#1
|
|||
|
|||
ايه نظام ال A113 في السفر؟؟؟؟
سلام عليكم جميعا
انا لسه جديد في المنتدى لكن بصراحة اتبهرت من كم المعلومات اللي موجودة فيه انا عندي سؤال عن عربية ناس كتير عملو مواضيع عنها و هي ال سبيرانزا A113 انا بفكر اشتري العربية دي، لكن انا بسافر كتير و عايز اعرف اذا كان حد جربها في السفر ايه نظامها يعني بتسخن؟ (وخصوصا اننا في الصيف و مش عايز اجيبها و تعمل فيا مقالب) سحبها عامل ازاي؟ و اذا كان فيه اي تعليقات مفيدة على العربية دي اكون شاكر جدا م/ أحمد هشام |
#2
|
|||
|
|||
رد: ايه نظام ال A113 في السفر؟؟؟؟
عربيتي 2009
لسه ماشيه حوالي 2500 كيلو سافرت بيها من القاهره للزقازيق 4 مرات لحد دلوقت ممتعه استهلاكها حوالي 20 ليتر (المسافه رايح جاي 200 كيلو) مع الأخذ في الاعتبار اني بشغل التكييف على طول ، حتي لو راكن في مكاني ربع ساعه مثلا شنطتها صغيره بس ممكن الكنبه اللي ورا تتقفل وتبقى شنطتها عظيمه جدا طبعا كده بقت 2 راكب اي اسأله انا في الخدمه |
#3
|
|||
|
|||
رد: ايه نظام ال A113 في السفر؟؟؟؟
شكرا جزيلا على ردك الوافي
و أكيد لو محتاج مشورة في العربية دي هلجألك ان شاء الله |
#4
|
|||
|
|||
رد: ايه نظام ال A113 في السفر؟؟؟؟
سؤال الى humhum طبعا ان سمعت عن عيوب A113 الكتير اللى اتقلت قبل كده (عفشة نشفة الفتيس بيعوض زجاج الكهربة بيفصل و.......)
يا ريت تقلنا هل فى مشاكل قبلتك فى العربية او حتى فى التوكيل واحتجت قطع غيار لحد دولقى وله لا ولو احتجت احتجت ايه وكلفتك كام انا ناوى اجيب a113 وشكرا |
#5
|
|||
|
|||
رد: ايه نظام ال A113 في السفر؟؟؟؟
انا ماشي بالعربيه 2500 كيلو تقريبا
فطبعا محتاجتش لسه قطع غيار بالنسبه لعضة الفتيس دي ظهرت عندي بعد ما جبت العربيه وكان السبب ان دواسه الدبرياج واطيه ولما عملوها مجاناً في صيانة الألف ، بقت الدنيا زي الفل العفشه بتاعة ال113 ناشفه وده شيء محسوس ، بس العربيه على سرعات ثابته بشكل محترم وفي ناس بتفسر نشوفيه العفشه لأنها رياضيه ، وفي ناس شايفه ان ده عيب بس هي ناشفه فعلا ، وده بيبان لما بتمشي في نقر كتير ، او على ice pads ، بتسمع صوت خبط جامد القزاز الكهربا بتاعها زي الفل الحمد لله وكل الكماليات فيها شغاله بكفاءه التكييف بتاعها مش بقوة الياباني بس برضه مقدرش اقول انه سيء هو متوسط يعني ساقع ، بس وقت الظهر ميحسسكش باللسعه بتاعة البروده ، ميصدعكش يعني ، إنما غير كده تلاجه وبيأدي بشكل كويس ومش بيأثر على السحب خالص وان شاء الله في صيانة ال5000 ح اخليهم يكشفوا على الشحن لأن في ناس كتير في نادي اسبيرانزا قالولي ان دي ممكن تكون مشكله شحن فريون ناقص شويه أي أسئله تانيه انا في الخدمه ولا تنسى صلاة الاستخاره |
|
|