صور عربيتى سوبر كار واكتبلى نوع عربيتك واظبطهالك

[s_shekabala]

المشاركة الأصلية كتبت بواسطة ابوشروق اخى العزيزاحيك على المجهودالرائع ارجومنك الاهتمام بموضوعى لسه جايب عربيه نصر125موتوروفتيس131لونهاا بيض عايزاظبطهاوروشنها مع العلم معلوماتى عن العربيات ضعيفه فارجوشرح مبسط وصوروعلى فكره اريد ان احتفظا بلسياره اطول وقت ممكن لانى عشرى وتعبان فى القرش ولك جزيل الشكروالاحترام

السلام عليكم
ياباشا مبروك الاول على العربيه
وعربيتك زيها زى العربيه ال132 اللى حطيتلها صور
وممكن لو مش عاوز تركب جنط كبير علشان التكلفه اعمل الجنط بتاعك اسود وهاتلو دبل
واعمل نفس شغل الشبكه والفوانيس هات اتنين بتوع البى ام والفوانيس الخلفيه رشه اسود مط وفاميه خفيف وديفل ووطى العربيه شويه
واعمل نفس الشغل اللى فى ال132 اللى حطيتلها صور


وشكرا

[s_shekabala]

المشاركة الأصلية كتبت بواسطة amira2020 لو سمحت سكودا فانتازيا الجديدة 2010 اللون عنابى او بتنجانى مش عارفة احددة بصراحة لانة عاجبنى مووووت ولك جزيل الشكر

السلام عليكم
اولا مبروك على العربيه
مبروك ptmnlo123per122 مبروك ptmnlo123per122 مبروك
وربنا يحافظلك عليها ويديك خيرها
عربيتك مش محتاجه اى حاجه وهى ماشاء الله جميله محتاجه بس اهنمام ومحافظه عليها واستيكر صغير اوى كدة جنب النمرة ورا مثلا ولو ممكن فاميه خفيف او انصحك بالستاير الكبس
ومتعملش شغل فيها بس ممكن كماليات بس
1:ركب زينون وركب كاميرا وسينسور ووحدة رفع للزجاج لو مش موجودة
2:ممكن تركب نيفيجاتور
3:الاهم ركب فرش جلد طبيعى +التطريز بتاعو

كدة يعنى بس

[s_shekabala]

المشاركة الأصلية كتبت بواسطة خالدخليفة معايا نيسان صنى 2008 اعمل فيها ايه بحيث تبقى روشة ووقورة برضه وهل ممكن اركب لها جنط 17 او اكبروبصراحة انا عايز اكبر جنط ممكن يركب علشان اركب كاوتش عريض وهل ده يأثر على ثبات العربية والعربية نبيتى

السلام عليكم
ياباشا اولا بالنسبه للجنط لو عربتك شالت 17 يبقى موز ومتحاولش تكبر اكتر من كدة يعنى خليك فى ال16 او ال17 وبالنسبه للثبات مع تكبير الجنط الثبات هيزيد جدا بس المشكله فى الجنوط الكبيرة انها بتهد العفشه شويه يعنى بتتفكك بسرعه
1: هات الجنط 16 او 17 وريشوا رفيعه وواسعه واصغر قطر للكاوتش ممكن يركب
2:هات الفوانيس الليدات دى
3:اعمل الشبكه الاماميه متفرغه وهى بتتباع جاهزة
4:ركب ديل للشكمان وستاير كبس وممكن فلتر اسبور
5:وكام استيكر حلو كدة بس متكترش يعنى واحد او اتنين
وبس متعملش اى شغل تانى
بس لو فييس ممكن تركب كاميرا او تجيب نيفيجاتور
ومتنساش طقم الصوت حلو وممكن تركب زينون

بص بقا سيبك من شغل الاكصدامات الفلح دى بس اعمل الشبكه اللى فى الصورة بس

[s_shekabala]

