استشارة بخصوص السيارات السوكون الميني فان والربع نقل

[غراب]

السلام عليكم،
أهلا وسهلاً بكم، انا سعيد بوجودي معاكم في المنتدي المحترم ده.
عندي إستفسار بسيط جداً، انا عندي مشروع صغير ومحتاج سيارة صغيرة لنقل بضائع خفيفة "منتجات ورق وأدوات مكتب".
ولفيت كتير علي معارض وقدامي اختيار من 3

1. سوكون ميني فان (فاضية من ورا) سعرها 59 آلف.
2. سوكون ربع نقل (صندوقها أطول) وهحتاج أقفلها صندوق طبعاً بسعر 49 آلف.
3. سوزوكي (تمناية) بس هتحتاج أشيل الكراسي وطبعاً سعرها عالي ومش هقدر عليه.

اللي انا عاوز اسأل بخصوص هو :-
1. كون ان "السوكون" صيني ده يعيبها في شئ من ناحية الجودة؟
2. السيارة عملية وأعطالها ايه وتستحمل الطرق بتاعتنا علماً بأنها هتبقي سيارة أكل عيش وهبقي محافظ عليها.
3. تنصحوني في المجمل العام بشرائها او تنصحوني اشتري ايه؟

تحياتي لكم ،،