ايه الفرق بين (فيورا-نصر-توب-المانى-ايطالى) فى 127...؟؟؟؟

[akerima]

يا باشا انا تحت امرك

اولا النصر عموما كان بينزل 4 باب سواء كان فيات او سيات وال 2 باب عموما فيات ايطالي او الماني

ثانيا اوقات كتير كانت شركة الفيات (الايطالية) والسيات (الاسبانية) بينزلو نفس اسم الموديل وبيبقي قريب من الشكل مع شوية تغييرات بسيطة بس نفس الماتور والعفشة علي سبيل المثال فيات 124 وسيات 124

ثالثا فعلا التوب بيطلق علي ال 2 باب فقط

رابعا الصاج اغلي في ال 127 عن ال 128 مش عشان احسن بس عشان مش موجود زي ال 128 وساعات بيبقي نادر

وبالنسب للموديلات علي ما اتذكر انها ابتدت من 79 لغاية 86 واللي كان اسمها سوبر فيورا ودي برضة كانت نصر

[mar mar]

بص انا اقدر اتكلم علي الفيورا لانها عربيتي
بص اولاهي اربعه باب هتش باك فيها 5 سرعات مبتسحبش بنزين خالص
وب 20 جنيه يفولوها
قطع غيارها رخيصه
الفرق بينها وبين اللي مش فيورا ان فيها خامس
هي 900 سي سي
عضمها ناشف اوي ومتتاثرش بالخبطات
تقريبا كده ماشي بدبابه
عيوبها ان صالونها مش واسع
والكانبه الخلفيه تاخد 3 بس هيبقوا مزنقين في بعض
بس بتشيل يعني احنا سفرن بيها من بنها الي المطار 5 ركاب و4 شنط علي الشبكه واكياس كتير اوي في الشنطه وكانت حلوه اوي علي السريع
وبتاخد المطبات عادي اوي ولا كان فيها حاجه
ومن عيوبها كمان انها لما بتفتح بقها بتصرف كتير
وكمان نور الكشافات بتاعها ضعيف مهما تعمل في ايه
وفي الفتيس بتاعها تقيل غيرتوا وبرضوا الاول بيجي بالعافيه عايزتجيب التاني الاول وبعدين تجيب الاول
والمرشدير بيجي بصعوبه شويا علشان السسته يعين اللي مش متعود عليها مش بيعرف يجبها
ياريت اكون عرفت افيدك في الفيورا

[akerima]

والله يا مرمر انت قلتي حاجات فعلا مظبوطة بس توضيح صغير ان مش لازم يبقي فيها خامس عشان تبقي فيورا لان موديل 84 ودي علي فكرة كانت عربية البيت لمدة 15 سنة تقريبا , كانت فيورا و 4 سرعات فقط لغاية ما غيرنا ماتورها بالفيتيس لل 1050CC وكان فعلا 5 سرعات بس انت ممكن فعلا يبقي عندك حق ان السوبر فيورا ال 86 كانت 900CC ونازلة بفتيس فية خامس

[aymangalal]

المشاركة الأصلية كتبت بواسطة mar mar الفرق بينها وبين اللي مش فيورا ان فيها خامس هي 900 سي سي عضمها ناشف اوي ومتتاثرش بالخبطات تقريبا كده ماشي بدبابه عيوبها ان صالونها مش واسع والكانبه الخلفيه تاخد 3 بس هيبقوا مزنقين في بعض بس بتشيل يعني احنا سفرن بيها من بنها الي المطار 5 ركاب و4 شنط علي الشبكه واكياس كتير اوي في الشنطه وكانت حلوه اوي علي السريع وبتاخد المطبات عادي اوي ولا كان فيها حاجه ومن عيوبها كمان انها لما بتفتح بقها بتصرف كتير وكمان نور الكشافات بتاعها ضعيف مهما تعمل في ايه وفي الفتيس بتاعها تقيل غيرتوا وبرضوا الاول بيجي بالعافيه عايزتجيب التاني الاول وبعدين تجيب الاول والمرشدير بيجي بصعوبه شويا علشان السسته يعين اللي مش متعود عليها مش بيعرف يجبها ياريت اكون عرفت افيدك في الفيورا

طبعا استفدت كتير وشكرا جدا لمشاركتك يا مرمر
بس عربيتك فيورا يعنى 900 وخمسة غيار ؟؟؟؟ يمكن عشان موديل جديد..؟؟
وكل اللى مش فيورا زى نصر كده مابيبقاش فيها خامس مش كده؟؟
او بمعنى تانى لو سمعت كلمة فيورا بيقى 5 غيار ومش فيور يبقى 4 غيار تمام؟؟
طيب وكل العيوب اللى قولتيها دى هلى بتبقى من الاهمال فى الصيانة ولا عيوب اصلا فى الصناعة؟؟؟

المشاركة الأصلية كتبت بواسطة akerima مش لازم يبقي فيها خامس عشان تبقي فيورا لان موديل 84 ودي علي فكرة كانت عربية البيت لمدة 15 سنة تقريبا , كانت فيورا و 4 سرعات فقط لغاية ما غيرنا ماتورها بالفيتيس لل 1050CC وكان فعلا 5 سرعات بس انت ممكن فعلا يبقي عندك حق ان السوبر فيورا ال 86 كانت 900CC ونازلة بفتيس فية خامس

كده انا اتلخبطت تانى
يعنى فيورا 4 سرعات وسوبر فيورا 5 سرعات ..؟؟ طبعا فرق الموديل هو اللى بيحكم كل ما الموديل يقدم عن 86 يبقى 4 غيار ومن 86 يبقى 5 غيار واسمها سوبر فيورا والاتنين 900CC كده عرفنا الفرق بين فيورا وسوبر فيورا
فرق الغيارات بس تمام قوى
طيب النصر تتساوى او تقل عن الفيورا فى ايه؟؟؟
على اعتبار ان التوب معرف نفسة بنفسة بـ 2 باب ويعتبر افضل لانه المانى وايطالى وكمان فى منه سعة 1050CC

[akerima]

يا باشا كله نصر فيورا او نصر 127 ال 4 باب نادرا ما تكون فيات او سيات وافرق ما بين ال 127 والفيورا زي ما قلتلك في الاول بالصور الاولي كانت نازلة نصر سيات فيورا - والتانية نصر فيات 127

متلخبطش نفسك ياما لان كلهم واحد مفيش اختلافات جوهرية الاختلاف في الشكل طفيف جدا لكن في اساسيات العربية كلة واحد