شد 128 سمكرة ودوكو وسروجي بالاسعار

[مكس الاسكندرية]

المشاركة الأصلية كتبت بواسطة engabdelazem ربنا يكون فى العون بس انا جمعت الحاجات اللى انت قولتها وجد المصاريف لغاية دلوقتى فى حدود 8 الاف جنية مش كتير شوية بالذات انك ما تكلمتش خالص عن العفشة والكهرباء وحالة الموتور والمساعدين يعنى اعتقد لسه فيهم مصاريف ربنا يكون فى عونك ويبارك للك فيها بس عايزين نشوف الصور بعد ما تخلص

اولا اشكرك على مرورك الجميل

اما بخصوص المصاريف هي دي كل المصروفات ان شاء الله التي لزمت السيارة واللي باقي مصروفات حوالي الف جنيه فنيش وكماليات
اما بخصوص الموتور فهو خفيف شويه ولكن حالته كويسة وجاري الكشف عليه من قبل الميكانيكي اما العفشة فهي جيدة جدا والحمد لله والكهرباء بعض الترميمات البسيطة في الضفيرة وننتهي بعون الله

ملحوظة انا صحيح صرفت كتير على العربية لكن مصروفات ضرورية لاني من محبي 128 فانا عايزها تكون عروسة وكان ممكن فيه حاجات كتير تتلم باقل من كده لكن اصرف مرة واحدة وريح دماغك

شكرا لك على مرورك وتقبل خالص تقديري واحترامي

[مكس الاسكندرية]

المشاركة الأصلية كتبت بواسطة msm_classic ربنا يكون في عونك المبالغ كبير اوي ... بس انت ايه هي العربيه مكنش فيها حاجه خالص ؟ انت كنت جايبها بكام؟

شكرا لك على مرورك وردك الجميل

فعلا المصروف كبير لكن ضروري علشان اريح نفسي بعدين
وعلى فكرة العربية كانت ماشية وكل اللي كان لزامها لحامات الشروخات وبعض المرمات لكن اما فتحنا العربية لقينا ضروري الحاجات تتغير وفيه حاجات اتغيرت مكنتش عايزة تتغير بس كان فيه تحتها شغل لازم تفكها علشان تعمل الشغل الموجود فيها الاول مثلا زي رفارف الامامي كانت جديدة لكن تحتها دمار شامل هههههههههههه فكان لازم افكها علشان نصلح اللي تحتها وطبعا مش هينفع تركب تاني لازم نجيب جديد وهكذا
اما بخصوص سعر العربية انا كنت شاريها 13000 ثلاثة عشر الاف جنيه

تقبل خالص تحيتي وتقديري واحترامي

[spider_amrdiab]

طيب و التعديل كلله اتكلف كاااام؟؟

[مكس الاسكندرية]

المشاركة الأصلية كتبت بواسطة spider_amrdiab طيب و التعديل كلله اتكلف كاااام؟؟

مساء الورد

اي تعديل تقصد ؟؟؟

أنا عدلت اشياء كتير

تقبل تحيتي

[محمد صالح - المحامى]

طب انت روحت للميكانيكى لية الاول
ما انت كدا هتحتاج ترفع الماتور علشان السمكرى يشتغل براحتة ويظبطت القواعد بتاعه الماتور بالمرة