الحمد لله الماتور قفش

[eng/walaaeldeen]

المشاركة الأصلية كتبت بواسطة Hisham.Elgazzar إستدراك للمشاركة، ثلاثة صفائح بنزين يتحرقوا والعربية واقفة من غيرماتتحرك مع متابعه مستوى مياة الردياتير ، ومروحة التبريد

السلام عليكم
ان شاء الله تكون اخر الأعطال
ثلاث صفايح في الماروتي كتير قوي ده التنك كله 22 لتر تقريبا انا لينت عربية الحاج طلع عيني علشان اخلص التنك والعربيه واقفه وخلصت تنك بالعافيه وهيه ماشيه
والله المستعان

[حبيب الناس]

المشاركة الأصلية كتبت بواسطة Hisham.Elgazzar معلش يا أستاز حبيب قدر الله وماشاء فعل مفيش صتايعى دلوقتى تصدق كلامه الموتور لما بيخلص منه الزيت هتفك الكارتيرة من تحت وتشوف لقم السبيكة المتحركة وبالمرة تغير الشنبر ، الشميز بإذن الله مش هيبقى فيه شغل وكمان الكامة لو مامشيتش عليها كتير بإذن الله سليمة بس يفضل بالمرة تغير طقم كاوتش صباب ولما تغير زيت فى اى حته لازم الموتور ميكونش عليه اى زيت وتانى يوم تراجع على مستوى الزيت وتكشف على اى تسريب لا قدر الله التليين بالليل فقط علشان الصبح الجوحر ، لازم العربية تحرق صفيحتين بنزين قبل ملتتحرك بيها متر واحد اول يومين تلاتة بعد تغيير الزيت تراجع على مستواه ، ولازم كل اولسيهات الموتور تتغير بس حاول تلم الشغل اللى فيها علشان دخلة رمضان وكل سنة وحضرتك طيب

جزيل الشكر لك اخي Hisham.Elgazzar علي مشاركتك الرائعه وبجد استافدت منها كتير الحمد لله العربيه خلصت من يوم ودورتها ولينتها وعملت بيها كام مشوار بس كانت بتسخن في الجري وسئلت الميكانيكي قالي لازم تغير زيت غيرت الزيت امبارح ولسه مجبربتش اجري بيها والجري ده اللي هوا اعدي الى 60 لان الميكاني قالي متجريش بيها وربنا يسهل اي جديد اوافيكم بيه

[حبيب الناس]

المشاركة الأصلية كتبت بواسطة خميس حسن قدر الله وماشاء فعل وربنا يعوض عليك وشكرا للتنبيه

كل الشكر لك اخي خميس

[حبيب الناس]

المشاركة الأصلية كتبت بواسطة samirayad غريبه فعلا طبة الزيت تفقد بهذه السهوله وفجأه على الرغم أنك مغير الزيت من 15 يوم ---------------------------- وأكيد كنت بتسوق العربيه خلال ال15 يوم دول .....!!!!!!!!!!

والله يا استاذ سمير انا لحد دلوقتي مش عارف المضوع ده ازاي حصل انا كمان بروح بيها ابو رواش والطريق فيها مدغدغ فيه ناس بتقولي ممكن يكون حد فك لك الطبه بس انا الحمد لله مفيش اي عداوه بيني وبين حد اصلا علشان حد يعملي كده بس اخويا بص تحت اعربيه مترح ما كنت بركن بيقولي فيه تنقيط زيت قديم علي كل الاحوال الحمد لله رب العالمين
بس ليا سؤال لحضرتك انا العربيه لما بجري وبعدي ال 60 وافضل ماشي يجي 5 دقائق بتسخن ولما اخف عليها شويه والسرعه توصل لل 60 بتهدي وترجع لطبيعتها روحت للميكانيكي قالي غير زيت قولتله انا لسه حاطط زيت قالي ايوه لازم تغير زيت وفلتر غيرت الزيت الفلتر بس حاسس ان السحب ضعيف ولسه بتسخن بس المكيانيكي غير سبيك البيل فقط

[علاء الدين مطاوع]

المشاركة الأصلية كتبت بواسطة حبيب الناس وانا راجع من شغلي اول امبارح علي المحور كان زحمه جدا انا شغلي في ابورواش بعد ما طلعت المحور ولسه ممشتشي 200 متر سمعت صوت حاجه خبطت في العربيه من تحت حسبتها طوبه او زلطه دوست عليه بطرف الكاوتش نفطت خبط في العربيه من تحت وكملت ماشي عادي جدا مكملتش كيلو ولقيت العربيه تقلت اوي كاني مش دايس بنزين ومره واحده كل اللمبات ولعت لكن مؤشر الحراره علي النص الطبيعي بتاعه كان المحور زحمه جدا بس الحمد لله تمالكت اعصابي مورت العربيه اديت اشاره يمين وانتظرت لما الطريق فضي خالص من اليمين دخلت اول حاره واديت انتظار وركنت لقيت العربيه بتدخن من كل حته ولقيت تحت العربيه تنقيط زيت نزلت تحهت العربيه اكشف اشوف تسريب الزيت من فين لقيت العربيه غرقانه زيت من تحت وملقتش طبه الزيت حسبي الله ونعم الوكل ده من اهمال الصنعيه لما غيرت زيت من حوالي 15 يوم نسي يقرط علي طبة الزيت كويس قطرت العربيه ووديتها للميكانيكي قالي الماتور قفش وربنا يستر ومتكونش حاجه كبيره حبيت انقل تجربتي علشان نخلي بالنا من الاهمال بتاع الصنعيه ولازم نراجع علي كل حاجه بنفسنا لان الاهمال في الحاجات ده بيكلف كتير ربنا يستر والعربيه متخشش في عمره كامله دعوتكم ليا

خير ان شاء الله وتكون حاجة بسيطة