هو ليه الناس بتبيع السيراتو 2011 و 2012

[blade2011]

المشاركة الأصلية كتبت بواسطة akerima للاسف انتشار البومة مختلف عن انتشار السيراتو الناس اشترت البومة وانتشرت بعد ان اثبتت كفائتها لكن اشتروا السيراتو عشان شكلها حلو وبعدها ابتدوا يحسوا بالمشاكل اللي فيها وسوء الخامات

ايوة طبعا سوء خامات واللوجان طبعا خامتها افضل ومشاكلها اقل من السيراتو ولا اية اكيد يعنى مادام بتقول كدة عن السيراتو يبقة طبيعى ان اللوجان افضل

[ابو فاروق]

كنت راكب عربية بي ام كانت زيرو مكملتش شهرين . مشيت بيها 200 والله ما حسيت اني ماشي بيها اصلا . حسيت براحة غريبة ومتعة لا توصف .
ونزلت دخلتها الجراح بعد الركن ومتعتو .
ورحت فاتح باب عربيتي " بدون ذكر اسمها " وركبتها وطلعت بيها رحت مشوار صغير شبة كنت مدايق ومخنوق وعايز ألبسها في حيطة .
العيب مش فالعربية طبعا لاني دية كانت بالنسبالي ابني التالت .
بس العيب اني خدت علي راحة عربية اعلي بكتير ....
وفعلا بعت عربيتي بعديها بحوالي شهرين بس مجبتش بي ام .. جبت اعلي من عربيتي . جبتها ب 140 الف .. بس برضو لسا موصلتش لرفاهية ومتعة وثبات البي ام
.
.
عارفين السبب اية ؟
اني كل حاجة بسعرها .
لما يكون معايا 240 الف اروح اشوف بي ام وافضحهم فضيحة المطاهر لو مكنش فيها ثبات وراحة ومتعة
لكن السيراتو ب 120 الف . عايز منها اية ؟؟؟
متعة وشبابية وجميلة ومنتشرة وبياعة . وثابتة شوية .
وياسيدي وانت بتلف ابقا شعر رجلك عالفرامل شوية. متجيش تقول عربية اتقلبت ومش عارف اية
روح الحرفيين بي ام ومرسيدس مقلوب ونص ورا مش باين ونص قدام مش موجود وبلاوي سودة
مش معناها اني العربية وحشة لاء . معناها انت متطلباتك اكبر منها ..
.

[tamer.koko]

المشاركة الأصلية كتبت بواسطة ahmed_hamdy673 يا جماعة انا كان معايا عربية سيراتو 2010 عشان محدش يقول اننا بتكلم وخلاص او بنقل كلام حد قلهولي العربية دي سيئه للغاية وممكن اللي يشكر في العربيه دي اللي كان راكب عربية 128 او عربيه احدث منها شويا فالازم يشكر فيها طبعا عيو العربيه 1-عفشة نشفة جدا جدا جدا وبتبوظ الكوتش بسبب الجنط طبعا واحد هيطلع يقول طب ما انتا راكب جنط 17 ولازم تحس بكده اقوله لا لالا الحمد لله انا معايا عربيه دلوقتي جنط 17 العفشه الحمد لله زي الفل وعلي فكرة فردة الكوتش بتاعت السيراتو ب550ج ومقاسها 17/215/45 عشان محدش يقول انا بتكلم وخلاص 2-فرامل زباله هتقولي انتا حاسس كده عشان دي abs هقولك لا لا لان الabs بتاعها ممكن يركب في عجله او كبيره اوي في موتوسيكل لان الخمات زباله 3-بالنسبة للثبات نو كومنت انتا بس شوف كام عربيه مقلوبه من السيراتو وانتا تعرف 4-انا اشترتها ب125000ج والحمد لله بعتها 100000ج بعد ها بسنه ونص (من 6/2010 الي 12/2011)بالعافيه وكانت عامله 25000كم وكانت حالتها كانها لسه جديده وعشان محدش يقولي انتا اضحك عليك ادخل وشوف اسعارها مستعمله كام وعشان محدش يقولي دي عربيه كوري انتا عاوز ايه هقوله في عربيات كوري بردو واحسن منها في حاجات كتير انا كان معايا اوبتر واللهي العربيه دي مالهاش حل بس طبعا مفهاش فتحة سقف والحبشتكنات بتاعت السيراتو واخر حاجه ياريت يا جماعة اللي يكتب حاة يتقي ربنا وميخليش واحد غيره يلبس في الحيط عشان خاطر مايسوقش سمعت عربيته انا اسف علي الاطاله بس بصرحة انا استفزت من الناس اللي بتشكر في العربيه دي وواللهي واللهي واللهي كل كلمة قلتها عن العربيه دي صح ومبفتريش عل حد

