|
#1
26-04-2011, 06:26 PM
|
|||
|
|||
أشتريت ماروتى 2011 من 3 أيام وعندى كام أستفسار
السلام عليكم
الحمد لله ربنا وفقنا وجبت الماروتى 2011 من 3 أيام وعندى كام أستفسار عنها 1 العربيه لما بتدور الصبح أو وهى بارده خالص بتترج جامد وتقوم مبطله خالص وعشان أسخنها لازم أفضل دايس سنه بنزين لمده 40 لـ 60 ثانيه عشان تفضل دايره ومتبطلش بس بعد كده لما بتسخن وأمشى بيها زى الفل ومفيش أى مشكله خالص حتى لو بطلت منى مثلا بتدور فى أقل من ثانيه فيا ترى ده ليه ؟؟؟ 2 الدبرياج حاسس أنه عالى شويه ممكن يوطى ولا أسيبه زى ماهوه وهل ده عيب فيها ؟؟ 3 لما أبطل العربيه بحس أنها لسه مبطلتش أو بيقف الموتور بعديها بحوالى 3 ثوانى ليه كده دى كهربا عليا ولا أيه ويا ترى أظبطها إزاى ؟؟ أنا طولت عليكم أنا أسف وأرجو سرعه الرد لأنى والله قلقان أوى ومعلش حاجه كمان ترخيص 3 سنين يكلف كام من أول الاستماره لغايه النمر على العربيه وشكرا 
|
|
#2
26-04-2011, 07:20 PM
|
|||
|
|||
|
رد: أشتريت ماروتى 2011 من 3 أيام وعندى كام أستفسار
نسأل الله ان يرزقك خيرها ويعصمك من شرها
|
|
#3
26-04-2011, 07:28 PM
|
|||
|
|||
|
رد: أشتريت ماروتى 2011 من 3 أيام وعندى كام أستفسار
1000 مبروك يا فندم
بالنسبه لاستفسارات حضرتك 1- العربيه كاربيراتير زي ما حضرتك عارف و لازم تشد الشفاط في الايام البرد اللي زي دي و تقريبا حضرتك بتستخدمش الشفاط عشان كده العربيه بتطفي منك الصبح اما بقيت اليوم مش لازم الشفاط و لا حتي في ايام الصيف 2- الدبرياج مظبوط و لسه لما تتعود علي المشوار بتاعه لان كل عربيه بتختلف عن التانيه و لو وطيت الدبرياج ممكن تقرص علي الاسطوانه و تبوظ بسرعه و لو الموضوع تاعبك اوي ممكن تقولهم علي الحوار ده في التوكيل 3- كهربا العربيه عاليه و هو ده ظبط المصنع و في صيانه ال 1000 كيلو خليهم يظبطوا الكهربا الترخيص هيتكلف 1200 : 1500 جنيه تقريبا و نصيحه رخص سنه واحده عشان المخالفات
|
|
#4
26-04-2011, 11:26 PM
|
||||
|
||||
رد: أشتريت ماروتى 2011 من 3 أيام وعندى كام أستفسار
الف الف الف مبروك ربنا يكفيك شر الطريق وفى أنتظار تقرير منك 
__________________
 حبيبت قلبى سبيدر
|
|
#5
26-04-2011, 11:32 PM
|
|||
|
|||
|
رد: أشتريت ماروتى 2011 من 3 أيام وعندى كام أستفسار
ألف شكر يا جماعه على الردود اللى جت أسرع مما كنت أتصور
وربنا يبارك فيكوا يا رب ويرزقنا جميعا بالخير أنتم كده طمنتونى عليها بس يعنى أيه أستخدم الشفاط وهو بتركب ولا بشتريه منين أعزرونى للأسئله الزياده دى بس أنا حاسس أنى بتكلم مع أخواتى وأهلى وربنا يخليكم لأمثالى وشكرا ليكم مره تانيه
|
 |
|
|
