كفا الله عنكم الشر جميعاً : أسباب زيادة حوادث الفيرنا؟

[Bahi]

الفيرنا بتفكرنى بالريجاتا أول لما طلعت: موتور قوى على بودى خفيف بتسحب بس ما بتوقفش لما تفرمل. هى عربية ممتازة بالنسبة لسعرها لكن لازم تتعود على عيبها وتتلافاة بالسواقة المعقولة يعنى من الآخر تسوقها وتتعامل معاها على أد صاجها وفراملها مش على أد موتورها.

[بدر بسيونى]

اولا الفيرنا بايعه كام بالمقارنة باقرب منافس ليها الفيرنا تمثل رقم لايستهان بيه فبالتالى حتشوها كتير وبالتالى حوداثها حتبقى اكتر من اى عربية تانية

وتانى نقطة انت شارى عربية ب60 الف ثبات ايه المطلوب منها فوق ال100 كم ومعلش ومع فائق احترامى عربية بالسعر ده المفروض وعن قناعة تامة العربية كبيرها 100 وشكرا لا انت شارى سيفيك ولا باسات فلو وصلت بيها ل 150 وبتشتكى انها مش ثابتة بيتهيالى انها مشكلتك انك مقتنع انك شارى بى ام

العربية كويسة جدا فى 100 و110 كم/س ومش مطلوب اكتر من كدها

الفيرنا بقناعة تامة اجنح عربية فى فئتها على الاطلاق وعلى مدار عدة سنوات

العربية اساسها محركها ومحرك الفيرنا الاحدث والاكثر تطورا بالمقارنة بالشيفورليه لانوس واللوجان

فبالتالى معظم اسباب حوداث الفيرنا رعونة وتهرو من سائق فقد السيطرة على سيارته

الالة لا تلام المتحكم بالالة هو الملام

[Abu_mazen]

تمام أوى يا استاذ بدر الله ينور عليك هوده الكلام بجد ،يعني لما أكون ماشي بالعربية على 140 ـ و 160 أو زي أخونا اللى فرحان بنفسه وهو مقفل عداد الفيرنا ده اسمه (انتحار برغبتك ) ده بس ربنا هو اللى كريم وسترها معاه ومعانا ، العقل حلو برضه يا جماعه ده احنا مش راكبين طياره ده شوية صاج كرتون يعني آخرك فيها 100او 120 بالكتييييير وستوب على كده وربنا يسترها معانا ومعاكم وكل سنة وانتم طيبين جميعاً0

[lol64]

المشاركة الأصلية كتبت بواسطة بدر بسيونى اولا الفيرنا بايعه كام بالمقارنة باقرب منافس ليها الفيرنا تمثل رقم لايستهان بيه فبالتالى حتشوها كتير وبالتالى حوداثها حتبقى اكتر من اى عربية تانية وتانى نقطة انت شارى عربية ب60 الف ثبات ايه المطلوب منها فوق ال100 كم ومعلش ومع فائق احترامى عربية بالسعر ده المفروض وعن قناعة تامة العربية كبيرها 100 وشكرا لا انت شارى سيفيك ولا باسات فلو وصلت بيها ل 150 وبتشتكى انها مش ثابتة بيتهيالى انها مشكلتك انك مقتنع انك شارى بى ام العربية كويسة جدا فى 100 و110 كم/س ومش مطلوب اكتر من كدها الفيرنا بقناعة تامة اجنح عربية فى فئتها على الاطلاق وعلى مدار عدة سنوات العربية اساسها محركها ومحرك الفيرنا الاحدث والاكثر تطورا بالمقارنة بالشيفورليه لانوس واللوجان فبالتالى معظم اسباب حوداث الفيرنا رعونة وتهرو من سائق فقد السيطرة على سيارته الالة لا تلام المتحكم بالالة هو الملام

شكرا يابدر باشا انت كده قلت المفيد

[عبدالله منصور]

تمام كلامكم والله

بس فعلاً فراملها مشكلة وياريت فيها abs كان بقى الموضوع لذيذ اوى

وانا ضد السرعات العالية وراجعوا مواضيعى تتأكدوا بنفسكم

انا مع السرعة المقررة والله ودا رابط موضوع ليه بصوا عليه

http://masrmotors.com/vb/showthread....d=1#post283812