|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
كاوتش كوبلن 127
انا مغير الكاوتش من حوالى شهر وما كملتش 500 كيلو بعد تغييره والمهم انه دلوقتى مش مقطوع بس بيجيب زيت علشاان فيه بوش بينه وبين الاكس وفيه ميكانيكى قاللى ان الاكس عاوز يتملى ويتجلخ علشان يرجع زى ما كان وقاللى نملاه بالارنديد (مادتين يتم خلطهم للحام المعاد ) وحصل ده وبرضه فيه تسريب انا لو جبت افيز معدن وربطه على اخر الكاوتشه هيمنع التسريب مع العلم ان اخر الكاوتشه ناشف ولا اجيب ارنديد تانى وازود تانى ولا اعمل ايه والمشكله ان زيت الفتيس خلص ومفيش حد فاتح فهل ممكن احط زيت موتور مؤقتا (معايا موبيل عالى الكفائة ) لحد ما اروح للميكانيكى بتاعى يا ريت تفيدونى
|
#2
|
||||
|
||||
رد: كاوتش كوبلن 127
السلام عليكم
المشكله كده في الأويل سيل ولا في كاوتش الكوبلن الأفضل تغيير الأكس بواحد استيراد وتغيير الأويل سيل جديد ولا يجوز وضع زيت موتور مكان زيت الفتيس يفضل زيت الفتيس طبعا والله اعلى واعلم والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: كاوتش كوبلن 127
بالنسبة للمشكلتك
دي ليس لها إلا حل واحد دة شغلي أنا عملته بنفسي كنت بجيب نوعية كاوتش نظيفة و غالية كان ثمن الواحدة 17 جنيه بألويلسيل بتاعها (إللي هي الحتة الناشفة إللي إنت تقصدها) و للأسف برده بعد شهر كنت بلاقي تسريب زيت برغم إن الأكس سليم و علي فكرة إنت عندك الأكس سليم و كويس بلاش تضيع فلوسك في حاجات ماتستاهلش حتي لو جبت أكس جديد هتلاقي نفس الكلام عندك الحل 1- إشتري كاوتش نظيف من شارع شامبليون في وسط البلد و هناك متخصصين كتير في الكاوتش و الأويلسيل.... و بلاش تشتري من بتوع قطع الغيار إللي جنب بيتك و جنب الورشة ... معلش إتعب نفسك و إنزل وسط البلد .. بدل ما تفك من تاني و تبقي متعقد نفسيا من العربية 2- هتجيب شحم تقيل زي مثلا (شحم بترومين) النص كيلو ب 20 جنيه بس هيعجبك أوي هتحط شوية شحم علي قد كف إيدك كدة .. جوة الكاوتشة من الناحية دي إللي في الصورة بحيث إن الشحم يمنع خروج الزيت من الأويلسيل و لو ركزت في الصورة هتلاقيني حاطط شوية شحم اهو في قلب الكاوتشة و علي فكرة أنا بحط أكتر من كدة كمان و ماتقلقش مش هيضر خالص بالفتيس 3 - يا ريت زيت التيس يكون تقيل أو الدرجة بتاعته 140 بلاش الزيت الخفيف ال90 4 - لو حاولت تربط افيز في الحتة الناشفة (الأويلسيل يعني) .. مش هتعرف إيه ملوش لازمة و بعدين الأفيز بيتربط عالكاوتش بتاع الكوبلن الخارجي بس
__________________
|
|
|