حكايتي مع ( شيفرولية افيو) "وسوء التصنيع"

[خايف موت]

مش ممكن فيه عربيه فى الدنيا كده
يا أخ yoku مع إحترامى الشديد ليك .. أنا آسف
بس انا متأكد إنك بتبالغ جدا جدا جدا
الأفيو عندى بئالها 6 شهور ... بصراحه ... أفضل عربيه ركبتها فى حياتى
بعد ماكان عندى ( شاهين ثم نوبيرا ثم لانسر 2008 ثم رينو ميجان ثم الأفيو )
الأفيو باشا العربيات دلوئتى

[bmw7]

لالالا مش قوى كدة يا استاذ خايف موت ده حتى انت كنت راكب ميجان ولانسر يعنى اليابانى والفرنساوى وتقولى افيو هى العربية مش وحشة اوى هى شكل وصالون وكدة بس المتور والعزم مش تمام اوى هى تحس ان هى جامدة عشان زيرو بس لسة اما كمان سنة او سنة وشويه هتلاقيها تقلت كدة وسقطت وهيبان الاهانة فيها هى فعلا بقى الاحسن منها ونفس الشركة الاوبترا وبعدين لانوس وربنا يبركلك فيها

[skoda1996]

السلام عليكم
انا قريت الموضوع من اوله كل ال21 صفحه دلوقتي
انا هقول ملاحظاتي البسيطه يعني
اولا المهندس بتاع منصور بيرد بفخر قوي ان ماعرفش مين محترم
ياعم علي عيني و راسي .....محترم
بس لو الشركة محترمة كانت عيوب العربية تتحل ده اصلا لو وافقنا اصلا ان عربية زيرو فيها عيوب دي زيييييييييرو
ثانيا
العربية خبطت في رصيف كسرت مقص ده علي اساس انها بلاستيك
انا معايا اسكودا بطلع بيها ع الحيطه و بعمل بيها اسبوعيا 1200 كيلو و مافيهاش حاجه (موديل 96) مش زيرو
ثالثا
البنزين الوحش بتاعنا فيه كربون؟؟؟؟؟
لا ما يصحش ازاي الكلام ده.......بس هو الوكيل كان معتقد انها في مصر هتتمون عصير قصب؟؟؟؟ و لا نسبة الكربون دي طلعت اول امبارح الفجر؟؟؟؟؟؟
رابعا
الكوري مقلب
انا في واحد اشتكالي من السيراتو
بس للامانه هي مرة واحده اللي قالي انها بتعوم شوية في السرعات و الله اعلم

ياريت مايكونش كلامي يزعل حد انا بس برد علي كلام اتقال
بس لما الغلطان بيعترف بالغلط بيبقي اول الطريق لكن هو اللي ما يعرفش ان الفرامل بتتاكل بسرعه و هو اللي مش بيعرف يسوق متهيالي كلام ما يصحش يعني

انا يمكن عشان بقارن بمعشوقتي الاسكودا بلاقي الفرق رهييييييب لكن مش لازم احس ان حتة الفليشيا دي جنه يعني
اكيد الزيرو احسن برده

و السلام ختام

[كومندا]

انا كده عرفت ليه جرنا باع الافيو وهيه لسه مكملتش سنه معاه وجاب كروز

الغريب انى ديما اسمع الناس بتشتكى من التوكيلات يا من سوء المعمله يا من ارتفاع اسعار قطع الغيار

يعنى مثلا تيل فرامل مرسيدس c200 موديل 2008ب14 الف جنيه ليه دهب ولا ايه مش عارف

كوبلن شمال مرسيدس B150 دخل فو حوار عفشه كامله قدام بس والزبون اتخيط فى 21 الف جنيه

تيل فرامل تيريرس 2008 ب3000 جنيه فى توكيل الجندى بالمحله مع انه بيتباع بره ب100 جنيه تيلاندى او

تيوانى هتقولى مش اصلى هقولك ولو مش لدرجة 3000 جنيه ده انا اجيب بيهم 30 طقم تيل واغير فيهم مداء

الحياه

[كومندا]

اه وحاجه كمان معلش برده واحد صحبى راح يغير زيت الميكانيكى فضى المتور من الزيت ومعرفش يفك فلتر الزيت قاله تعاله نروح لميكانيكى صحبى هوه اللى هيعرف يفكه مشيوا بالعربيه حوالى 5 كيلو من غير زيت المتور اتحرق راح التوكيل قالوله هتتكلف 60 الف جنيه متور جديد
راح اشترى نص قدمانى تيريوس ب16 الف وخد منه المتور وبرده اتركب فى توكيل الجندى بالمحله والتوكيل خد 3الف جنيه يعنى من 60 الف ل19 الف جنيه
مش عارف الناس دى معندهاش ضمير ولا احنا اللى فينا حاجه غلط وايه الموضوع بالظبط