الطريقة المثالية لحفظ السيارة (رفع السياره)

[sad-bird]

المشاركة الأصلية كتبت بواسطة hoshos676 شكرا بجد مش عارف اقول لحضرتك يه شكرا ليك يا باشا.... بس معلش لو تقدر تقولي اجيب الحاجة منين الخشب او الحمالات اللي هتترفع عليها العلربية هل في مكان متخصص ولا ايه...تاني حاجة معلش هل في واحد متخصص مثلا يعرف يعمل الحاجات اللي حضرتك قلت عليها علشان انا بصراحة خايف اعمل حاجة تطلع غلط..وياريت لو حضرتك عندك صور للحاجات ديه ياريت تعرضها ..معلش تعبك معايا بس استحملني شوية...شكرا ليك بجد

العفو تحت امرك
الحمير الحديد اي حداد كريتال يعملها بس نبه عليه تكون موزونه مفيهاش عوجة ولا لوحه
وممكن تجيب ماسورة 4 بوصة متر ونص مثلا وتقطعها 4 وتعمل من فوق قطعه مربعة قاعدة للعربية ومن تحت قاعدة مربية بس عريض شوية 20 × 20 سم

أو تسأل اي ميكانيكي على الحمالات اللي عنده تعملها فين اللي بيحمل عليها العربيات بدل الكوريك
القاعدة الخشب اي نجار يعملهالك مش هتلاقيها جاهزة ودي لازم خشب شجر يجي ويكون معدول وتقطعه بالارتفاع المناسب للعربية وهو غالبا 5 سم اعلى من ارتفاعها بالكاوتش ( يعني توقف العربية على مكان معدول وتقيس المسافة بين العربية والارض من عند اماكن الرفع اللي في قاعدة العجلات

الشحم في اي بنزينة هات 2 كيلو كفاية او هات 3 ولو فاض حاجة هتتركن للسنة الجاية
بودرة التلك من اي صيدلية بس هاتها اكياس مش علب انت مش هتستعملها استعمال عادي ده انت هتكبها كده على الكاوتش او ممكن تدهنه شحم بس لما ترجع بالسلامة تغسله غسيل كويس علشان مش يزحلق منك وانت بتفرمل
المشمع من عن اي حد بتاع ادوات منزلية او حد بيشتغل في الحبال وده فيه منه درجات فيه حاجة خفيفة ممكن تجيبه وترميه كل سنة وفيه حاجة تقيلة ممكن تستعمله اكتر من مرة ودي حاجة ترجعلك وده بيتباع بالمتر بس مش عارف المتر بكام منه دلوقتي لكنه مش غالي انت هتجيب اعرض حاجة عرضه 4 متر وممكن تجيب لفة وتركنها عندك وتبقى تقص كل سنة لو ناوي ترميه بعد كل استعمال
البطارية من عند بتاع البطاريات ولو هتبيعها هو يبعهالك او الكهربائي لو هتشغلها مع اي حد ممكن تسيبها وتستعمها تاني سنة ( فيه حد كان قالي مرة انه ينفع تتفرغ خاااااااااااااالص وتتشال وتتشحن لكمني مش متأكد من المعلومة دي )
موانع الصدأ من اي بنزينة او من بتوع الكماليات

صور معنديش صور
حد متخصص يعمل الكلام ده مش محتاجه حد متخصص عاوزه حد يرتب افكار بس
اهم حاجة
1. العزل يكون كويس على العربية (الشحم ) خد في ايدك لمبة تحت العربية علشان تكشفلك لو حاجة ظاهرة بس خلي بالك تكون بعيده عنك علشان الحرارة هتسيح الشحم ويسقط عليك
2. العربية تكون على ارضية ثابته مش معووجة ولا مايلة
3. الكاوتش اخر حاجة تتعمل وانت بترفع واول حاجة تتعمل وانت بتنزل
4. مفيش مياه او رطوبة تكون قريبة من مكان العربية

لو هتركن في جراج قوله اعملي كذا وهو ينفذ ، لانه غالبا كل اللي هيعمله هيرفع العربية على حمالات ويغطيها ويسبها


انا عن نفسي كنت بعمل كده بنفسي

[إنسانة]

جزيل الشكر