إستفسار من مالكي الباسات 2008 الهاي لاين.........

[Abo-Islam]

إخواني خبراء و مالكي الباسات، أنا عندي باسات 2008 هاي لاين خليجي لسة مشتريها من عشرة أيام عامله 50000 كم و كنت عاوز أعرف:

1. إيه عيوبها.
2. هي كام حصان.
3. أحسن زيت موتور و بتاخد كام لتر.
4. أحسن زيت للفتيس و بتاخد كام لتر.
5. أحسن زيت باور و بتاخد كام لتر.
6. أحسن حد أعمل عنده صيانة.
7. أحسن مكان متخصص في قطع غيار الباسات الألماني الأصليه و ياريت لو فيه تليفون.
8. يعني من الآخر كل حاجه تخصها.

آسف للإطالة بس بجد محتاج مساعدتكم ضروري............

[ابو انس المصري]

السلام عليكم ورحمة الله
اولا مبروك وربنا يعطيك خيرها ويكفيك شرها
ثانيا ممكن تتصل بالاستاذ عماد الخواجه وهو متخصص فولكس وعنده مركز صيانة خلف حديقة بدر ورقمه 0123625519
ثالثا انا عندي استفسار انا معايا بي ام 523 موديل 1998 وموتورها 2500 سي سي ونفسي اركب باسات 2007 هاي لاين بس انا مش مقتنع بموضوع ال 1600 سي سي وحاسس انها عربية بطة ومش ممتعة في القيادة بالرغم من فخامتها ووسعها
فهل اداء العربية معاك كما كنت متوقع ولا حاسس انها بطيئة شوية خاصة وانت مشغل التكييف في الصيف
ارجوك انقل لي تجربتك مع قيادة هذه السيارة بكل دقة وتفصيل وجزاك الله خير

[Abo-Islam]

المشاركة الأصلية كتبت بواسطة ابو انس المصري السلام عليكم ورحمة الله اولا مبروك وربنا يعطيك خيرها ويكفيك شرها ثانيا ممكن تتصل بالاستاذ عماد الخواجه وهو متخصص فولكس وعنده مركز صيانة خلف حديقة بدر ورقمه 0123625519 ثالثا انا عندي استفسار انا معايا بي ام 523 موديل 1998 وموتورها 2500 سي سي ونفسي اركب باسات 2007 هاي لاين بس انا مش مقتنع بموضوع ال 1600 سي سي وحاسس انها عربية بطة ومش ممتعة في القيادة بالرغم من فخامتها ووسعها فهل اداء العربية معاك كما كنت متوقع ولا حاسس انها بطيئة شوية خاصة وانت مشغل التكييف في الصيف ارجوك انقل لي تجربتك مع قيادة هذه السيارة بكل دقة وتفصيل وجزاك الله خير

أوﻻ يا باشا أشكرك على الرد.
ثانيا زي ما قولت أنا لسه مشتريها من عشرة أيام ودي فترة بسيطة للحكم على العربية, لكن حتى اﻵن أنا مش حاسس بأي بطء فيها بالنسبة لسحبها سواء مشغل التكييف أو ﻵ, لكن عيبها حتى اﻵن معايا إن طلعتها بطيئه شوية و عشان تاخد منها أعلى أداء يبقى ﻻزم بنزين 95 فقط.

[ابو انس المصري]

علي العموم انا منتظر منك تقرير شامل للسيارة وانشاء الله ربنا يمتعك بيها
بس انا نسيت اسالك عن سعرها لاني شايف اسعار خيالية علي كونتكت كار

[TareiQ]

المشاركة الأصلية كتبت بواسطة lonely_2409 إخواني خبراء و مالكي الباسات، أنا عندي باسات 2008 هاي لاين خليجي لسة مشتريها من عشرة أيام عامله 50000 كم و كنت عاوز أعرف: إيه عيوبها. هي كام حصان. أحسن زيت موتور و بتاخد كام لتر. آسف للإطالة بس بجد محتاج مساعدتكم ضروري............

بداية ألف مبروك و ربنا يكفيك شرها و يديك خيرها يا رب و تستخدمها فى كل معروف
عيب السيارة الأساسى الفتيس ، نصيحة حافظ عليه بالصيانة الدورية و تقلل من ال kickdown غير كدا السيارة ما شاء الله قمة فى الروعة .

كام حصان يا ليت تقول هى fsi و الا turbo و الا tdi عشان فيه منها كثير و تبدأ أظن من 140 حصان ل 280 حصان .

الزيت اللى أستخدمه و كويس castrol ألمانى و معرفش هو أحسن حاجه أو لأ بس هى vw تنصح بيه دائما فى دعاياها و بتاخد تقريبًا 5 لتر حسب برده السلندر و أنا بكلمك عن 4 سلندر عشان فيه خليجى 6 سلندر منها و 3200 سى سى و 3600 سى سى : )
ربنا يوفقك و مبروك تانى .