يعني معني كلامك ان
ان الاوبترا اللي من غير ABS فراملها افضل من السيراتو اللي كمان فيها ABS
ان الاوبترا اللي هي اعلي فئه ب 97000 اثبت من السيراتو

بس حضرتك مقولتش ايه بقي نوع عربيتك اللي فيها جنط 17 والعفشه مش ناشفه وزي الفل

[عامر سعد]

المشاركة الأصلية كتبت بواسطة zmzm0000 العربيه تعبانه فوق ماتتخيل هي منظر بس لكن غاليه عالفاضي واداء تعبان جدا بالاضافه انها اسهل عربيه فالدنيا تتسرق

صحيح عندك حق

[aymanlaw]

الموضوع فى اعتقادى ليس على اطلاقه ويبقى فى النهاية ان السيراتو سيارة محببة لدى الكثيرين من شعب مصر وزمان كانوا بيقولوا على البيجو ال504 الأستيشن او السبعة راكب اول مانزلت واشتغلت على الخطوط بين المحافظات بأنها النعش الطائر وكان الكلام ده بدأ على ما أعتقد سنة 1972 واتذكره وانا صغير والناس تنبه بعضها من عدم ركوب هذه السيارة لأنها ذو عضم خفيف يعنى الصاج خفيف ولأنها ذات سرعة عالية ,ولكن المشكلة إنها كانت عربية اقتصادية فى البنزين وكانت سريعة لذلك تجد اصحاب السيارات الأخرى من الدودج والشيفورليه التى كانت ايامها بتشتغل اجرة بين المحافظات مع هذه السيارة الى طلعة فى المقدر جديد فكانوا بيطلعوا القطط الفطسانه على رأى المثل لأن بلفعل التكنولوجيا أختلفت والفكر اختلف من عربيات ثقيلة إلى عربيات خفيفة حتى تحقق انجاز وتطور فى التسارع واستهلاك البنزين ,ويبقى الأنسان لن يتفق على شىء وهذه سنة الحياة وإلا ماكان هذا العدد الكبير من الماركات والموديلات فى الماركة الواحدة

