فيات برافو نقطة تحول جديدة لفيات فى مصر

[فادى]

من أكثر السيارات التى أثارت الجدل حديثا,
و رفعت سقف المنافسة فى هذه الفئة كثيرا,
سيارة لها خصوصية شديدة فى فئة كانت تعانى ركودا منذ فترة و نضوبا فى الأفكار,
تقريبا لم تثير أى سيارة مثل هذا الجدل منذ زمن سوى الميجان بفضل تجهيزاتها و شكلها الذى كان مبتكرا.
برافو فيات!

[Dr. Bolbolan]

بس يا ترى فيها كروت تشغيل الكترونيه زى الميجان ؟؟؟؟


Dr. Bolbolan ptmnlo123per1127

[Etsh]

رسالة إالى الأخ فادى و كل من لديه المعلومة
يا اخى مشكور على المعلومات المفيدة التى ذكرتها سابقاً عن الفيلا برافو الجديدة . أنا أمتلك سيارتين برافا 2002 و نوفا بونتو 2002 أيضا ....السيارتين رائعتين و لكن عيوب الكهرباء و نظام الكمبيوتر يتسبب فى العديد من المشاكل و الأن أنا أسألك لأنى أبحث عن ردود فيما يخص البرافو لأنى مقبل على شرائهاز...
1- ما هى عيوب السيارة و مشاكلها خصوصاً انها لم تختبر بعد بالسوق المصرى... يعنى بالبلدى لسا مشكلها مابنتش.
2- ما هى عيوب نظام التيربو
3- إذا كنا فى مصر توكيلتنا فى أبسط مشاكل الكهرباء بيغرقو و يلوصو فما بالك بنظم تكنولوجى مطورة ذى الموجودة فى البرافو .... دى لو باظ فيها حاجه هاركنها و ياللا السلام على 150.000 جنيه
4-- عاوز أسألك إنت سوقت العربية أو حتى ركبتها عشان تحكم عليها و لا كلو كلام نت و أرء
يعنى بإختصار مافيش عربية من غير عيوب....يبقى عيوب العربية دى أية طبعاً غير عيب أنى لما هاجى أبيعها كمان 5 سنين هاتكون ب 80.000 على الأكثر

[Etsh]

عاوز أعرف مشاشكلها .......ماحدش يقولى سحب و لا جرى....يعنى شوارعنا مش هاى واى عشان نجمع ال 100 فى 10 و لا 5 ثوانى لأن عقبال م تجمع ال 100 فى 9 و لا حت 8 ثوانى هاتخبط فى إشارة أو تاكس أو واحة ست ماشى تتمخطر بالعربية و لا كأنها ماشية فى مطبخ بيتها و ساعتها هاتلقى العداد بيشاور على ال 0 كيلومتر...

[فادى]

انا مسقتش العربية و يا ريت الأستاذ مودى يفيدنا فى تجربة سواقتها و مستوى الراحة و احساس القيادة و غير ذلك, لكن من سمعة البرافا السابقة و سمعة سيارات فيات الحالية من ناحية الاعتمادية فنقدر نقول انو مشاكلها هتكون فى أضيق الحدود, لأن فيات حققت قفزات على صعيد الاعتمادية ترجع الى استخدام تكنولوجيا جديدة فى صناعة المحركات و تقليل عدد القطع المستخدمة فى صناعة السيارة.
الموضوع مش موضوع جرى و ثوانى التسارع, الموضوع هو متعة القيادة و استجابة السيارة, السيارة القوية لها احساس تانى فى القيادة.
طبعا أنا معرفش الكثير عن عيوب السيارة, و لا أحد فى مصر يعرف, لكن السيارة مشهورة فى اوروبا و استراليا و نيوزلنده و أمريكا اللاتينية, ممكن تخش على النت و تبحث عن Fiat Bravo Reviews , و تقرا تجارب الناس معاها هتديك فكرة عن مستوى الاعتمادية و مشاكل الكهرباء بتاعتها.
التربو عيوبه تتلخص فى ما يسمى الTurbo Lag, و انه بيقصر العمر الافتراضى للمحرك بنسبة ما,
التربو لاج تعنى فرق العزم بعد و قبل تشغيل التربو, لكن حسب ما سمعت فان التربو الخاص بالبرافو صغير و ذو كفاءة عالية لذا فان هذه المشكلة تظهر فى أضيق الحدود.
المشكلة التانية هى تقصير عمر المحرك, بمعنى انو نفس المحرك بدون تربو سوف يعيش لوقت أطول, ليس معنى ذلك ان المحرك مع تربو قصير العمر, فهو قصير "نسبيا" عن نفس المحرك بدون تربو, و لكنه قد يكون أطول عمرا من محركات أخرى كثيرة.
عموما كل السيارات الحالية فيها كمبيوتر فلو كانت التوكيلات بتغرق فى كهرباء السيارة بهذا الشكل, لما بيعت الرينو و السيتروين و البيجو و الفولكس و كلها مثل الفيات تعتمد على الكمبيوتر بشكل كبير, بل ان حتى السيارات الكورية و اليابانية بدأت تعتمد على الكمبيوتر هى الأخرى.