اسقاط راس السلطه وحده لا يكفى(( امتى التغيير هيلمس المواطن مباشره ؟؟ ))

[samirsaid1]

ان شاء الله اللى جاى أحسن
بس الناس تبطل كلام وخلاص
والكل يخلية فى شغلة ومايقصرش فية

والإعلام اللى فاضى للكلام بس يجيب ناس بناءة وتتكلم فى ازاى نبنى وننتج ونعمر
مش ناس بتتخانق وكل ما الخناق يزيد كل مالبرنامج ينجح والناس تيجى الصبح تتكلم عن حلقة باليل

ومجلس الشعب يبطل خناق اللى شكلهم يكسف وتحس انهم فى سوق

والمجلس العسكرى يمشى

والاهم من دة كلة سلوكيات الناس تتغير لانه اتعودا على الكرباك فلما الكرباك مشى بقى كل واحد كبير ومش همة حد ومابيحترمش حد ويفهم ان الناس كلها عايشين فى مصر اخوات مش بلطجى وطيب وفقير وغنى وفلاح ودكتور
فلازم الناس تتكاتف لكن اللى بيحصل دة الناس بتتفرق عن بعضها وكل جماعة عاوزة تطغى على التانية

وفى الاخر الفقير هو اللى ضايع فى النص

[waelsalah]

امتى هيراسنا شخص يلمس مشاكل الشارع بفاعليه ؟
امتى انا وانت وغيرنا نتغير من جوانا ؟
امتى هننزل ا لشارع منلاقيش متسول او قاطع طريق او فارض أتاوه عليك وانت بتركن فى شارع المفروض انه ملك للجميع ؟؟
امتى هيبقي النظر المركز للمحليات والموظفين الصغيرين الذين يعرقلون العمل ويفرضون عليك الاتاوات فى المحلات التجاريه والمشاريع الصغيره ويتركون الفحول الكبيره ؟؟
امتى التغيير هيلمس المواطن مباشرة ؟؟ ولا اتحكم علينا نتفرج عليه بس فى كلام التلفزيونات فقط ؟
يااااااااااارب تكون ثورة حرية بجد (( حرية من كل القيود الصغيره قبل الكبيره ولكن بضوابط ان تكون نهاية حريتك هى بداية حرية الآخرين ))