مشكلة فى استهلاك البنزين 40 لتر= 300كم !!!

[sa3dawy]

الياريس فعلا مش للدرجة زى ما الناس متخيلة .. خصوصا داخل المدينة فى الزحمة مش بتكتر عن 400 ابدا
لكن على الطرق السريعة .....
ممكن اعملك 600 فى ال40 لتر ... استهلاك خرافى

[meroslave]

الف شكر يا جماعة على ردودكم وتفاعلكم معايا

[اشرف الامام]

ياريت تعرفنى فى فرق فى استهلاك البنزين 90 او 92 والبنزين 80 لة تاسير على العربية ولا عادى

[احمد على 1999]

المشاركة الأصلية كتبت بواسطة اشرف الامام ياريت تعرفنى فى فرق فى استهلاك البنزين 90 او 92 والبنزين 80 لة تاسير على العربية ولا عادى

طبعا 80 استهلاكه اعلى بس الفرق ما بين ال 90 و 92 بسيط جدا
بالنسبة ل 80 له تاثير ضار على العربيات للاسباب الاتية :

1. مش نضيف ( مع ان المفروض ملهاش دعوة المفروض كله نضيف ) بس من قرائتى الكثيرة فى المنتدى اكتشفت انه في شوائب بالتالى الشوائب بتاثر على مضخة البنزين و بتسد الفلاتر بدرى بالتالى بتجهد المضخة
2. بالنسبة للتسقيف لو العربية مسقفتش ( او سقفت بسيط جدا يكاد مش مسموع ) يبقى تمام و اى بنزين اعلى يبقى مالوش لازمة
3. لو بيسقف و معرفتش تظبط العربية انها متسقفش ( العربيات القديمة ممكن تاخر الكهرباء - بعض الحديث زى اللانوس ممكن يتظبط بس توصية المصنع متقلش عن 91 ) التسقيف ده حيبوظ الشنابر و رولمان بلى العواميد و ياثر على الصمامات بس الكلام ده مش فورى بياخد وقت
4. فى العربيات الحديثة حيبوظ حساس الاوكسوجين - و علبة البيئة ( المحول المحفز ) مع الزمن

[sam ram]

لا طبعا 300 كلم على 40 لتر رقم كبييير جدا الا لو العربيه فيها مشكله او مشغل الاوفر درايف على طول
المتوسط العادي 8 - 9 لتر لل 100 كم = 11 - 12.5 كم للتر = يعني الصفيحه تعمل 220 - 250 كم وتزيد مع زياده الزحمه و الاشارات و الشد والكيك داون
لكن مش لدرجه انها تاكل بنزين للدرجه دي !!
300‏ كم على 40 لتر ... يعني ال100 كم ب 13.33 لتر
ده استهلاك ال 2000 سي سي ميعملش كده !!!