ايه رايكوا في اسبيرنزا m11

[aalim]

الغريب ان السبيرانزا اكتر عربيه اتهاجمت و طبعا A516 على وجه الخصوص

كما لو كان هى العربيه الوحيده اللى فيها مشاكل و كما لو كان كل اللى العربيات اللى بتقفل فى مصر على مستوى عالمى ما عدا السبيرانزا.

و انا مالك للسبيرانزا A516 من سنه و بالتأكيد لها مشاكلها و لكنها لا تخرج عن المشاكل العاديه و اللى معظمها سببه طبيعه الارض المصريه و كل يوم بيزيد اقتناعى بصحه قرارى بشراء العربيه

العربيه بالنسبه لتمنها معجزة (66 الف) فيها اوبشن بتاع عربيات فوق ال120000 و مع احترامى لصاحب الموضوع انت بتتكلم عن عربيه لكن انا باتكلم عن الاف العربيات اللى بنسمع تجارب اصحابها فى نادى السبيرانزا و باتكلم من واقع التجربه الشخصيه

العربيه ماسكه نفسها كويس قوى و اعتقد ان الصينى عموما هاياخد على الاقل مكان الكورى. و لو رجعتوا 25 سنه كانت الناس بتشتم فى الكورى و النهارده شوف الكيا و الهيونداى (النتصنعه فى كوريا). و لو رجعت 35 سنه كانت الناس بتشتم اليابانى و النهارده شوف عامل ازاى. و ربنا يحيينا و يحييكم نشوف هانتكلم فى المنتديات بعد 25 سنه ازاى و اتوقع يكون على وتيرة : " واحد صاحبى اتجنن و باع عربيته الصينى و اشترى عربيه امريكانى""

و كلام الاستاذ حازم شاهين سليم :الاختلاف امر طبيعى و الزمن و التجربه هى الفيصل.

و ما نرجوه هو مراعاة الدقه و الموضوعيه فيما يقال عن اى سياره لانه هناك اخوة لنا يفكرون فى شراء سياره معينه و لكن قد يغيرون رأيهم فيما بعد بسبب مواضيع من هذا القبيل.

[rotana_cinemaa]

أقسم بالله العلي العظيم أني من مالكي أسبرانزا m11 ولسة عامل صيانة ال 1000ك ودخلت بنزينة الوطنية في مدينة 6 أكتوبر أفول بنزين عادي يعني والتانك عندي كان فيه 7 لتر تقريبا فقط المهم اني جيت أفتح باب تنك البنزين موش راضي يفتح عملتله قرد أنا والناس في البنزينة ومفتحش طبعا كنت تريقة عباد الله والكل بيعايرني اني جايب عربية صيني زبالة زي دي وأنا واقف في نص هدومي اتصلت بالصيانة الي جبت نمرتها كأني بجيب نمرة ليلي علوي من السرية وطناااااااااااااااااش محدش معبرني وأخيرا في فرع ابو غالي في جسر السويس بعتولي الونش والعربية اتكسرت واتبهدلت علي الونش وطلع xxxxxxxxxx كل ده عشان باب تنك البنزين في عربية زيرووووو عاملة 1400 ك تصورو دي عربية او تستاهل يدفع فيها جنية واحد والله العظيم وحياة أولادي دي نصيحة محدش يشتري عربية صيني ولا يفكر حتي فيها عربية زبالة وخدمة بعد البيع حرامية وزبالة وشكرااااااااااااااااااااا ا

[ash257]

أولا أهلا بيك في المنتدى ويا ريت من كونش احنا السبب انك تدعي علينا ولا حاجة
وبعدين انا عايز أوضح نقطة مهمة وهي أن العيب دة مش عيب العربية ده عيب تقفيل يعني ممكن يحصل من أي عربية سواء متجمعة في الصين أو متجمعة في مصر أو أي بلد مش صناعية قوي دي حاجة
الحاجة التانية العيب ده أو اللي حصل معاك لو فكرنا فيه بهدوء هنجده أنه حاجة بسيطة جدا جدا يعني ممكن يكون سلك باب التانك فك من مكانه لأنه ما اتربطش كويس وده طبعا عيب تقفيل زي ما قلت أنا عارف ان العيوب البسيطة اللي زي دي هي اللي تنرفز يعني لو حصل معاك حاجة كبيرة اعتقد ممكن مايكونش نفس رد الفعل
بس انا ليا سؤال عند حضرتك..
ايه اللي حصل مع التوكيل وخدمة ما بعد البيع اللي فهمته أن حضرتك اتصلت بالتوكيل جابولك ونش يعني المشكلة حلوها
عموما من غير تعصب وبهدوء ويا ريت لما حضرتك تهدى كدة تقولنا تقييمك للعربية ويا ريت تقولنا هي عاملة معاك أيه من ناحية الموتور والعفشة والتكييف وغيره بغض النظر عن الحاجة اللي انا شايفها بسيطة دي بس طبعا علشان اللي حصل معاك انت متعصب
أنا عايز أقولك حاجة عديلي معاه عربية فيرنا وهو على الاوتوستراد فكر يشغل التكييف شغله راح سير الوتور اتقطع العربية سخنت وطبعا حاول معاها بكل الطرق وكان معاه أولاده برضه وساب العربية في الطريق وخلى أولاده ركبوا تكس وراح جاب السير وواحد علشان يركبه وكانت شغلانه وبرضو بيسب ويلعن في هيونداي وتوكيلها
عموما حصل خير ويا ريت ماتكرهش العربية اما هتخسر كتير لو بعتها دلوقتي
آسف على الإطالة<!-- google_ad_section_end -->

[ahmed1981]

متخليش عيب تافه زي ده يكرهك في العربية
العيب ده ممكن يحصل من عربية مرسيدس

قول الحمد لله وقدر الله وما شاء فعل
وحب عربيتك

[mr.saber]

يا جماعة والله العربيات الصينى عربيات محترمة