مساعدة سريعة >بعد ازنكم<

[عبدالله سمير]

انا عندي فيرنا 2011 ماشي بيها 31الف المهم انا رايح المنيا بكرة من الاسماعيلية فالمسافة تقريبا 500 كم يعني 1000كم رايح جي فاية ممكن اعملو للعربية قبل ما امشي وللعلم انا الزيت المفروظ يتغير اغيرو باي نوع وشكرا ليكم جدا

[أيمن الروبي]

المشاركة الأصلية كتبت بواسطة عبدالله سمير انا عندي فيرنا 2011 ماشي بيها 31الف المهم انا رايح المنيا بكرة من الاسماعيلية فالمسافة تقريبا 500 كم يعني 1000كم رايح جي فاية ممكن اعملو للعربية قبل ما امشي وللعلم انا الزيت المفروظ يتغير اغيرو باي نوع وشكرا ليكم جدا

راجع ضغط الكاوتش وغير الزيت لشل الاصفر 120ج راجع علي المياه وتوكل علي الله

[eng/walaaeldeen]

السلام عليكم
توكل على الله بس خلي بالك المنيا (انا منها) في ازمه كبيره جدا في البنزين والجاز علشان كده تعمل حسابك في البنزين ولو استطعت ان يبقي معاك كام جركن بنزين يكون احسن والطريق الشرقي بتاع الجيش طريق كويس ومش هتحتاج حاجه فيه ولو عايز اي حاجه من المنيا انا تحت امرك
والله المستعان

[عبدالله سمير]

تسلمو يا جماعة على الرد السريع دة انا متشكر جدا انا جبت جركنين خمسة وعشرين لتر وملتهم بنزين و غيرت زيت لشل اصفر وانشاء الله هشيك على العجل والمية الصبح ان شاء الله وانا متشكرا جدا على الرد السريع مرة تانية

[sayed2077]

متنساش تاخد معاك كام جركن مايه والتليفون بتاعك تشحنه وارجوك اربط الحزام بتاع الامان انت واللى راكبين معاك بالله عليك اربطه وتحط كيس على غطاء الجركن وبعدين تقفل عليه الغطاء مش تقفل الغطا بس و تشغل قران وانت ماشى وربنا يسترها عليك وتروح وترجع بالسلامه ان شاء الله