المشاركة الأصلية كتبت بواسطة ahmedatia2012 شوف يا سيدي انا من زمان عايز أسالك علي نوع العربية دية اعمل فيها اية بس محروج من العربية جدا المهم انا هتشجع و اقولك هيا اية وتحاول تفيدني في تظبطها نوعها بولونيز 88 المهم انا مزبط المتور و عاملة عامرة و مدهونه ابيض عاجي جديد و العفشة متزبطة و كل حاجة و مركبلها طقم سمعات بيونير جامد و كنت لسة مغيرلها طقم الكاوتشات و الجنوط بس مش اسبور عاديين يعني قولي رأيك اعمل معاها اية ؟؟ اية اللي اقدر ازبطة فيها ؟؟؟؟

السلام عليكم
اولا شكرا على المجامله الحلوة دى
وبعدين محروج ليه بس يعنى احنا بنساعد بعض وبعدين انا بحب التحدى
بس بالنسبه لعربيتك يعنى انتا اكيد عارف انها محتاجه سنس فى الشغل ومستحيل تعرف تجيب ليها صور متظبطه
بس نصيحه انك مش شرط انك تاخد فكرة لعربيتك تكون من نفس العربيه او نفس الماركه حتى
بس هقولك تعمل فيها ايه وتابع الموضوع اللى كنت عاملو عن العربيه 132 علشان هتاخد منو افكار كتير

1:ركب جنط كبير وواسع او ادهن الجنط بتاعك اسود مط وهاتلو دبل ووطى العربيه شويتين
2:ركب ديفل نيكل كروم علشان بيكون صوته هادى جدا جدا
3:اعمل الشبكه الاماميه زى الصور اللى فى موضوع العربيه 132 عن طريق قص مستطيل وركب فيه شبكه شلك
4:هات فانوسين لينسيز بتوع بى ام 318 موديل 89
5:اعمل الفوانيس الخلفيه اسموك عن طريق رشها اسود مط
6:ظبط عربيتك من جوا يعنى طقم صوت فرش لونين وفاميه خفيف جدا

وتابع موضوع العربيه ال132 السابق بأهتمام وخد افكارة واتعامل اكن عربيتك دى 132
وشكرا

[خالدخليفة]

المشاركة الأصلية كتبت بواسطة s_shekabala السلام عليكم ياباشا اولا بالنسبه للجنط لو عربتك شالت 17 يبقى موز ومتحاولش تكبر اكتر من كدة يعنى خليك فى ال16 او ال17 وبالنسبه للثبات مع تكبير الجنط الثبات هيزيد جدا بس المشكله فى الجنوط الكبيرة انها بتهد العفشه شويه يعنى بتتفكك بسرعه 1: هات الجنط 16 او 17 وريشوا رفيعه وواسعه واصغر قطر للكاوتش ممكن يركب 2:هات الفوانيس الليدات دى 3:اعمل الشبكه الاماميه متفرغه وهى بتتباع جاهزة 4:ركب ديل للشكمان وستاير كبس وممكن فلتر اسبور 5:وكام استيكر حلو كدة بس متكترش يعنى واحد او اتنين وبس متعملش اى شغل تانى بس لو فييس ممكن تركب كاميرا او تجيب نيفيجاتور ومتنساش طقم الصوت حلو وممكن تركب زينون بص بقا سيبك من شغل الاكصدامات الفلح دى بس اعمل الشبكه اللى فى الصورة بس

ايه النفيجيتور ده والكاميرا اللى تقصدها اللى هيا فيها سينسور علشان اركن والا
دى زى المرايات كده بس بتدينى زاوية رؤية اكبر
ثم الباب اللى بيطلع لفوق ده بيتعمل فين ويتكلف كام وهل ليه اثار جانبية على عفشة او موتور او خلافه
ثم انا كنت ناوى اركب جنط 20 او 21 لانى شفته فى بى ام دبليو موديل قديم اوائل التسعينات ودخل دماغى اوى
الفردة كده تملا العين ههههههههههههه وهل هيا فقط مسالةة تربيط عفشة والا حاجة تانية