مشكلة تبطيل محرك السيارة

[m_elkafoury]

السلام عليكم

سؤال لخبراء المنتدى ارجو الافادة

نوع السيارة لادا 2105 موديل 95

كنت اواجه مشكلة فى نقص زيت الماتور

اول زيارة للميكانيكى قام بتغيير اويلسيل امامى

واستمرت المشكلة

فى الزيارة الثانية قام بتغيير جوان علبة الكرتييير

وزاد نقص زيت الماتور
وفى نفس الوقت شعرت بضعف فى الفرامل

فقام بالامس بحل الماتور و تغيير اويلسيل امامى مرة اخرة واويلسيل خلفى وعدد 2 جوان جانبى
وقام بملئ طنابير الفرامل الخلفية (مع العلم بانى قمت بتغيير تيل الفرامل وملئ الطنابير الخلفية منذ 3 اشهر)
الان انا اواجه مشكلتين اولا عند الضغط على الفرامل فانها ضعيفة جدا
والثانية عند الضغط على الفرامل وعند تهدئة السرعة تقوم السيارة بالتبطيل (ملاحظة ان الميكانيكى نسى توصيل الكيبل الخاص بذراع تعلية الهواء )

ارجو الافادة قبل ان اذهب اليه اليوم مرة اخرى

[mr_astra]

نفهم من كلام حضرتك ان مشكلة الزيت تم حلها تماما ولا ما زالت قائمة ؟؟؟
بالنسبة لتبطيل السيارة عند الضغط على الفرامل فسببة هو خرطوم السيرفو الواصل بين مانفولد الموتور وعلبة السيرفو لازم تركبة بالمظبوط وتحكمة فى مكانة فى السيرفو ومن النحية الثانية يتربط علية بالقفيز تمام

[mr_astra]

عاوز بس اقول معلومة على السريع كدة
لما بنقابل مشكلة ترشيح او تسريب زيت فى جزء من الموتور
بنلجا اننا نغير سبب الترشيح وبنكتفى بهذا
لكن التجارب العملية بتقول ان لما بنحكم مكان ما المكان الضعيف بيجيب زيت بعدة
يعنى تحكم اويل سيل امامى تلاقى الخلفى بيضرب ويجيب زيت
وهكذا
عاوز اقول لما يكون فى ترشيح نحاول عل قدر الامكان اننا نغير كل ما وارد انة يجيب زيت
حاجة كمان مهمة اوى
لما نيجى نشترى اويل سيل معين منجبش نفس المقاس بتاع الاويل سيل القديم لان الاكس نفسة بيكون حصلة تاكل نسبى
فناخد الاكس ونجيب علية اويل سيل نازل محكوم فى الاكس بغض النظر عن مقاسة بقى ...... اللى بيهمنى انة ينزل محكوم فى مكانة
طب لو ملقتش المقاس اللى ينزل محكوم نعمل اية
نجيب الاويل سيل الجديد بنفس مقاس القديم ونفك السوستة بتعة ونقص منها جزء صغير وليكن واحد سم وبعدين نركب السوستة تانى هتلاحظ ان الاويل سيل نزل محكوم اكتر ما كان وهو جديد
حاجة ثالثة
لو لقينا وهاضرب مثل فى حالتك دى ان الاكس نفسة بقى كولة تعريج وفية عالى وواطى ( ريجة ) لازم نغير الاكس وانا عارف ان الاكس عندك هو طنبورة السير اوم صامولة كبيرة
خلاصة الكلام الـ اويل سيل لازم ينزل على الاكس وهو محكوم جدا عشانيؤدى وظيفتة وهو عدم تسريب الزيت خارج البلوك
اما الجوانات
حاول تملى تجيب جوانات مكس ما بين الكاوتش والفل
بتكون طبقتين
طبقة خارجية كاوتش وفى النصف فل وهى بتتباع كدة او اسمها كدة جلد + كاوتش والتاكد من سطح الجزء المربوط سواء كانت كارتيرة او غطاء التاكيهات التاكد من استواء سطحة وتمام نضافتة

[screamseko]

المشاركة الأصلية كتبت بواسطة mr_astra عاوز بس اقول معلومة على السريع كدة لما بنقابل مشكلة ترشيح او تسريب زيت فى جزء من الموتور بنلجا اننا نغير سبب الترشيح وبنكتفى بهذا لكن التجارب العملية بتقول ان لما بنحكم مكان ما المكان الضعيف بيجيب زيت بعدة يعنى تحكم اويل سيل امامى تلاقى الخلفى بيضرب ويجيب زيت وهكذا عاوز اقول لما يكون فى ترشيح نحاول عل قدر الامكان اننا نغير كل ما وارد انة يجيب زيت حاجة كمان مهمة اوى لما نيجى نشترى اويل سيل معين منجبش نفس المقاس بتاع الاويل سيل القديم لان الاكس نفسة بيكون حصلة تاكل نسبى فناخد الاكس ونجيب علية اويل سيل نازل محكوم فى الاكس بغض النظر عن مقاسة بقى ...... اللى بيهمنى انة ينزل محكوم فى مكانة طب لو ملقتش المقاس اللى ينزل محكوم نعمل اية نجيب الاويل سيل الجديد بنفس مقاس القديم ونفك السوستة بتعة ونقص منها جزء صغير وليكن واحد سم وبعدين نركب السوستة تانى هتلاحظ ان الاويل سيل نزل محكوم اكتر ما كان وهو جديد حاجة ثالثة لو لقينا وهاضرب مثل فى حالتك دى ان الاكس نفسة بقى كولة تعريج وفية عالى وواطى ( ريجة ) لازم نغير الاكس وانا عارف ان الاكس عندك هو طنبورة السير اوم صامولة كبيرة خلاصة الكلام الـ اويل سيل لازم ينزل على الاكس وهو محكوم جدا عشانيؤدى وظيفتة وهو عدم تسريب الزيت خارج البلوك اما الجوانات حاول تملى تجيب جوانات مكس ما بين الكاوتش والفل بتكون طبقتين طبقة خارجية كاوتش وفى النصف فل وهى بتتباع كدة او اسمها كدة جلد + كاوتش والتاكد من سطح الجزء المربوط سواء كانت كارتيرة او غطاء التاكيهات التاكد من استواء سطحة وتمام نضافتة

[حمدى مخترع مانيوال بدون د]

لو مفيش ترشيح زيت وبردو بتاكل زيت راجع على الكاتينة لاربما تكون ماخرة تخلى البستم يمص الزيت من اسفلو لااعلااه ويتحرق والتبطيلة احتمال سكس بلف الخرطوم بتاع السرفو عايز يتنضف او فيه خلل داخل السرفو او بك الصلنسيه وسخ اما الفرامل احتمال كبير يكون اصلاح المستر العمومى تالف وبالاخص الاصلاح المسؤل عن ضغط الفرامل الخلفية ده لما بيكون تالف بيضعف الفرامل كلها ويوطى البدال وشكرا