إنجاز كبير لحكومة نظيف ..مصر الأولي علي العالم في حوادث الطرق

Share|

مازالت دماء المصريين تسيل علي جميع الطرق بالمحافظات خصوصا في الوجه القبلي الذي يعاني إهمالا وتجاهلا من الحكومة , نتيجة الحوادث البشعة التي يروح ضحيتها آلاف الأبرياء , وكانت مصر عاشت صدمة كبيرة الأسبوع قبل الماضي بفقد نحو 60 شخصا في غرق أتوبيس بترعة الإبراهيمية في محافظة المنيا , وهذا الحادث ليس الأول ولن يكون الأخير في ظل إهمال حكومة نظيف واهتمامها بالمنتجعات والقصور والشاليهات للأثرياء ورجال الأعمال حيث تمد له المرافق والخدمات داخل الصحراء وفوق قمم الجبل بينما تهمل إقامة طرق مزدوجة في الصعيد تقي المواطنين البسطاء من مخاطر الحوادث .
وكشف تقرير حديث عن أن الحكومة وشركات التأمين قامتا بدفع 918 مليون جنيه تعويضات عن حوادث الطرق في عام 2007 منها 518 مليونا كتأمين إجباري و400 مليون كتأمين تكميلي.وأكد التقرير الصادر عن مركز المعلومات ودعم اتخاذ القرار بمجلس الوزراء أن الأشهر الأربعة الأولي من عام 2008 سجلت 7 آلاف حادث علي الطرق ما يعني أن متوسط عدد الحوادث في العام نفسه بلغ 21 ألف حادث وهو أقل من العام الماضي الذي بلغ 22 ألفا و400 حادث تسببت في إصابة 30 ألف راكب.وأشار التقرير إلي أن مصر تحتل المرتبة الأولي بين 35 دولة علي مستوي العالم في عدد الوفيات نتيجة حوادث الطرق ، لافتا إلي أن الإحصائيات سجلت 156 حالة وفاة لكل 100 ألف مركبة في الوقت الذي سجلت سويسرا 8 وفيات فقط لكل 100 ألف.وأوضح التقرير أن أكثر الطرق التي وقعت بها حوادث كانت في محافظات قنا وشرق الدلتا وأسيوط وأن 40% تقريبا سببها النقل الثقيل و38% بسبب السيارات الخاصة.وأرجع التقرير الحكومي إلي أن انفجار الإطارات تسبب في 20% من الحوادث والسرعة الزائدة بـ 14.4 % والتجاوز الخاطئ بـ 12% ، بينما جاء إنقلاب السيارة وإختلال عجلة القيادة بنسبة 17 %
وكان عام 2007 قد سجل رقماً قياسياً في عدد ضحايا حوادث المرور في مصر حيث تشير الإحصائيات إلي أن العام شهد ما يزيد علي 73 ألف حادث علي الطرق بلغ عدد ضحاياها من القتلي والمصابين 245 ألف شخص، ووفقا للإحصائية الصادرة عن قطاع الرعاية العلاجية بوزارة الصحة فإن حوادث الطرق في مصر هي السبب الأول لوفاة الفئة العمرية ما بين 5 إلي 25 سنة مؤكدة أنه بحلول عام 2020 ستكون الحوادث المرورية السبب الثالث للوفاة علي مستوي العالم وخصوصاً في مصر كما تعد حوادث المرور هي ثاني أكثر أسباب الوفاة في مصر بعد أمراض القلب. وأكدت الإحصائية أن نسبة الحوادث في مصر وصلت إلي 25 ضعفاً عن المعدلات العالمية بحيث أصبحت من أكثر دول العالم التي تشهد حوادث طرق منذ عام 1992، وأرجعت الإحصائية أهم أسباب تفاقم مشكلة الحوادث المرورية إلي أن 54% من الطرق غير ممهدة وأن 46% تعاني من الازدحام الشديد , وطالبت الإحصائية بضرورة إيجاد حلول عاجلة وسريعة لهذه المشكلة لوقف نزيف الطرق والتي تتسبب في خسائر سنوية تزيد علي المليار جنيه.
بينما أكدت دراسة حديثة صادرة عن مركز المعلومات ودعم اتخاذ القرار بمجلس الوزراء تزايد الخسائر الفادحة التي يتعرض لها الاقتصاد المصري سنوياً بسبب ارتفاع معدلات حوادث الطرق التي زادت خلال عام 2006 بنسبة 200%
وذكرت الدراسة أن عدد القتلي سنوياً يزيد علي 5 آلاف قتيل ونحو 32 ألف مصاب ويكبدون الاقتصاد ما يزيد علي 4 مليارات جنيه سنوياً ، كما أن معظم المصابين تتراوح أعمارهم بين 15 و40 سنة، وهو سن الإنتاج، كما تحتل الإصابات الناتجة عن حوادث المرور 15% من إجمالي أسرة المستشفيات وتتسبب حوادث المرور في مصر في وفاة 12 حالة لكل 100 ألف نسمة من السكان سنوياً مقارنة بـ 1.2 في المملكة المتحدة. وأضاف التقرير أن 93% من حوادث الطرقات ترجع إلي أخطاء العنصر البشري، بينما تتوزع نسبة الـ7% الباقية علي عاملي الطقس ورداءة الطرق . وكانت وزارة الخارجية الأمير كية قد أصدرت تحذيرا للمواطنين الأميركيين في مصر وخاصة من "ذوي القلوب الضعيفة" بعدم قيادة السيارات وذلك بسبب رداءة الطرق ورعونة السائقين وصدرت تحذيرات مماثلة من الحكومتين الفرنسية والسويسرية .
وأوضحت إحصائية رسمية عن حوادث الطرق بمصر أن السبب الرئيسي وراءها يرجع إلي رعونة سائقي شاحنات النقل الثقيل، وأن أعداداً كبيرة منهم غير مؤهلة لهذه المهنة ,وقالت تقارير صادرة عن وزارة الداخلية المصرية خلال العام الماضي إنه من بين ثلاثة حوادث سيارات هناك حادثان تسببهما سيارات النقل الثقيل التي يزيد عدد ضحاياها علي ثلاثة أشخاص في الحادث الواحد، وأن عدد حوادث الطرق في مصر يصل إلي حوالي 20ألف حادث في العام الواحد وأن عدداً كبيراً من سائقي النقل يتعاطون المواد المخدرة خاصة علي الطرق السريعة فقد ألقي القبض علي 2000سائق نقل بسبب القيادة تحت تأثير المخدر. (منقول من جريدة الغد)