|
#261
12-08-2010, 06:10 AM
|
||||
|
||||
رد: أدب الرحلات
ونستمر قبل الصيام
القطارات العادية دى قطارات لاتصلح لركوب الآدميين اصلا ولا اى شىء تانى والناس اصبح عندها نوع من اللامبالاة فى كل شىء حتى حقوقها لدرجة انهم بقو يظلمو بعض يعنى مش كفاية الحكومة ظالماهم لا وبدل م يقفو جنب بعض بيظلمو بعض وفى يوم ركبت قطار 951 وهومن اسوا القطارات المتجهة الى الاسماعيلية وقطار مزدحم جدا والجو حر ناااار ودخل الكمسارى وبيقطع تذاكر كالعادة تذاكر يابهوات / تذاكر ياافندية (مع ان كلمة افندية دى وقتها خلص من زمااااان لكن لازالت موجودة) تذاكر ياريس و احد الركاب قال له معلش ممعاييش فلوس والكمسارى مسكه واداله( اعطى له ) الطريحة المحترمة ودرس فى الادب والاخلاق الحميدة و فى كيفية دفع حقوق الدولة وان ده حق الدولة و........و.......و....... . وانا بصيت للراجل لقيته غلباااااااااان خالص (شكله بيقول كده ) خليه بيستهبل دفعه نص تذكرة هتبقى انت والحكومة عليه المهم راسه والف سيف لازم يدفع تذكرة كاملة رايح فين الزقازيق 4,5 جنيه ممعاييش غير 5 جنيه اعمل معروف سيبهالى اجيب شوية عيش للعيال ده انا بركب تانى من الزقازيق بطل استهبال ياراجل انت وبينى وبينكم انا اتفرست من الحوار بس المسافة بعيدة والقطار زحمة لكن الحوار مسموع وبينى وبينكو انا شلتها له واول م جه عندى كان القطار واقف على محطة قها وحظه الزفت وقع فيا تذكرة يااستاذ طلعت جنيه ونص رايح فين بنها راكب منين من القاهرة بنها / القاهرة 3.5 م انا عارف خلص وهات 2 جنيه كمان ليه خير هنعيده تانى ؟؟؟ قلنا بنها / القاهرة 3.5 وانت دافع 1.5 عايزين 2 جنيه شوف يااما انت مش فاهم اوانت بتستكردنى وفاكرنى اهبل ياعم ليه الكلام ده (طبعا القطار كله بعد الكلمتين دول ترمى فيه الابرة ترن رغم الزحام الرهييييب لانهم كان نفسهم حد يفرجهم عليه وخاصة انه نازل شتيمة فى كل الركاب) شوف قوانين السكة الحديد بتقول انك تقطع لى تذكرة من المحطة اللى واقف عليها القطار بغض النظر عنى انا راكب منين وببص على الركاب لقيت كله مندهش قال/ يعنى مش عايز تدفع انا طلعت فلوس وانت ممتنع انك تاخدها انت راكب من القاهرة خلاص ودينى للقضائى فى بنها يقبض عليا وقل له الكلمتين دول لا هوديك ولا عايز منك تذكرة وانا وصلت للى انا عايزه روحت ماسكه من قفاه خد تعالى هنا هيا السكة الحديد بتاعة السيد الوالد علشان تقول مش عايز تذكرة مش ده حق الدولة اللى كنت بتهزء الراجل الغلبان عليه هتسيبهولى ليه نزل ايدك انت بتكلمنى ازاى اكلمك واكلم 10 زيك وانا اللى بقول بصوت عاااالى انا راكب من القاهرة ولو انت رااااااجل اقطع لى تذكرة من القاهرة وانا هاخد 2 من الركاب شهود فى محطة بنها وهخرب بيت أ........ ولقيت كل الركاب فى مظاهرة غريبة كلنا شهود كلنا شهود قال خلاص مش هقطع تذكرة قلت له هتقطع غصب عنك لانها لما تبقى بتاعة السيد الوالد تبقى تبقشش المهم نزلت بنها والناس كلها الله يعمر بيتك / الله يسترك / الله يخليك وهو راح رامى كلمة اصل احنا شعب نخاف منختشيش والزوغان ده هو اللى مودى السكة الحديد فى داهية روحت راجع له قلت له اللى يخاف ميختشيش الجبناء امثالك وعلششان اثبتهالك القطار لسه واقف فى بنها ولو انت راجل صفر وقف القطار وودينى للقضائى واتهمنى بالتهرب من دفع التذكرة ثانيا السكة الحديد بتخسر من ورا اسيادك الحرامية الللى بينهبوها ده اللى عنده ميكروباس بيصرف على 5 بيوت 2 سواقين و 2 تباعين وصاحب العربية يبقى اللى عنده السكة الحديد يخسر؟؟؟؟؟؟؟ سكت ولم ينطق لحد م انا مشيت وخرجت 
|
|
#262
12-08-2010, 06:22 AM
|
||||
|
||||
|
رد: أدب الرحلات
ونكمل
ولازلنا فى قطارات بحرى السيئة وتصرفات الركاب السيئة اللى بتدى الفرصة للحرامية انهم يسرقو من اعجب المواقف لقيت راكب طلع فى بنها وراح طالع على الرف وشال اللمبة وهيرميها من الشباك انا / ايه ياعم بتعمل ايه انت مالك مالى ازاى؟؟ ده مالى ومالك ومال الناس دى كلها بترمى اللمبة ليه كيفى كده كيفك ده فى بيتكو مش فى اموال الناس اعمل معروف سيبها بدل م ييجى واحد حرامى يركبها ب20 جنيه وهيا تمنها كلها 6 جنيه ومش هتركب على طول هنسافر فى الضلمة شهرين او3 واحد تانى بيرفع الشباك الشباك تقيل لانه لسه جديد ايدك معايا لو سمحت هتعمل ايه هخلعه علشان يجيب هو يعنى سيادتك تكسر الشباك علشان تتهوى ونيجى فى الشتا ندور على شباك منلاقيش؟؟؟ ياعم وانت زعلان ليه دى فلوس حكومة هيا فلوسنا فلوسنا طبعا مش سعادتك دافع تذكرة معايا اشتراك (بيستظرف) والاشتراك ببلاش لا طبعا دافع فيه دم قلبى اهو دم قلبك ده ياحلو اللى انت بتكسره ده ياعم انت هتقلب دماغنا بالفلسفة الفارغة ليه عايزين شوية هوا فى الحر ده وطرررراااااااااااااااخ ضرب الشباك بايده كسره طب تقول له ايد ده بقى
|
|
#263
12-08-2010, 06:41 AM
|
||||
|
||||
|
رد: أدب الرحلات
ولازلنا فى القطارات العادية السيئة
اليوم اللى هركب فيه قطار عادى ممنوع الاكل والشرب حتى لا الجأ الى الحما م لان حمامات القطارات العادية لاتصلح للحيوانات اصلا مش للبنى آدمين المهم فى يوم جاى من الاقصر وحاولت احجز الى القاهرة مفيش طب هات اى محطة فى الخط مفيش ولقيت 971 طالع ( الاقصر/ بورسعيد) و جريت نطيت فيه وبعد ساعة ياسنة سوخة يااولاد (على راى يونس شلبى ) ده انا واكل تمام والقطار ده لا حمام ولا انوار ولااى حاجة كشك بيجرى وخلاص وقلت استر يارب وحدث ما كنت اخشاه يادوب عدينا سوهاج واحتجت الحمام وحاولت اصبر ابدا فقلت مبدهاش امرى الى الله وطبعا زحمة جدا على م وصلت اخدت وقت ولقيت كام واحد جوه الحمام مش لاقيين مكان وخرجتهم لامؤاخذة ياجماعة معلش اخوكو ومزنوق وطبعا قفلت على نفسى الباب والدنيا ضلمة وشمرت رجل البنطلون وادتها واثناء م انا بديها وانا واقف طبعا للاسف حسيت بأييييييييييه حاجة ماشية على رجلى تمالكت اعصابى بالعافية وهزيت رجلى معرفش راحت فين لكن فوجئت بيها طالعة على رجلى تانى وانا مش عارف دى ايه فار /صرصار /تعبان مش عارف هزيت رجلى تانى واختفت المرة دى وخرجت وانا اتنفس الصعداء (يعنى باخد نفس عميق بعد فترة خوف او ترقب) وشوية واحد دخل الحما م وخرج جرى وهو ماسك بنطلونه ف ايده وبيصرخ ويقول تعبان تعبان تعبان والقطار كله اتقلب وحوالى 140واحد (صيغة مبالغة للدليل على كثرة اللى راحو ) جريو على الحمام هيفترسو التعبان ايه يااخواننا المظاهرة دى كل ده على تعبان صغير ؟؟؟؟ واللى جنبى مفوتهاش ايش عرفك انه صغير مهو كان ماشى على رجلى من شوية وبصلى باستغراب وسكت المهم الناس شغلت البطاريات وقلبو القطار كله وبعد تمشيط العربة بالكامل (حلوة تمشيط دى ) اكتشفو ايه اكتشفو برص صغير وانهالو عليه ضربا ورفسا وشتيمة وبصراحة انا مكنتش فاهم هم كل دول بيضربو برص؟؟؟؟؟؟؟؟ كفاية واحد اللى جنبى رد بلهجة صعيدة وهو متغاظ منى / ياراجل ده شيبنا كلنا شوف كام واحد بيدورو عليه من بدرى فانا اتغظت وحبيت افرسه / طيب الضرب فهمناه لكن بيشتموه ليه هو هيفهم الشتيمة بتاعتهم والتانى رد وهو مفروس / الشتومة (قالها كده)دى من مستلزمات الضرب وعندينا مفيش ضرب من غير شتومة ومتتكلمش تانى لحد مصر وانا ضحكت وسكتت بس ربع ساعة ورجعت له فاضل على مصر كتير ؟؟؟ زهجتنى (زهقتنى )ياراجل هيا سفرية باينة من اولها هههههههههههههههه (ده انا اللى بضحك مش هو) التعديل الأخير تم بواسطة خالدخليفة ; 12-08-2010 الساعة 06:52 AM
|
|
#264
12-08-2010, 06:59 AM
|
||||
|
||||
|
رد: أدب الرحلات
اعجب نكتة قرأتها من اسبوعين تقريبا ان وزير النقل ركب قطار كفر الشيخ من طنطا الى كفر الشيخ واستمع الى شكاوى الركاب ووعدهم بتحسين الخدمة الى آخر هذا الكلام العبيط والضحك على الدقون
مستحيل طبعا لان قطار كفر الشيخ قطار عاااااادى جدا نقول هيجيبو قطا ر نضيف وجميل و كل حاجة لكنهم 3 قطارات فى اليوم او 4 اللى بيروحو كفر الشيخ وبالتالى لايخلو قطار من اشولة رز على مشنتين او 3 فول حيراتى على قفصين فيهم كام دكر بط قطارات كفر الشيخ لما تركبها تحس فعلا انك رجعت الى الزمن الجميل فى الاربعينيات او التلاتينيات من القرن الماضى لما كان الخير كتير القطار مليان خيرات والناس مستحيل هتستنى اللى بعده وخلى الناس المقهورة انتظرت مستحيل الوزير يكمل فيه لانه بياخدها من طنطا الى كفر الشيخ فى 3 ساعات ونص والخط من طنطا لمحلة روح معقول مش وحش ومش حلو لكن المعمعه كلها من محلة روح لكفر الشيخ ده أسوا طريق سكة حديد فى العالم بعد مواصلة منوف والمناشى واللا هيا دعاية للوزير وخلاص
|
|
#265
12-08-2010, 07:10 AM
|
||||||
|
||||||
ربنا يكون فى عونة
ياقلبك دة انا بخاف من الصرصار مرة كنت سايب العربية اسبوع مركبتهاش المهم كنت مسافر القاهرة فى الصيف ولقيتلك صرصر صغير طلع من فتحة التكييف ضربتة شوية اخوة ضربتة شوية ولقيت العيلة كلها طالعة بابوهم وامهم كنت قربت على الرست رحت راكن بسرعة وجرى على على الرست وجبت بيرسول وفضيتة فى العربية كلها وركبت بعد لما عمل مفعولة ورحت على المغسلة وكان منظرى وحش قوى قدام بتاع الغسيل وهو شايف جثث الصراصير
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 05:25 PM
|
 |
|
|
