ماهو بيض الدركسيون وبيض المقصات

[Badr Salah]

بعد اذنك يا هندسة استفسار صغير
وانا بربت العفشة وشيك عليها العفشجي قلي البيض عايز يتكبس
يعني ايه البيض يتكبس وقالوا انه بيتكبس مرة واحدة بس

[samirayad]

المشاركة الأصلية كتبت بواسطة Badr Salah بعد اذنك يا هندسة استفسار صغير وانا بربت العفشة وشيك عليها العفشجي قلي البيض عايز يتكبس يعني ايه البيض يتكبس وقالوا انه بيتكبس مرة واحدة بس

ولا تسمع كلامه

فعملية كبس البيض عمليه فاشله

مشوار والتانى

وتلاقى البيض بدأ يلق

أو يمشش تانى

وحتغيره بجديد

يبقى الواحد ياخدها من قصيرها

ويجيب جديد على طول

[Badr Salah]

المشاركة الأصلية كتبت بواسطة samirayad ولا تسمع كلامه فعملية كبس البيض عمليه فاشله مشوار والتانى وتلاقى البيض بدأ يلق أو يمشش تانى وحتغيره بجديد يبقى الواحد ياخدها من قصيرها ويجيب جديد على طول

شكراً يا باش مهندس انا برضة قلت الموضوع ده في ان واخوتها
الكلام ده قالو والعربية عاملة 25 الف وانا اساساً بمشي بالماتركس محترم يعني مش هوات الجري والغرز والشغل ده

[aymanay32]

المشاركة الأصلية كتبت بواسطة samirayad الأسمى العلمى لبيض العربيات عامة يطلق عليه ball joints أى الوصلات الكرويه ....وده باين من الترجمه للمعنى بال e ولكن جرت العاده لدى الصنايعيه على تشبيه أى مكون من مكونات السياره بالأشياء المتعارف عليها لديهم ونظرا لأن هذه الوصلات الكرويه تشبه الى حد كبير البيضه المتعارف عليها أطلق عليها هذا الأسم - حنخللى كلامنا دايما بصوره التشبيهات بالبيضه ....لسهولة التخيل طيب الأول .......أيه وظيفة الوصلات دى أو البيض بالعربيه 1- لازم يكون فيه بيض على نهاية أتياش الدركسيون ومتصله بالركب الأماميه لأستكمال عملية التوجيه والتوجيه أساسا هو أحداث حركه زاويه للعجل الأمامى أثناء السير هو ده دور بيض الدركسيون .....أى السماح بحركه زاويه منقوله من أتياش الدركسيون الى الركب الأماميه .....لأحداث حركه زاويه ....عند الرغبه فى التحويد والدوران بالسياره .................. 2- لازم يكون فيه بيض على نهاية المقصات للسماح بحركه زاويه بين الشاسيه وشمعدان العجل الأمامى .... لأن المقصات هى وسيلة ربط الركب الأماميه بالشاسيه العجل ماشى طوالى .....وبالتالى الشاسيه بوزن السياره ماشى معاه طوالى يبقى لما يجى العجل يحود ....محتاجين بيض المقصات معانا ...لأن العجل أتحرك حركه زاويه بسيطه بسبب دفع بيض أتياش الدركسيون للركب الأماميه عاوز بالمره أشبه .....البيض ده بيشتغل أزاى ....الحركه الزاويه اللى بيعملها هنا بأه حطلب منكم التخيل للتشبيه ده ...اللى قدرت أعمله ....أسوه بالبيض اللى بنسلقه تخيل أننا جبنا بيضه مسلوقه كويس .......وكان صفار البيضه عنده حرية الحركه داخل بياض البيضه ................... جينا بعد كده وعملنا خرم فى البياض بفتحه معينه ( بس الصفار سليم ومجناش جنبه ) حنيجى بقه ...ونجيب مسمار صغير بقطر أأقل من الفتحه اللى عملناها فى البياض ووصلنا المسمار بالصفار ........ تعالى بقه ....وحرك المسمار اللى ماسك فى الصفار يمين وشمال حيتحرك معاك حركه زاويه ....لحد مايصد فى جنب الفتحه اللى عملناها فى البياض هو ده بالضبط طريقة شغل بيض العربيه (سواء بتاع الدركسيون أو بتاع المقصات ) قلب البيضه للوصله الكرويه ( المسمار بصفار البيضه ) ......جراب أو قميص البيضه للوصله الكرويه ( هو البياض بتاع البيضه )......... طيب قلب البيضه ده حديد .....والجراب حديد .....ومينفعش يتحركوا كده بدون وسيلة تزليق أو تليين بيجى مصنعى البيض ....ويضعوا كميه من الشحم بين قلب البيضه وجرابها بغرض تسهيل الحركه الزاويه للقلب داخل الجراب .... وطبعا بيغطى ذلك بحافظه من الكاوتش ...للحمايه من الأتربه والرمال اللى بنقول عليها ( كاوتشة الطعميه ) لأنها شبه الطعميه فعلا ...... أما أحنا علينا تشبيهات ......................... !!!!!!!!!!! فى جزئيه بسيطه كده عاوز أشير اليه بناء عن تخيلى وسؤال سألته لنفسى ليه بيض الدركسيون أصغر أو أقل حجما من بيض المقصات ....؟ قى الحقيقه قدرت أصل الى النتيجه التاليه أثناء عملية التوجيه .....أتياش الدركسيون هى اللى بتحرك العجل حركه زاويه ....علشان ححود بالعربيه ....يعنى حمل خفيف ....والركب حتلف على قوة أحتكاك الأرض وبلى البطاحات فوق .....وبكده حركت الركب حركه زاويه أما بيض المقصات بياخد حركه زاويه من شمعدان العجل لتوجيه الشاسيه والعربيه كلها يعنى حمل كبير مطلوب من بيض المقصات لأن مما لاشك فيه ....أن حجم البيضه مرتبط بالحمل المطلوب منها تحمله أعتقد ده السبب فى كون بيض المقصات أكبر من بيض الدركسيون دى صوره بسيطه كده لموقع بيض الدركسيون الصغير على نهاية الأتياش بتاعة الأسكترا ودى صوره لموقع بيض المقصات على المقصات ....وباين مسمار البيضه اللى حنركبه فى شمعدان الركبه طبعا الموضوع أعمق من هذا .....وقلت أبدأ معاكم بالجزئيه دى ....وطبعا الموضوع مطروح للجميع من أجل التحاور والأضافه ................... وبالفعل هذا ماوفقتنى الله لجمعه حاليا من معلومات <!-- / message --><!-- sig -->

موضوع اكثر من رائع
مشكور

[samirayad]

شكرا على مرورك الكريم