يوميات معذب مع الدبابه الروسيه 4

[overmarc]

فى البدايه احب اشكر mr astra على المساعده
انا غيرت ترس طرمبة الزيت اللى تحت الاسبراتير وفعلا لمبة الزيت طفت
لكن الترس القديم شكله سليم لدرجة ان الراجل بتاع قطع الغيار قالى مترمهوش وحافظ عليه
والميكانيكى دور على تسريب البنزين ف ملقاش تسريب وقالى حاجه غريبه ان هيه ديه طبيعة اللادا ان الماكينه بتحرق بنزين ولما عرف انى بحط 92 قالى هو كده كده بيطير
طبعا الكلام ده غير منطقى بالمره وانا مش مقتنع بيه
ف ياريت اللى عنده ميكانيكى بيفهم فى اللادا يقولى عليه
وجزاكم الله خير الجزاء

[Al Ghareeb]

عن تجربة البنزين 92 بيتحرق بسرعة فعلا عن ال 90 و ال 80

جرب تحط 90 أو 80 و شوف

[thunder2006]

المشاركة الأصلية كتبت بواسطة overmarc فى البدايه احب اشكر mr astra على المساعده والميكانيكى دور على تسريب البنزين ف ملقاش تسريب وقالى حاجه غريبه ان هيه ديه طبيعة اللادا ان الماكينه بتحرق بنزين ولما عرف انى بحط 92 قالى هو كده كده بيطير طبعا الكلام ده غير منطقى بالمره وانا مش مقتنع بيه ف ياريت اللى عنده ميكانيكى بيفهم فى اللادا يقولى عليه وجزاكم الله خير الجزاء

لو حضرتك من الاسكندرية ممكن تكلمنى ونتقابل عند ميكانيكى تخصص لاده ( هما كل الاسكندرنية تخصص لادة ) بس مجربه ومضمون
وفى اكتر من واحد بس ناس تمام الحمد لله
لو اكيد .. يبقى كلمنى على الخاص ونظبط مع بعض
ونصيحة خليك فى بنزين 80 .. لان غير كده تضييع فلوس على الفاضى

[overmarc]

شكرا لاهتمامك بس للاسف انا من القاهره بس لو فيه نصيب ممكن ابقى احاول اجبها اسكندريه واروح مع حضرتك

[mr_astra]

المشاركة الأصلية كتبت بواسطة overmarc شكرا لاهتمامك بس للاسف انا من القاهره بس لو فيه نصيب ممكن ابقى احاول اجبها اسكندريه واروح مع حضرتك

يا باشا انت كدة بتشترى من برة وهازعل

بامر الله من هنا لاخر الاسبوع انزلك ونروح نظبط البنزين بس حطلها 80 لو متاح ليك
وربنا يجازى الاخ الكريم بتاع اسكندرية خير وخلى بتوع اسكندرية للحاجات التقيلة