سير كاتينة الفيرنا

[d,mhmd brbry]

هل لو شارى عربية فيرنا مستعملة المفروض نغير سير الكاتينة عميانى ولا فى حاجة ممكن اعرف منها هوا محتاج تغيير ولا لأ؟ لانى اسمع ان عمر سير الكاتينة قصير فى الفيرنا؟؟؟؟؟
مشكوريييييييييين مقدما

[tham1010]

الناس بتغيرة عميانى لانك مش عارف المالك الذى قبلك غيره أمته. أنا اعرف انه بيتغير على 50 الف كيلوا. لو العربية عملة أكثر من كدة يبقى غيره. الفحص الظاهرى مش بيظهر التأكل فى السير ولكن السير هتلاقى سنانة متكلة شوية وهذا يستلزم فك السير وفحصة بدقة ولهذا أنصحك من جدبد غيرة احسن

السير مش غالى قوى. وأنصحك تجيب سير كونتيننتال الألمانى من شركة SMG التى لها فروع كثيرة فى القاهرة والمحافظات... هذا السير مصنوع فى ألمانيا وأصلى جدا.... ولكن أشترية من الفرع بتاع شركتهم.ولهم فرع فى المنصورة. هو ثمنه حوالى 78 جنية

[Hisham.Elgazzar]

المشاركة الأصلية كتبت بواسطة d,mhmd brbry هل لو شارى عربية فيرنا مستعملة المفروض نغير سير الكاتينة عميانى ولا فى حاجة ممكن اعرف منها هوا محتاج تغيير ولا لأ؟ لانى اسمع ان عمر سير الكاتينة قصير فى الفيرنا؟؟؟؟؟ مشكوريييييييييين مقدما

بغض النظر حتى لو صاحبها مغيره أمامك

مش هتخسر حاجة لكن ده إجراء وقائى من حاجات كتير لازم يتعمل

طبعا مع اويل سيل الكامات ولو فيه ترس كامه حامى او فيه مشكله تغيره كمان

بلية شداد الكاتينة لو خشنة او فيها مشاكل تغير

طبعا مع زيت وفلتر وتغيير فلتر الهواء والبنزين وتراجع على طلمبة البنزين

وألف مبروك ربنا يباركلك فيها ويكفيك شرها

[d,mhmd brbry]

كرا عالاهتمام يا جماعة انا سمعت نصيحة الصديق العزيز وجبت رقم الشركة فى المنصورة من موضوع هوا عاملة قبل كده ولقيته المانى فعلا وسعره بسيط 75ج فى حين الكورى الاشتغاله 160 ج !!!!!!!!!!!
مشكووووووووووور يا أخى والله

[d,mhmd brbry]

سؤال يا جماعة بالله عليكوا انا جبت احتياطى عشان لو احتجت بلية سير الكاتينة فاليو 55ج وشداد سير الكاتينة فاليو برضه ب 55ج كده تمام ولا مضحوك عليا