بعد المقارنة بين M11 واللوجان ...يبقى السؤال المحير !!!!!!!

[mahshahin]

المشاركة الأصلية كتبت بواسطة fineart607 نملك ام11 منذ 9/2009 موديل 2010 لم يظهر بها سوى موضوع الزجاج الخلفى وهو عيب عبيط جدا والبطارية الى تصنع محليا فى مصانع منصور بتاع شيفوليه وتم تغيرها الحمد لله السيارة حتى الان زى الفل وربنا يقدر لك الخير ان شاء الله

طب اخبار قطع الغيار ايه فى التوكيل هل موجودة ولا لاء

وياريت لو تعرف اسعار تقولى عليها ولك جزيل الشكر

[mahshahin]

المشاركة الأصلية كتبت بواسطة haytham1542 رائى تخليك فى المضمون- اللوجان بامنطق - اواي كماليات و شكل يبقى عامل زى البي ام و السعر يبقى زى الكورى- الصينين و لا هم اغبية و لا هم عاوز ياكلوا السوق لانهم بالفعل واكلينوه الصينى بيهتم بالمظهر الخارجى و ليس و بالجودة نعم يقال هناك ِABS , EBD و لكن هل انت متاكد انهم يعملوا فى الوقت المناسب - لا احد يعلم- و لكن هذا لا ينفى ان هذة الخصائص مش موجودة مثال اخر - الموبيل الصينى هل بجودة الموبيل ال سامسونج مثلا الاثنين صنع فى الصين و لكن الماركة مختلفة سامسنج يبانى و لكن صنع فى الصين و الاخر صينى مصنع فى الصين انا هاحكيلك جزء من قصتى و انت لك القرار فى الاخر انا لما رحت معرض فورميلا الاهرام فى شهر ينار السابق - ركبت ال BYD , و الاسبرانزا و الاولي كانت اشيك المهم دخلت جوه العربية - انا اتوهمت ( دى فى دى و اوتوماتيك رائع و شكل كاسيت مذهل و شطل تابلوه كانه تويوتا كرولا ) و ماتور ماتسوبشى - و لكن لقيت كل حاجة بعد كده من مواسير الميه بتاع الردايتر الي الردايتر نفسة الي خامات التابلوه كانت رديئة للغاية فانا قلت لا شكرا انا عاوز عربية تعمر شوية قبل ما ابيعها و اعتقد انها ليست كذلك و لا خاب من استشار- استشر المقربين منك ايضا و فى النهاية استخير ربنا

جزاك الله كل خير .... الموضوع فعلاً محيرني خصوصا لما اسئل الاصدقاء واحد يقولي عربية جميلة مع واحد صحبي وركبت معاه وحلو على الطريق .... وواحد تاني يقولي لاء صيني لاء مليانة عيوب ):

[drasd]

السلام عليكم
عايز اقولك حاجتين ان شاء الله فيهم الخلاصة :
اولا : لاتوجد عربية كاملة كل عربية لها مميزات وعيوب اعمل حسابك على كدا اهم حاجة انه عيوب العربية اللي هاتجبها تكون انت متقبلها وماتعملكش مشكلة يعنب لو مهتم بالشكل والكماليات وعايز عربية تتمنظر وتتبسط بها وتمتع نفسك بغض النظر عن مصاريف الصيانة وسعر اعادة البيع يبقى خليك في الاسبرانزا اما لو عايز اعتمادية وسعر اعادة بيع كويس خليك في اللوجان ( وطبعا الاستخارة اولا واخيرا بعد اتخاذ القرار وقبل التنفيذ )
ثانيا : انت بتسال في منتدى ال ام 11 فطبيعي اغلب اللي هايخش هايرشح العربية دي اما لو عملت نفس الموضوع في منتدى اللوجان هاتسمع كلام تاني خالص

[fineart607]

والله يافندم الحمد لله لم نستخدم اى قطع غيار حتى الان سوى تغير الزيت وفلتر وتربيط عفشة وكل ذلك اصبح خارج التوكيل وربنا يقدرلك الخير

[خطوه لأعلى]

المشاركة الأصلية كتبت بواسطة drasd السلام عليكم عايز اقولك حاجتين ان شاء الله فيهم الخلاصة : اولا : لاتوجد عربية كاملة كل عربية لها مميزات وعيوب اعمل حسابك على كدا اهم حاجة انه عيوب العربية اللي هاتجبها تكون انت متقبلها وماتعملكش مشكلة يعنب لو مهتم بالشكل والكماليات وعايز عربية تتمنظر وتتبسط بها وتمتع نفسك بغض النظر عن مصاريف الصيانة وسعر اعادة البيع يبقى خليك في الاسبرانزا اما لو عايز اعتمادية وسعر اعادة بيع كويس خليك في اللوجان ( وطبعا الاستخارة اولا واخيرا بعد اتخاذ القرار وقبل التنفيذ ) ثانيا : انت بتسال في منتدى ال ام 11 فطبيعي اغلب اللي هايخش هايرشح العربية دي اما لو عملت نفس الموضوع في منتدى اللوجان هاتسمع كلام تاني خالص

كلام مظبوط

الاستخارة طبعا فوق كل شىء

بس الوجان اشهر لانها اقدم ونزله بقالها سنين فى مصر اما m11 لسه فى 2009

وحسب ما بسمع الفرنساوى قطع غياره مرتفعه وفى بيعه صعب والاسبنزاز بقا ليه اسم فى السوق بس هى عايزة تاخد وقتها وقطع غياره ارخص والاوبشن بتاعها عالى عن اللوجان وكمان فى الشكل الخارجى والداخلى حاجة تانية