عايز اشترى سيات ابيزا موديل التسعينات وعايز اخد رايكوا لانى معايا لانوس 2004

[كمال....]

حضرتك لو عايز عربية اضافية ممكن الابيز
لو هتبقى العربية واحدة بس الابيزا لية شنطة صغيرة
ولو3افراد ركبو على الكنبة الخلفية سحب العربية بيقل شوية
مع العلم دة بعد تغير ديسك واسطوانة وبلية وترس فلام كلة جديد

[mahmoud ghanem]

المشاركة الأصلية كتبت بواسطة maio_do ربنا يحفظلك عليها ويكفيك شرها يعنى انت من رايك اغير الانوس واجيب ابيزا حتى لو فرق فى الموديل وعربيتك متوسط سعرها كام

بص هى تختلف حسب استخدامك يعنى لو سيارة عائليه وعدد افرد 3 او 4 يبقى مش هتنفعك الابيزا .. الابيزا سيارة شبابية وشنطة مش كبيرة .. ومش صغيرة مقارنة بمثيلها من الهاتشباك .. من الاخر عاوزة شاب او عائلة لسه صغيرة
*الـ لانوس سيارة بياعة .. قطع غيار فى كل مكان ورخيصه .. شنطه واسعة .. عائلية .. والاهم 2004 !!!!
وسعر الابيزا 98 - 99 هتلاقيه فى متوسط 33 الف الى 36 الف كاملة (يعنى تكيف - باور - زجاج كهرباء - مرايات كهرباء - جنوط ) حالة ممتازة

وربنا يكرمك ويوفقك فى حاجة كويسه

[maio_do]

المشاركة الأصلية كتبت بواسطة mahmoud ghanem بص هى تختلف حسب استخدامك يعنى لو سيارة عائليه وعدد افرد 3 او 4 يبقى مش هتنفعك الابيزا .. الابيزا سيارة شبابية وشنطة مش كبيرة .. ومش صغيرة مقارنة بمثيلها من الهاتشباك .. من الاخر عاوزة شاب او عائلة لسه صغيرة *الـ لانوس سيارة بياعة .. قطع غيار فى كل مكان ورخيصه .. شنطه واسعة .. عائلية .. والاهم 2004 !!!! وسعر الابيزا 98 - 99 هتلاقيه فى متوسط 33 الف الى 36 الف كاملة (يعنى تكيف - باور - زجاج كهرباء - مرايات كهرباء - جنوط ) حالة ممتازة وربنا يكرمك ويوفقك فى حاجة كويسه

لا يا باشا انا عايزها شبابيه طيب هى سعره قطع غيارها كام (السيور واالمساعدين وباقى الميكانيكة واى حد يلعب فيها ويصلحها ولا معقده فى الميكانيكة

[maio_do]

المشاركة الأصلية كتبت بواسطة كمال.... حضرتك لو عايز عربية اضافية ممكن الابيز لو هتبقى العربية واحدة بس الابيزا لية شنطة صغيرة ولو3افراد ركبو على الكنبة الخلفية سحب العربية بيقل شوية مع العلم دة بعد تغير ديسك واسطوانة وبلية وترس فلام كلة جديد

تمام يا معلم مش مشكلة لانى مش هاركب ناس كتير لانى لوحدى بس سعر قطع الغيار ومتوفرة ولا لا والميكانيكة بتتعبك مع الصانعيه ولا اى ميكانيكى كويس يصلحها

[mahmoud ghanem]

المشاركة الأصلية كتبت بواسطة maio_do لا يا باشا انا عايزها شبابيه طيب هى سعره قطع غيارها كام (السيور واالمساعدين وباقى الميكانيكة واى حد يلعب فيها ويصلحها ولا معقده فى الميكانيكة

نبداء بلموتور موتور 1400سى سى 2000ج من غير العمه والديانمو والمرش 1350
وش سلندر كامل 450 جوان وش سلندر ورق40 والحديد 175ج قاعده موتور75ج
طلمبه باور 250 استراد فلتر بنزين 55ج فلتر هواء45ج فلتر زيت 30ج سير كاتينه 135
سير ديانمو 60ج تكيف كامل 2000ج استراد
زجاج امامى 280ج تيل امامى 135 اسبانى تيل خلفى 175ج اسبانى
طاسات استراد 175ج كابلن 400ج عوامه بنيزين 200ج استراد طلمبه هواء السنتر بلكفر استراد 150ج فانوس اماملى استراد 165ج باب شنطه كامل 400ج مساعدين الشنطه 60ج للواحد
جنوط اسبور سيات استراد 1100ج طقم فرش بيبان700ج زرار الزجاج الكهربا 25ج
الاسعار دى من بورسعيد والحرفيين شارع دمشق

ودة لنك فى المنتدى فى المعلومات اللى ممكن تفيدك وموفق ان شاء الله
http://forum.masrmotors.com/showthread.php?t=10994