ايه المزايا والعيوب والفرق بين الفيرنا الاتوماتيك والمانول

[hany2iop]

المشاركة الأصلية كتبت بواسطة pashaa911 هو طبعا فى فرق بين الفيرنا الاوتوماتك والمانيوال بس ده مش معناه ان الاوتوماتك فى الفيرنا سيىء بس طبعا مش هنقارنه بالاوتوماتك بتاع التويوتا مثلا . يعنى بالنسبة للفئة بتاعتها حلو وزى الفل انا معايا عربيتين فيرنا اوتوماتك فى البيت واحدة 2010 والتانية 2012 ومفيش فى الاوتوماتك بتاعهم مشكلة والحمد لله. اتوكل على الله ولما تشتريها ابقى اقرأ المواضيع الخاصة بالحفاظ على الفتيس الاوتوماتك وكيفية التعامل معاه بالشكل اللى يطيل عمره. آسف للاطاله عليكو ياشباب

طبعا نورتنا بحضورك ومرورك الكريم والكلام مع الاخوه والاعضاء والمشرفين
كله كلام فيه معلومه وخبرة واستفاده احنا بنتعلم منكم فلا داعى للاسف بل على العكس واجب علينا الشكر ...............
انا قرأت كتير عن الاتوماتيك ولكن قولت يمكن الموديلات الاحدث اسوء
بمعنى اول متنزل للناس تكون ممتازه زى 2004 و غيرها وبعدين تتحول الى الاسوء كتير من السواقين بتقول ان الا كسنت العادى القديم افضل من الفيرنا ........عشان كده بنسأل ونتعلم وحضرتك بتقول معاك 2010 و 2012
وبتشكر فيهم ربنا يبارك لحضرتك ويرزقك خيرهم ونكون زملاء فى الفيرنا
ان شاء الله ........... و جزاك الله خيرا

[hany2iop]

المشاركة الأصلية كتبت بواسطة virusx_x موفق ان شاء الله

ان شاء الله موفق بدعائكم جزاك الله خيرااااااا:w6w20050411135 62663

[hany2iop]

المشاركة الأصلية كتبت بواسطة memodina1 عربية ممتازة بمعنى الكلمة بالعكس اثبت من المانيوال عشان الجنط وفتيسها كويس جدا جدا وتسارعها فوق الممتاز فوق الممتاز جبها وعلى ضمنتى توكل على الله معلش الاستاذ اللى بيقول انى متقارنهاش بفتيسس التويوتا فعلا كلامة صحيح عشان التويوتا فئة والفيرنا فئة لكن مثلا فتيس الالنترا الاتو ولا التيويوتا طبعا الالنترا افضل منة بمراحل ومعلش جرب وشوف

انت عارف لما تكون بتحب حاجه قوى وتقريبا اصبحت سياره العمر بعد تفكير كتير مش عارف اشرحلك سعادتى بكلامك اد ايه .......
توكلنا على الله وطبعا يشرفنى ضمانك..............

[haninatoon]

بص الفيرنا عربية بجد لا يعلى عليها وانا فى سواقتها المانيوال كانت تحفة وفعلا سيارة تستحق اكثر من ثمنها
بالنسبة للاوتوماتيك انا اشتريت الفيرنا مستعمل من واحد كان هو عندة فيرنا مانيوال وفيرنا اوتوماتنيك بتاعة والدة
فسالتة انت بتبيع المانيوال واخبار الاوتوماتيك اية الراجل شكر فيها وقالى عليها تحفة
وبالفعل اشتريت منة المانيوال وهو احتفظ بالاوتوماتيك والا كان باع الاوتوماتيك لو كانت تعباة

[devil_storm]

الفيرنا الاتوماتيك جميلة و سيبك من كلام البياعين و توكل على الله فى الفيرنا الاتوماتيك و مش حتندم و على ضمنتى