الماروتي بتاعتي بتحتضر والا ايه.......؟؟؟؟

[حبيب الناس]

الحمد لله انك وصلتي لحل مشاكل عربيتك لان العربيه لما بيكون فيها مشاكل الواحد بيكون كارها خالص وبيندم علي اليوم اللي اشتري فيه العربيه هههههههههههههههه وبينسي انها رحمته كتير من زل المواصلات او مششوار في المطره والزحلايق من غير ما يتهان هههههههه
ربنا يوفققك في التغلب علي باقي الماشكل وربنا يوفققك وتلاقي حد بيفهم في التصليح علشان كل محلات تصليح السيارات بعملو انهم فهمين كل حاجه ولكن الواضح انهم بيفتو وخلاص عن تجربه والواحد علشان يلاقي ميكانيكي شاطر بتكون معجره

[Om Abd Allah]

السلام عليكم ورحمة الله وبركاته
شكرا علي اهتمامك يا حبيب الناس وبمناسبة الميكانيكي الثقة واللي عمله صعبة دلوقتي ما تقدرش تدلنا علي ميكانيكي تعرفه يكون كويس زي المهندس بتاع التكييف كده تكسب فينا ثواب وبرضه يكون سبب رزق له..
من كام يوم كنت باخد عبد الله من المدرسة طلعت لقيت الاكصدام اللي ادام كله واقع ومتعلق من الجنب .. طبعا عرفت السبب لاني لقيت اثار احذية ولاد عليه وشكلهم كانوا من الوزن التقيل وقفوا عليه عشان يقعدوا علي العربية خدهم ونزل .. طبعا مكنتش عارفة اعمل ايه فكيت الجنب التاني وحطيته في العربية ولقيت سمكري جنب المدرسة ركبهولي ب 30 جنيه ,, يا دوب مسمارين يمين وشمال وماقدرتش طبعا اقوله حاجة دفعتهم ومشيت
فعلا الواحد محتاج ميكانيكي كويس علي الأقل يوم ما يحصل حاجة في العربية يكلمه يقوله يتصرف ازاي

[حبيب الناس المصرية]

ممكن حد يفيدنى فى ماروتى 2011

[Om Abd Allah]

المشاركة الأصلية كتبت بواسطة حبيب الناس المصرية ممكن حد يفيدنى فى ماروتى 2011

السلام عليكم ورحمة الله وبركاته
معلش انا لسه ما شفتش ماروتي 2011 لكن شفت 2010 في المصرية الكاسيت نازل معاها وتقريبا كانت ب37000 او 37500 مش فكرة قوي.. وطبعا الماروتي هي الماروتي أحلي عربية صغيرة في مصر
تعقيب متهيألي انها كانت بسنتر وانذار كمان والأخوة بقي اللي معانا يفيدوك احسن مني

[المهندس العربى]

ممكن حد يفيدنى فى ماروتى 2011

احب اوضح ان انتاج سيارة ماروتى توقف نهائيا العام الماضى ومصنعها الهندى غير نشاطه ولكن قطع غيارها لازالت تنتج والحمد لله ، وعلى فكرة انا لسة شارى ماروتى مو 97 وعاجبانى جدا بس فى حاجات كده بتطلعلى من حين لاخر زى السخونة فى درجة حرارة الجو العالية وحاكشف علي الرادياتير لانى شاكك فيه وحاعرف السبب ان شاء الله وعلى فكرة انا شاريها ب18000ج وصرفت عليها 700ج تقريبا ومش عارف اتغلبت كده ولا ايه رغم انى شفت كذا ماروتى للبيع نفس الموديل ب 16 و17 و18 و19 و20 و21 الف جنيه وما عجبونيش بعد ما كشفت عليهم وعندى سؤال للسادة حبيب الناس وايمن و كافة الاخوة الافاضل عن ان باب الشنطة الخلفية عندى مش بيثبت لما ارفع الباب لاخر مراحله او مرة يثبت ومرة ما يثبنش وده مضايقنى وسالت عن سعر الرافعة اليمين دى لقيتها ب 70ج ومش شايف اى فرق بينها وبين اللى راكبة عندى وفيه واحد قاللى اخرم الرافعة وحط فيها مسمار ب5 قروش عند العوزة ثم شيله وبكده تحل المشكلة بس انا عاوز حل افضل من الحلين دول ، ياريت الاقى عندكم حل