الكوتش

[micho1976]

انا معاي اكسنت ار بي عامل بيها 3000 كم بس ملاحظ ان الكاوتش ورا شمال بيحك في الصاج و حتي مكان الحك معلم في الكاوتش بس مش عارف اية السبب لو حد يعرف ياريت يفدني و شكرا

[virusx_x]

يا ريت حضرتك توضح موديل العربية و حضرتك شاريها جديد ولا مستعملة و متركبلها جنوط ولا الجنط الاصلي بتاعها و مقاس الكوتش اللي راكب فيها عشان نقدر نساعدك

[Hisham.Elgazzar]

المشاركة الأصلية كتبت بواسطة micho1976 انا معاي اكسنت ار بي عامل بيها 3000 كم بس ملاحظ ان الكاوتش ورا شمال بيحك في الصاج و حتي مكان الحك معلم في الكاوتش بس مش عارف اية السبب لو حد يعرف ياريت يفدني و شكرا

من اول مانزلت العربية دى وانا حاسس ان السوست الخلفية بتاعتها طرية اوى
وطبعا ماانصحكش انك تركبلها علايات ، إحذر من الموضوع ده

ولو سيبتها هتعوم منك على السرعات

انا لو مكان حضرتك هغير السوست الخلفية بسوست أخرى رياضية نفس الإرتفاع ، مش هتكلف كتير بس امان أكتر بكتير
هتبقى أقوى ومش هتعوم العربية على السرعات
والله أعلم

ممكن أعرف مقاس الكاوتش كام ؟؟
وهل هو اللى نازل مع العربية ولا إتغير ؟؟

[micho1976]

اكسنت ار بي 2012 طاسات مقاس 14 اللي نازلة بيها وهي جديدة وفعلا انا حاسس ان السوست الخلفية بتاعتها طرية اوى و يا تري السوست الرياضية هتكون احسن و بكام و شكرا

[drcobra]

يا ريت يا جماعة حد من الخبراء فى الاكسنت يفيدنا فى امكانية تركيب سوست رياضية لانى باشتكى من نفس عيب السوست الطرية ولو يعرفلنا سعرها ومكان بيعها