وة التبريد قلت عن الاول سيارة موديل 2013

[peter magdy]

مساء الخير يا شباب
انا دلوقتى معايا عربية byd f3 موديل 2013
التكييف كان فى الاول قوى ببشاعة و مكنش حد بيستحملة على 3
دلوقتى مبقاش زى الاول - بمعنى
ان لما الدنيا تبقى حر قوى تحس انة ضعيف و مش مأثر قوى حتى على رقم 3
لكن لو الجو مش حر قوى او متوسط يبقى كفاءة اعلى
و لول اقل بيبقى تبريدة اقوى
و التكييف زى الفل الحمد لله فى اشارة و على السلانسية شغال بتبريدة عادى
انا سمعت ان عزل مواسير البارد بيفرق شوية فى التبريد
لكن كدة اية المشكلة هل ممكن غاز التبريد فقد قدرتة و عايز يتغير بحاجة يبانى او امريكى زى ما سمعت - مع انى مش مستخدمى التكييف كتير يعنى بس لما بحتاجة بيبقى ضعيف قوى
و السيارة الزجاج الجلفى و البابين اللى ورا غامق و انا مزودة اكتر بفامية اغمق - و بردو التكييف مش تمام
ارجو الافادة لانى معرفش اى حاجة فى موضوع التكييف دة خالص
شكرا

[peter magdy]

مافيش اى مساعدة يا شباب

[miam0502788391]

ممكن يكون الفلتر

[khaled_k21]

اعتقد انك لازما و لابد من زياره واحد بتاع تكييفات محترم لانه لازم يشييك علي الاتي :

1- فيه تسريب و الا لا من الخراطيم
2- ضغط الفرين مزبوط و الا لا
3- هايغسلك التلاجه و دي اهم حاجه لانها بتلم تراب مع رطوبه تعمل طينه تقلل مستوي البروده
4- هاينضفلك فلتر التكييف بالكمبرسور

يعني لازم تروح بارادتك او اجباري

و ربنا يسترها معاك و ياريت تطمنا عليك

[peter magdy]

المشاركة الأصلية كتبت بواسطة miam0502788391 ممكن يكون الفلتر

نظفت الفلتر و هغيرو
بس على فكرة الكلام دة من السنة اللى فاتت و الفلتر الجديد ميزتة ان تدفق الهوا بقا اكتر لكن محلش المشكلة

المشاركة الأصلية كتبت بواسطة khaled_k21 اعتقد انك لازما و لابد من زياره واحد بتاع تكييفات محترم لانه لازم يشييك علي الاتي : 1- فيه تسريب و الا لا من الخراطيم 2- ضغط الفرين مزبوط و الا لا 3- هايغسلك التلاجه و دي اهم حاجه لانها بتلم تراب مع رطوبه تعمل طينه تقلل مستوي البروده 4- هاينضفلك فلتر التكييف بالكمبرسور يعني لازم تروح بارادتك او اجباري و ربنا يسترها معاك و ياريت تطمنا عليك

طب ممكن حضرتك لو تعرف حد كويس تكون اتعاملت معاة لانى معرفش اى حاجة فى موضوع التكييف دة
متشكر لردود حضراتكم