عزل الحرارة فى اللوجان

[MmFFoR]

روح غتت عليهم تاني - قولهم كل حاجة و قولهم مش معقول عربية 2011 تعمل معايا زي 128 موديل 30 سنة فاتت

[akerima]

المشاركة الأصلية كتبت بواسطة abo-gamal انا متاكد ان العزل للكابينة مش كويس لانى باشعر ان فيه تيار هواء سخن جاي من عند رجلى من تحت وبتزيد عند السير بسرعة واعتقد ان الموضوع ليس له علاقة بمواسيير التكييف وبفكر اروح التوكيل مرة تانية رغم انى رحت لهم مرتين قبل كده اول مرة قالو لى ان العازل مش موجود دلوقتى ، وفى المرة التانية قالوا خلاص احنا عملنا العازل وكله تمام ولكن فى النهاية لا تمام ولا اي حاجة والحرارة مازالت موجودة وتشعر بها اكثر عند السير فى مناطق مزدحمة زي وسط البلد

والله انا عارف الكلام اللي انته بتقولوا وكان عدي بس بعد تركيب العازل السخونية دي اختفت تماما وعشان كده بقولك لازم تراجع التوكيل تاني جايز فية حاجة اتعملت غلط عشان كده انت لسة حاسس بيها

[abo-gamal]

المشاركة الأصلية كتبت بواسطة akerima والله انا عارف الكلام اللي انته بتقولوا وكان عدي بس بعد تركيب العازل السخونية دي اختفت تماما وعشان كده بقولك لازم تراجع التوكيل تاني جايز فية حاجة اتعملت غلط عشان كده انت لسة حاسس بيها

انا فعلت اتصلت بالمهندس محي فى توكيل رينو واخذت معاه ميعاد بكره ان شاء الله وربنا يسهل - دعواتكم

[يوسف ع الرحيم]

اعتقد ان هذه الحرارة من مواسير موجودة ناحية اليمين فوق دواسة البنزين لو حد بص من تحت ولو مشيت حتى لو 50 متر ولمست هذه المواسير هتجدها سخنه اعتقد ان هذه المواسير بتاعت الشكمان لانها اكبر من مواسير التكييف ولو انتا بصيت من ناحية الكبوت هتجد ان المواسير دى طالعه من الماتور وبعيده من مواسير التكييف وبتمر بجوار دواسة البنزين فوقها . اعتقادى ولو فيه حد عايز يتاكد يبص ويمشى مع المواسير ويشوف المواسير دى بتاعت ايه ؟لانى انا بصراحه مش متاكد.وربنا يسهل وانزل تحت العربيه واشوف المواسير دى بتاعت الشكمان ولا لا بس اعتقد هتكون بتاعت الشكمان ولا بتاعت ايه طيب وليه هما ماسورتين مش واحده؟

[abo-gamal]

بعد عدة مكالمات مع المهندس محى فى توكيل الرينو اخيرا تم توفير لباد العزل فى توكيل العبور لانه غير متوفر فى توكيل العبور وتم ارساله من القطامية
وبصراحة كانوا فى غاية الذوق فى التعامل وقاموا بتركيب اللباد - اخيرأأأأأأأأأأأأأأ مفيش حرارة ( النهاية السعيدة )

اذا كنت من مالكى اللوجان وعندك نفس المشكلة عليك وعلى التوكيل وخليهم يركبوا لباد العازل
وشكرا للاخ mmffor وشكرا لجميع من شارك معى فى الموضوع