|
#161
05-12-2009, 11:19 AM
|
|||
|
|||
رد: حكايتى مع السيارات-حكايه 10 سنوات
بجد فكرتنا بزكريات جميلة مرت علينا زي قصتك دي
|
|
#162
06-12-2009, 02:34 PM
|
||||
|
||||
|
رد: حكايتى مع السيارات-حكايه 10 سنوات
هذا الأنسان الجميل عندما ساعدك اعانه الله و بارك له... و هذه دعوه لكل اصدقاء المنتدي... السياره هبه من الله فاستخدمها في طاعه الله و اعن بها من يحتاجك و لا تتضرر فصنائع المعروف تقي مصارع السوء
|
|
#163
08-02-2010, 03:42 AM
|
||||
|
||||
|
رد: حكايتى مع السيارات-حكايه 10 سنوات
54-السيارة النكبة
___________ بعد ما والدى العزيز -أطال الله فى عمره وحفظه-نسى موضوع السيارات وحلف عليه نهائيا منذ أشهر عديدة وكذلك نسى السواقة تقريبا لأنه لم يقد سيارة منذ أكثر من عشرين عام لوجود سائق خاص به00طقت فى دماغه فكرة شراء سيارة! وكنت أنا إستغليت الفرصة وبعت سيارتى الكورولا وأخدت سيارته الدايو لانوس وإستعملتها إلى أن باعها وإشتريت الاوكتافيا التى بعتها بعد فترة قصيرة جدا وإشتريت الصنى وربنا يطول أيامها معى لأنى معجب بها إلى الآن ومن يدرى! طب ح تشترى أيه؟ وكانت الصدمة00 قالها بالفم المليان: -عايز يا خبير 128 قلت وأنا مصعوق: -128 !!! بعد504 زمان فى السبعينات ومرورا بسيارات محترمة منها أوبل ترسى على 128!!! أخذتنى المفاجأة وصمت للحظات وأنا أنتظر منه تكمله فربما يداعبنى أو قالها ساخرا أو شىء من هذا القبيل00لكنه أتبع: -وممكن 127 توب وكانت المفاجأة الثانية وإنتظرت أن ينزل العرض حتى السيات وال126 وقد كان أنه قال لى أن مع صديق له سيات مو79 ب5000جنيه دارت رأسى00 الصدمة كادت أن تفقدنى الوعى! لملمت نفسى وقلت: -بتتكلم جد؟! قال بجدية: -شوف أنا مشاويرى قليلة00والتوكتوك مبهدل العربيات 00يبقى حاجة تسلك مشاوير وخلاص -طب نجيب حاجة أحسن تعرف تركبها إنت مش متعود على العربيات دى قال بنفس الجدية: -يا بنى أنا بقالى سنين طويلة بعيد عن السواقة شوية كده تمرين وتخبيط وبعدين نقلبها ونجيب حاجة زيرو ولأنى أعرف جيدا قيادة أبى للسيارات فقلت: -ماشى بس كله إلا السيات لو على رقبتى -بس بص عليها كده الأول - لايمكن -أنا إتصلت بالراجل وحنروح نشوفها دلوقتى -لا يمكن وجرجرنى وهو يقول: - عامل لى خبير سيارات وعايزنى أجيب حد يشوفها لى وذهبت معه وأنا أدعو أن تكون أسوأ سيارة حتى لا يتهور ويشتريها0 تتبع
__________________
|
|
#164
09-02-2010, 04:16 AM
|
||||
|
||||
|
رد: حكايتى مع السيارات-حكايه 10 سنوات
كانت كما توقعت سيارة قميئة وسيئة!!
الصدأ والبرومة سارحة فى كل مكان وفرشها الداخلى مهلهل وكاوتشها أملس لاحس كأنه من الزيرو لم يتم تغييره00 والسيارة مهلهلة وتكاد تتداعى كل قطعة فى ناحية00 وأصر صاحبها على تجربة قيادتها وأنا أتجنب هذه المغامرة بأية وسيلة ! ولكن فجأة وجدتنى خلف المقود مجبرا 00 ودارت الملعونة على الشعرة ومع بداية الدوسة على الدبرياج جالى شد عضلى لأن الدواسة مصممة لأبطال رفع الأثقال والعدو من أصحاب العضلات المنتفخة! حركت ناقل الحركة وكاد ذراعى أن ينخلع من هذه العصا التى لا تستجيب إلا إذا ألقيت بثقلك عليها وقدمك متروسة فى الباب! وأخيرا تحركت كقط عجوز ينتفض ويكح ويتحشرج وأنا أرتج بشدة ودهشة ومع زيادة السرعة قليلا أصبحت الرجرجة خبط ورزع فى السقف طبعا لرأسى وكأنها حمارة بليدة عرجاء! رحمتك يارب! ما صدقت نزلت منها وقلت للوالد العزيز : - مفيش أحلى من كده إركب وجرب بنفسك وقادها الوالد لعدة أمتار ثم تركها ونزل مكفهر الوجه! قلت لصاحبها: -هو الدبرياج والفيتيس ده طبيعى قال مبتسما: -آه00السيات كله كده قلت: -آه00 يعنى ما بيتظبطش؟ صمت قليلا ثم قال: -والله جربت ومفيش حل -طب والعربية فيها مصاريف إيه بامانه؟ قال ببساطة: -أربع فرد كاوتش مارش بطارية جوز مساعدين عمره للموتور طقم تيل فرامل مساحتين فيتيس شوية سمكرة على رشة نضيفة تبقى زيرو قلت وأنا أموت كمدا: - لا بسيطة كلها حاجات فى المعقول وتتلم -طبعا حاجتها ببلاشومتتكلفش -المطلوب كام؟ -عشان مجيتكم والواجب نهائى خمس تلاف جنيه كدت ان أضحك ولكن تداركت وقلت: -بكره نرد عليك وكان أبى يجذبنى من يدى للنصرف قبل أن يطق من الغيظ الحمد لله خلصنا منها 00 هكذا حدثت نفسى ومن السيات إلى النكبة الكبرى وأسوأ 128 فى التاريخ وتستمر المأساة!! تتبع
__________________
|
|
#165
09-02-2010, 06:06 AM
|
||||
|
||||
|
رد: حكايتى مع السيارات-حكايه 10 سنوات
سلسة قوية جدا من القصص و التى حدثتنى نفسى اننى أمام كاتب و ليس طبيب بشرى
توقفت معك عند الجزء السادس و العشرون و طبعا باذن الله ساكمل باقى القصة لآنى قارىء نهم لكل ماهو جيد و يحترم مستوى القراء بل و يضيف لهم معلومة فى ضحكة فى مرارة الحقيقة التى تعبث بنا احيانا تحياتى يا دكتور و تحياتى لقلمك البارع الذى يسير بنا ببراعة من طريق الى اخر و من قصة الى معلومة الى ذكرى توبيك فوق الرائع
|
 |
|
|
