محدش بيحب الاسكالا

[ya_broker]

ليه يا جماعه محدش بيتكلم خالص عن الاسكالا رغم انى شايف ان العربيه ممتازه

[Meemo The Beast]

العربية قد تكون ممتازة و لكن وكيلها حرامي و محتكر و بطريقته التسويقية التي تنطوي على لصوصية كون ما يشبه العداء بين المصريين و علامتي رينو و كيا اللتان يمتلكهما

[dr.wael7yran]

المشاركة الأصلية كتبت بواسطة ya_broker ليه يا جماعه محدش بيتكلم خالص عن الاسكالا رغم انى شايف ان العربيه ممتازه

انا شخصيا معجب بيها جدا و ناوي عليها لعدة اسباب
اولا عربية ياباني ... هي هي النيسان صني
ثانيا متقفلة برة في كوريا... موش زي الصني تقفيل مصري
ثالثا صالونها اوسع بكتيير من ورا...الصني فعلا ضيقة
بس هي و الصني كعادة الياباني يعني تدخل تقعد في العربية كأنك قاعد في موديل 2000
توكيل الرينو محترم جدا في معاملته و مواعيده
بس اسعاره حراقة شوية( بس كل التوكيلات كده على فكرة و عن خبرة)
الاسعار المانيوال 82000 و الصني 89000 (الصني غليت الاسبوع اللي فات)
الاوتوماتيك 88000 و الصني 94000
الهاي لاين 95000 و الصني 102500
يعني عربية ياباني تقفيل بره و تبع توكيل محترم و كل بتوع النيسان صني بيعرفوا يشتغلوا فيها و سعر الاوتوماتيك بتاعها مالوش منافس في نفس الفئة ...اعتقد انها عربية عملية و جميلة و بدأت اشوفها في الشارع و ان شاء الله هتشوفوا واحدة قريب في شارعنا
و تقبل سلامي

[خالداعزالناس]

سياره جميله وسعر اعلى نسخه منها ....... ممتاز جدا ...... ومنافس .......

يمكن بس عمليه التسويق ..... والعرض ..... واسعار قطع الغيار ...... هى اللى عامله كدا فى السياره

[YahiaAshraf]

مين قال ان محدش بيحبها طب ده انا لسه كنت عامل موضوع عنها
و فى مضموع طلبات شراء السيارات اللى يقولى بتمنها برشحاله على طول