رفع ال128 الي اقصى درجات الجنون

[احمد الشناوى1981]

المشاركة الأصلية كتبت بواسطة ترانزيت خربها انت بتقول انها لازم تبقى دفع خلفي لو شوفتوا العريبه دي هتلاقيها انها دفع امامي ولا انا غلطان ؟؟؟؟

اولا واضح ان دى صورة ماكيت لعربيه لعربيه لعبه
ثانيا انت ايه الى مخليك مقتنع ان الصور دى بتثبت ان العربيه جر امامى
لو بصيت بين العجل الى ورا هتلاقى الكرونه و دى الى بتنقل الحركه للعجل الخلفى عن طريق عمود الكردان و ده يخليك تعرف ان العربيه دى خلفى و العربيات ال4*4 بتكون فيها 2 كرونه واحده قدام و التانيه ورا
اما الجر الامامى مبيكونش فيه كرونه ولا عمود كردان و انما عمود خارج من الفتيس مباشرةً الى العجل الامامى و الحاجه الواصله بين العمود ده و العجل اسمها الكوبلن و ده بيكون وظيفته انه بيكون ثابت من ناحيه العمود الى جاى من الفتيس اما من جهه العجل متحرك علشان يفضل موصل الحركه و انت بتحود العجل يمين و شمال
و ممكن تكون عربيه خلفى بكبالن وده حاجه من اتنين
1- انها تكون بموتور خلفى زى الفولكس او ال 126
2- ان العمود الى خارج من الكارونه الخلفيه مش متصل مباشره بالعجل و انما بكوبلن و ده بيدى مرونه للعجل الخلفى انه يتحرك لفوق و تحت و النظام ده موجود عندنا فى عربيات المرسيدس و الbmw
اتمنى تكون الصوره وضحت وانا بس الى خلانى اكتب الرغى ده كله انى لقيتك بتسأل فى موضوع تانى عن انه ممكن تحول العربيه من نظام الكبالن الى سوست ؟ فحسيت ان الموضوع فيه عندك لبس

[sherif fersh]

الدفع الامامى بتبقى الكبالن خارجة من الفتيس للعجل الامامى
الدفع الخلفى بتبقى الكورونه خارجة من الفتيس برضه بس إلى البطيخة
ثم الاكس الخلفى و من ثم الى العجل الخلفى
الـ 4x4 بتبقى زى الدفع الخلفى بالضبط
و بتزيد على كده ان فيها صندوق تروس ثانوى بتخرج منه الكبالن
الى العجل الامامى
و تحياتى ‘

[MmFFoR]

السيارات بالشكل ده اسمها monster trucks
غالبا بيتم التعديل ده على الشاحنات خصوصا الامريكية

التعديل بيشمل محرك شاحنة كبير الحجم + نظام تعليق تفصيل custom يتم تصنيعه خصيصا من قبل شركات متخصصة في الولايات المتحدة تشمل شاسية يتكون من بارات بوصلات مفصلية من الفولاذ المدعوم + سوست كبيرة الحجم + ماصات صدمات عملاقة مشابهة للموجودة في سيارات النقل الكبيرة و طبعا الجنوط و الاطارات ذات الحجم الكبير ( ثمن فردة الكاوتش الواحدة تتجاوز ال 6000 جنيها )

[khaled_1993m]

المشاركة الأصلية كتبت بواسطة mmffor السيارات بالشكل ده اسمها monster trucks غالبا بيتم التعديل ده على الشاحنات خصوصا الامريكية التعديل بيشمل محرك شاحنة كبير الحجم + نظام تعليق تفصيل custom يتم تصنيعه خصيصا من قبل شركات متخصصة في الولايات المتحدة تشمل شاسية يتكون من بارات بوصلات مفصلية من الفولاذ المدعوم + سوست كبيرة الحجم + ماصات صدمات عملاقة مشابهة للموجودة في سيارات النقل الكبيرة و طبعا الجنوط و الاطارات ذات الحجم الكبير ( ثمن فردة الكاوتش الواحدة تتجاوز ال 6000 جنيها )

ده كوتش جرار مش عربية و بعدين ده الكاوتش بس قد شاسيه العربية مرتين ثلاثة ههههههههههههههه

[efat_555]

ههههههههههههه ملقتش غير 128يارجل جاية ع الغلبان وتعمل فرعون هههه