اى من السياراتان افضل ( m11 ولا جاك b15 ) قول رايك بصراحــــــــــــة - و الكل يشارك

[سيف الدين سعيد]

المشاركة الأصلية كتبت بواسطة alaa moh بصراحة انا احترت . يا جماعه . . لان الموضوع فعلا محيييييييييييير جدا جدا . . صحيح الشكل هيختلف من شخص الى اخر . لاكن الاهم هوا المضمون بتاع كل سيارة . يعنى اى عربية فيهم الى متصرفش كتير و وتكون مشاكلها اقل و لو فى مشكلة تتحل بسهولة .. (m11 - جاك b15 ) و تحياتى لكم جميعا .

انا ماعرفش الـM11 حاليا لسه بتيجى متقفله من بره واللا لأ . بس لو هى بتتقفل هنا يبقى خلاص . .
انما حتى فى المواصفات . موتور الجاك ميتسوبيشى لانسر وفتيس وعفشه كمان . اما الـ M ماعرفش هو ايه . وعلى فكره كل واحد بيتحيز لعربيته جدا . بس انا بصراحه بعد معاملاتى مع ابو الفتوح .... فضلت انى ابيع الـ سيبيرانزا وابعد عنهم خالص .

[alaa moh]

يا استاذ سيف . مبروك اولا على السيارة الجديدة ( ربنا يبارك لك فيها ) لاكن اكيد اخيتارك للل جاك هاخدو فى حساباتى . لاكن ممكن تعرفنى هي سعرها ( جاك ) كام و من اى مكان .

[سيف الدين سعيد]

المشاركة الأصلية كتبت بواسطة alaa moh يا استاذ سيف . مبروك اولا على السيارة الجديدة ( ربنا يبارك لك فيها ) لاكن اكيد اخيتارك للل جاك هاخدو فى حساباتى . لاكن ممكن تعرفنى هي سعرها ( جاك ) كام و من اى مكان .

يا أستاذ علاء : الله يبارك فى حضرتك . ومتشكر ليك جدا .
وطبعا الجاك أخدت منى وقت طويل من التفكير لغاية ما أخدت قرارى بشراها . وللأسف كان دا بتمنه لأنها اول ما نزلت كانت ب 69900 ودلوقتى سعرها زاد ووصلت 78900 . وطبعا الحسابات والسؤال على العربيه دا بيكون عامل مهم جدا لأنك بالخبره بتدور على كل جوانب العربيه اللى المفترض انها حاتعيش معاك لفتره طالت او قصرت انما لازم تريحك.
طبعا جودة العربيه ومكوناتها . وخاصة الأساسيات دا عامل مهم . الجاك موتور وفتيس وعفشه ميتسوبيشى لانسر مما يعنى ان قطغ غيارها الميكانيكيه حاتكون متوفره لفتره معقوله ( ميتسوبيشى ) . وبعدين جودة التقفيل وطبعا التشطيب . وكمان الصاج بتاعها تقيل ودا اكيد راجع لأنهم بيشتغلوا فى معدات النقل الثقيل .
ونيجى للأوبشنات فنلاقى ان فيها اوبشنات عاليه جدا ومتناسبه اوى مع السعر المنافس اللى هى حتى حاليا متوفره بيه . كمان وسع الصالون والشنطه حاجه مهوله جدا ويمكن مش متاحه فى عربيات كتير من الماركات المعروفه .
كل دى عوامل حطيتها فى حسابى فى الأول بس فى عامل تانى أهم وهو عامل التوكيل ومراكز الخدمه ودى اتعرفت عليها من هنا من خلال أخواننا المالكين للسياره واللى جربوها وتعاملوا مع مركز الخدمه . وكلهم والحمدلله قالوا كلام كويس عن الخدمه والصيانه .
وبالنسبه ليا انا فانا اشتريت العربيه من معرض الشركه فى شارع البطل احمد عبد العزيز فى المهندسين . ولو احتجت منى اى خدمه انا تحت امرك .

[بدر بسيونى]

مش عارف بحس ان الجاك افضل من عدة نواحى توب جير توكيل مش وحش واعتقد افضل من ابو الفتوح وسواء الجاك او الام11 من تصميم المصمم العبقرى بينينفرينا فلا جدال فى التصميم
من حيث الانتشار الام11 اقوى للوقت الحالى وده لانه اسبق فى النزول للسوق المصرى
الشكوى من السيارة اعتقد الام 11 نصيبها اكبر

فى المجمل الجاك

[odaoda]

المشاركة الأصلية كتبت بواسطة بدر بسيونى مش عارف بحس ان الجاك افضل من عدة نواحى توب جير(هورس موتورز ) توكيل مش وحش واعتقد افضل من ابو الفتوح وسواء الجاك او الام11 من تصميم المصمم العبقرى بينينفرينا فلا جدال فى التصميم من حيث الانتشار الام11 اقوى للوقت الحالى وده لانه اسبق فى النزول للسوق المصرى الشكوى من السيارة اعتقد الام 11 نصيبها اكبر فى المجمل الجاك

بدون التجيز لسيارتى العزيزة الجاك
اا مجربتش توكيل ابو الفتوح قبل كدة بصراحة
اما توكيل هورس موتورز ففتحوا مركز جديد والشغل هناك كويس
مشكلة الجاك الوحيدة هى عدد العربيات الى بتيجى قليل جدا للضغط الشديد على العربية فالصين ولان الاذكياء فى الصين فتحوا اسواق للعربية تزيد على الانتاج بداية بمصر وسوريا والاردن والسودان والبرازيل وباراجوى واخير العراق
واعتقد انهم هيعملوا خطوط انتاج تانية تغطى الطلبيات المتناهية الى على العربية
مش معقول مصر يكون نصيبها من اخر دفعة حوالى 25 عربية فقط دة لو دل بيدل على كمية الحجوزات ولضغوط هناك
الام 11 انتشرت لاسباب كبيرة جدا
اولا نزلت قبل الجاك ب 8 شهور كاملة وكمان تجميع محلى والعربيات متوفرة يعنى يوم ما تقول هشترى هتلاقيها عند بدل الواحد عشرة وبالتالى شبكة توزيع اوسع لان العربيات متوفرة وبالتالى اعلانات اكتر فالناس تشترى اكتر
ناهيك عن قوة توكيل ابو الفتوح ليس فى الصيانة ولكن فى الدعاية والاعلان والقدرة التسويقية الرهيبة الراجل مبيهمدش وناجح فالحتة دى بصراحة
انا رأىى الشخصى ان شركة هورس موتورز بدل ما كانت تبدأ بتجميع الجاك ايجلا فى مصر كانت تجمع البى 15 وبالتالى تضرب 15 عصفور بحجر واحد
الجاك تمت مع اول مشترى لها فى مصر 28 الف كيلو تقريبا ولا مشاكل الحمد الله ودة شئ بيطمنى اكتر على عربيتى
ولاحظ ان الجاك تجميع بلدها وهو خط انتاج واحد يعنى العربية الى انا راكبها هى هى الى فالصين راكبها باختلاف الموتور فقط لان هناك بينزل باكتر من موتور
اما الام 11 تجميع محلى ودى ميرزة فالسعر لانها ارخص من الجاك ب 8 الاف جنية تقريبا لكن اكيد فجودة التجميع والتشطيب هتتفوق الجاك ليس لسوء الام 11 لا قدر الله ولكن لانها تجميع بلدها
عموما استخير ربك وتوكل علية وان شاء الله الاتنين احسن وافخم من بعض
ويارب مكونش تحيزت لعربيتى