حوار علمي (عند تغير الجنوط)

[dr_eslam_66]

المشاركة الأصلية كتبت بواسطة عصام غنايم بص يا سيدى موضوع الأوفست ده موضوع كبير اوى وعلمى اوى ويمكن اهم رقم لازم نبص عليه لو حبينا نغير لجنط رياضى ازاى ؟ هنوضح بمثال بسيط على عربيه شائعه وهى الانوس رقم الاوفست بتاع الجنط الحديد ليها بيكون 49 طيب لو حبينا نركبلها جنط اسبور 15 مثلاٌ ويكون 7 بوصه لازم رقم الاوفست للجنط الجديد لا يقل عن 35 ليه ؟ لأن رقم الاوفست كل ما قل عن الاصلى الجنط بيخرج لبره ناحية خارج الفجاوى ( بيفتح العربيه ) وكل ما رقم الاوفست زاد عن الاصلى كل ما الجنط دخل لجوه ناحية المساعد ( بيقفل العربيه ) طيب ايه المميزات والعيوب فى الحالتين 1 لو الرقم الجديد اصغر من الرقم القديم للعربيه بكتير ( - 20 ) الطاره هتبقى حساسه اوى هيظهر عيوب العفشه ويفسخها هتحتاج تربط عفشه كل شويه العجل هيحك فى الفجاوى مع مطبات الهواء وانت محمل هيعوم العربيه ويقلل ثباتها 2 لو الرقم قل فى حدود المسموح به وهو ( - 10 درجه ) حساسية الطاره هتبقى معقوله مش هيزعل العفشه خالص مش هتحتاج تربط كل شويه العجل مش هيحك فى الفجاوى هيزود ثبات العربيه بطريقه ملحوظه للعلم اغلب الجنوط السبور فى السوق رقم الاوفست ليها من 30 الى 40 اختار اللى يناسب عربيتك بعد ما تعرف رقمها الاصلى كام من على جنوطها الحديد وبعدين تقلل عنه 10 درجات فقط ما امكن ارجو ان اكون افدتكم وتحت امركم فى اى استفسار

ردك بسم الله ماشاء الله مفيد لأقصى الحدود بس معلش هغلس عليك شوية وعندي كمان سؤالين.
أولا إنتا ياباشا شرحت الحالتين الي فيهم رقم الأوفست أقل بكتير والي أقل في حدود المسموح طيب لو رقم الأوفست كان أكبر بقى الي حضرتك بتقول عليه قفلت العربية ايه الضرر وإيه الميزة.
الحاجة التانية أنا معايا كرولا موديل 2002 جنوط حديد وعايز أجنط ودي أول مرة اسمع عن موضوع الأوفست وماكنتش اعرف غني فيه رقم زي داه قبل كدة فا أنا عايز أعرف أقرى الرقم دا من على الجنط القديم من أنهي حتة ولا بيبقى مكتوب إزاي وأعرف رقم الأوفست للجنط الجديد إزاااي؟
وإيه أنسب مقاس جنط تنصحني بيه للعربية دي (الكرولا 2002).

[عصام غنايم]

تحت امرك فى اى استفسار

مش هتلاقى جنط اسبور رقم الاوفست ليه اكبر من الجنط الحديد للعربيه ابداٌ ابداٌ

لأن الجنط الاسبور هدفه تذويد الثبات بزيادة المسافه بين العجلتين المقابلين لبعض بيفتح العربيه شويه

وعلى العموم دى صورة مكان رقم الأوفست للجنط الحديد



ودى صورة مكان رقم الاوفست فى الجنط الاسبور



اى خدمه

[الصيداح]

الأخ عصام
ما شاء الله تبارك الله
ممتاز جدا شرحك كفيت ووفيت
والله أنا كنت نسيت الموضوع لأني عامله من زمان بس ملقيتش ردود بس أنت جبت المفيد
شكرا لك جزيلا

[الصيداح]

بس لي إستفسار
حضرتك قلت إن(( الجنط الاسبور هدفه تذويد الثبات بزيادة المسافه بين العجلتين المقابلين لبعض بيفتح العربيه شويه))
طيب هو إيه القاعدة اللي أنا بتبعها لما أحب أقول إني زودت المسافة بين العجلتين
بمعنى أخر يعني أنا المفروض إني بقيس المسافة بين العجلتين من أنهي حتة بالظبط
هل من محور التركيب للعجلة الأولى لمحور التركيب في الثانية ولا من مركز الجنط ولا من طرف الجنط ولا من أنه حتة بالظبط

[عصام غنايم]

لو حبيت تعرف عرضت العربيه قد ايه

تقيس العربيه من خارج الفرده اليمين الى خارج الفرده الشمال قبل ما تركب الجنوط الاسبور و بعد ما تركبها وانت تعرف الفرق قد ايه