عايز رايكم

[POP EL GAMED]

حصرتك قصدك رينو ايه بالظبط هو فى رنج ال70 الف مفيش غير الرينو لوجان
وهى شيك وامكانياتها كويسه
بس انا متأكد ان مصاريف تشغيلها هتكون اعلى من الدايو
وبرضه حضرتك معرفتنيش قصدك ايه بالكيا لان اللى اعرفه انه مفيش كيا فى حدود ال70
الا لو كانت البيكانتو واكيد البيكانتو مينفعش نقارنها بالنوبيرا خالص
يبقى لو انت عايز اداء معقول ووسع داخلى وموتور محترم تخليك فى النوبيرا وربنا يكرمك ان شاء الله
وهى عربيه حلوه جدا واعتماديتها عاليه وقطع غيارها متوفره جدا وغير متعبه فى صيانتها(ممكن البقال يشتغلك فيها)
وهتبقى تكلفه تشغيلها اقل من اللوجان
من رأى اتكل على الله وهات نوبيرا

[omarsaid777]

طب وايه الفرق بين النوبيرا والانوس يا بوب

[POP EL GAMED]

اولا ودى مش محتاجه خبير خالص الحجم:
النوبيرا اوسع من اللانوس بفرق كبير
ثانيا الموتور
النوبيرا 1600
اللانوس 1500
ثالثا العفشه:
عفشه النوبيرا محتاجه عنايه اكتر من اللانوس(مش عايزه بهدله كتير بس هى عفشه كويسه)
رابعا التكييف:
تكييف اللانوس اقوى من النوبيرا (بس مش بدرجه ملحوظه)
خامسا استهلاك الوقود:
النوبيرا استهلاكها اعلى من اللانوس
سادسا التوكيل:
النوبيرا دايو (تبع ابو الفتوح)
اللانوس شيفروليه (تبع منصور)
سابعا الضمان: (للزيرو)
النوبيرا ضمان 60 الف كم
اللانوس ضمان 100 الف كم
ثامنا الكماليات:
النوبيرا كامله مانيوال 77900
اللانوس كامله مانيوال 68990
اللانوس هاف اوبشن(تكييف-باور-كاسيت) 65500
تاسعا وده اخر فرق وهايف بس برضه نقوله الكاسيت:
النوبيرا كاسيت كينوود شرايط
اللانوس كاسيت مش فاكر نوعه ايه انما بقى cd. mp3
واعتقد مفيش اى فروق تانى
واى استفسار انا موجود بأذن الله
اخوك بوب الجامد

[omarsaid777]

ايه الخلاوة دي يا بوب تحية كبيرةلك علي هذه التفاصيل انت جامد فعلا

[MoSHaX]

اللانوس كاسيت مش فاكر نوعه ايه انما بقى cd. mp3

كاسيت الانوس الجديد كينوود يا بوب ......... وطبعا كلام الاخ بوب سليم

اشكرك علي الرد والمقصود بشيك يعني مثلا تشبه الدايو ولكن بيقولوا ان الكوري وحش ايه رايك؟ شكرا لك مرة اخري

متهيالى قصدة ان العربية تكون سيدان

وعامتا خليك فى الانوس او الفيرنا هما دول افضل اتنين واقل سيارتين فى المصاريف

بس لو هتجيب اى حاجة منهم انصحك بالفول اوبشن