نـداء عـاجـل لأصـحـاب الـ Accent RB

[cheetoos2009]

يا جماعة شاشة الأكسنت ار بى الى بين عداد السرعة و عداد ار بى ام موجود فيها حاجة اسمها eco drive و ممكن أشغلها و ممكن لا من زرار trip

يعنى ايه اصلا eco drive ؟؟؟؟؟؟


يـاريـت حـد يـفـيـدنـا و مشكوريييييين

[M.TONSY]

economic drive تعنى القيادة الاقتصادية ودى بتلاحظها على وضعية الاوتوماتيك ودى بتكون اريح للموتور واوفر فى استهلاك البنزين ولا تعمل على وضعية الاستيب ترونيك اللى بيكون فيها حرق للغيارات علشان السحب وده بيستهلك بنزين اكتر

[aymanlaw]

اشكرك بلنيابة عن الأخ السائل لعله بخير حتى يرى المعلومة ويستفيد

[محمد فيصل]

تسلم ايدك يا تونسى باشا
:CH UBBY~36::CHUBB Y~36:
جزاك الله خيراً

[dr_eslam_66]

الإيكو درايف دا التقليعة الجديدة في العربيات الأتوماتيك اليومين دول.
زمان لما كنا بنسوق مانيوال كان ممكن إنتا الي تتحكم في إستهلاك البنزين بطبيعة سواقتك وتوقيت نقلك للتروس نسبة لصوت الماتور أو عداد الآر بي إم, تخيل إنك نازل متأخر على معادك ومستعجل, أو تخيل إنك راجع من رانديفو ومشغل عبد الحليم. (إستهلاك البنزين يختلف تماما في الحالتين)
دلوقتي إحنا بنسوق أتو ودا شيء إلى حد كبير ثابت مابيتغيرشي بطبيعت سواقتك إلا وإذا الكيك داون بس ودا يعتبر قرص مش إسلوب سواقة.
قاموا عملولنا يامعلم أنظمة إلكترونية تتحكم في مواعيد النقلات وأهي بتاخد أسامي كتير.
ممكن يقولك كومفورت مود, والتاني يقولك إيزي درايف, وآخرها الإيكو مود وهيا كلها في الآخر (إنك راجع من رانديفو ومشغل عبد الحليم)