة من الطريق الخلاب ،، غالبا عندي صور تانية بس علي الموبايل و مش عارف أجيبها



صورة و أنا بأمون عربية أ / جنيدي ،، و عزمني علي واحد قهوة و كرواسون بالمرة في المحطة
و علي فكرة هناك مفيش عامل بيمونلك العربية ،، أنتا بتمون بنفسك و تخش تحاسب بنفسك ،، و حاجة كمان مفهمتهاش أووي لكن كل واحد بيكون مشترك مع شركة محطات بنزين واحدة ،، و لو محاسبتش فيه كاميرات مراقبة هتجيبك هتجيبك ،،، تكنولوجيا بقه




استمرينا في الطريق اللي مكنشي ممل أبدا بسبب الصحبة و المناظر الجميلة و استمر الحوار عن شخصيات مشتركة و عن المنتديات و عن الشغل و عن مصر و عن هولندا

كان الهدف إننا نروح مطعم مشارك فيه ا / جنيدي مع صديق مصري ،، بيقع علي بحيرات جميلة جدا

صور حول البحيرات الخلابة عند مطعم أ / جنيدي





















صورة من داخل المطعم لشريك و صديق أ / جنيدي ،، مصري ايضا من مدينة السويس الباسلة و يظهر فيها يقوم بأعمال التشطيب بنفسه
(( ربنا يوفقهم و يكرمهم و يكون وش الخير عليهم ))




صورة لصديق مصري آخر ،، من القاهرة ،، يتابع معهم الأعمال في المطعم



عند العودة برده قرفت أ / جنيدي و كنت مصمم أشتري شنطة بدلا من اللي اتقطعت مني ،، فاضطر الراجل للمرور بمدينة في الطريق ،،، و عطل نفسه ،، بس للاسف لم أجد ما ابحث عنه ،،

صور للمدينة التي في الطريق





زي ما واضح من الصور ،، الدنيا كانت خلاص ليلت

أنا كنت أكلت حاجة خفيفة في امستردام ،، مع برده شوية حلويات و مشروبات في مطعم أ / جنيدي
بس أ / جنيدي صمم يعزمني علي حاجة تانية ،، بس المرة دي كانت جامدة جدا ،،

بعد ما وصلنا امستردام ،، عزمني علي مطعم ياباني (( و دي أول مرة أكل في مطعم ياباني )) ،، اوبن بوفيه يعني ناكل براحتنا علي الآخر ،، المطعم كان مليان بنات مغاربة مش عارف ليه
بالمناسبة ده كان يوم ثورة مصر العظيمة 25 يناير ،، و في الوقت ده بلغني أ / جنيدي بعد إتصال بصديق مشترك ،، وائل مجدي ،، إن الشعب المصري فعلا اتحرك يوم 25 يناير ،، بلغني في المطعم الياباني

بخصوص المطعم نفسه ،، فهوا مليان أطعمة نعرفها ،، يعني سلطات و مقبلات و اسماك و لحوم ،، حاجات نفهمها و مطبوخة بطرق عادية و فيه برده حاجات منفهماش خالص

و دي كانت متعة التجربة و الخطأ بعد توجيه أ / جنيدي للأطعمة اللي فيها لحوم خنازير
بعد ما بتاكل الأول الحاجات الجاهزة ،، بتختار حاجات نية و تروح للشيف يطبخهالك بالطريقة اللي تعجبك و طبعا مكنتش عارف و لا طريقة

صور المطعم الياباني










صورة الشيف اللي بتنقي الحاجة و تقوله طلباتك و يطبخهالك و أنتا واقف ،، علي فكرة ممنوع تصويره مش عارف ليه بس أ / جنيدي أتصرف



بعد الأكل و الحلو ،، وقت الحبس بالمشاريب و الشيشة
و مقهي مصري ثالث جديد ،، اسمه مقهي النيل و أصدقاء جدد ،، علي فكرة أ/ جنيدي ،، إجتماعي جدا و مرتبط جدا بالجالية المصرية في هولندا مش منعزل إطلاقا


صورة من أمام مقهي النيل المصري



صورة من داخل المقهي و يظهر فيها أ / جنيدي و هوا يلقي دروس الضومنه علي مرتادي القهوة




بعد ذلك وصلني أ / جنيدي ،، للفندق
و ودعنا بعض لصعوبة إننا نتقابل رابع يوم عشان كنت مسافر بدري باريس
و إن كان بيطمئن عليا تليفونيا


صورة السفر إلي باريس



و دي كانت الأيام الجميلة في امستردام و أ / جنيدي الذي لا نعرفه

و فعلا أكتر مدينة حبتها في الرحلة أمستردام و يمكن السبب الأكبر الصحبة و الإستضافة الجميلة اللي وجدتها فيها

و علي الهامش ،، بقه ،،

هأفتن علي أ / جنيدي و اقول إنه حاليا في مصر
__________________

رد مع اقتباس
  #28  
قديم 21-03-2011, 10:45 PM
الصورة الرمزية mainz
mainz mainz غير متواجد حالياً
من انا؟: عاطف عبده
هواياتي: chess
 
تاريخ التسجيل: Jan 2009
الموقع: Deutschlandوالمنوفيه
المشاركات: 1,696
mainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond repute
افتراضي رد: ** أيام في امستردام - جنيدي الذي لا نعرفه **

الف الف حمد لله بالسلامه يا استاز احمد والف الف حمد لله بالسلامه ليك يا استاز جنيدى ومصر طبعا من غير كلام منوره بيكم وبرجوعكم لارض الوطن .
بس انت تاخرت علينا يا احمد باشا فى بقيه التقرير شويه بس مش مشكله احنا مسمحينك بس علشان ظروف الثوره
واحسن حاجه فى الغربه ان الواحد يكون متواصل مع الجاليه المصريه وفيه موده ومحبه وبالتالى بتخفف عليه اجهاد الغربه
رد مع اقتباس
  #29  
قديم 21-03-2011, 10:56 PM
الصورة الرمزية mainz
mainz mainz غير متواجد حالياً
من انا؟: عاطف عبده
هواياتي: chess
 
تاريخ التسجيل: Jan 2009
الموقع: Deutschlandوالمنوفيه
المشاركات: 1,696
mainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond reputemainz has a reputation beyond repute
افتراضي رد: ** أيام في امستردام - جنيدي الذي لا نعرفه **


وايه حكايه متحف التعزيب ده ؟
وهوا فعلا كان بيعزبوا الناس فى المعدات ديه ؟
ايه ده هوا الحزب الوطنى كان بيحكم عندهم بردو؟
رد مع اقتباس
  #30  
قديم 21-03-2011, 11:23 PM
الصورة الرمزية tarek elbadry
tarek elbadry tarek elbadry غير متواجد حالياً
التخصص العملى: مشرف فنى تكييف بشركة المقاولون العرب
هواياتي: لاتوجد هواية محددة
 
تاريخ التسجيل: Feb 2010
الموقع: الجيزة
المشاركات: 1,439
tarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond reputetarek elbadry has a reputation beyond repute
افتراضي رد: ** أيام في امستردام - جنيدي الذي لا نعرفه **

حمدلله على السلامة يا استاذ احمد
منور مصر يا استاذ جنيدى
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:25 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017