|
#1
04-04-2015, 09:14 AM
|
|||
|
|||
المروحة شغالة مع تدوير السيارة ؟؟؟؟
العربية سخنت لما كنت بمصر بفسح العيال وبجيب لوازم العطارة من عند حراز سالت عن كهربائى يشوف ليه المروحة مش شغالة قالى فى ميه بتنزل من العربية ولقى خرطوم السخن مقطوم فلغاه وقفلوا بخشبة وصباعين لازق وفضل يزود ميه ملقيش تسريب بس المروحة مبتشتغلش راح غافلنى وانا جوه العربية بزود خله المروحة تشتغل مع تدوير السيارة انا لقيت المروحة اشتغلت فرحت وسافرت لسيناء واكتشفت الملعوب العداد بتاع الحرارة مش شغال والمروحة شغالة مع التدوير ... اقرب صنايعى بيفهم عندنا على بعد 150 ك فى بور سعيد ايه الحل
|
|
#2
04-04-2015, 02:00 PM
|
|||
|
|||
رد: المروحة شغالة مع تدوير السيارة ؟؟؟؟
ايه يا جماعة 30 مشاهدة ومفيش تعليق حتة بالدعاء
|
|
#3
04-04-2015, 02:18 PM
|
||||
|
||||
|
رد: المروحة شغالة مع تدوير السيارة ؟؟؟؟
اخى الموضوع بسيط جدا الكهربائى فصل فيشة الحساس ممكن تخلى اى حد يركب االفيشة وخد هواء الرداتير وشغل السياره وانتظر لحد ما مؤشر لحرارة يوصل النص اذا اشتغلت بيكون تمام لو العكس يبقى لازم تغير حساس الحرارة
|
|
#4
04-04-2015, 08:23 PM
|
|||
|
|||
|
رد: المروحة شغالة مع تدوير السيارة ؟؟؟؟
الف شكر يا استاذ /ali zahran اقرب كهربائى بيفهم على بعد 150 ك عاوز حد يشرحلى بالتفصيل ازاى اخد هواء الرداتير , ومن فين اجيب حساس حرارة وبكام
|
|
#5
04-04-2015, 09:22 PM
|
|||
|
|||
|
رد: المروحة شغالة مع تدوير السيارة ؟؟؟؟
الاخ الكريم
اعانك الله علي ما انت فيه اولا لازم نفهم مع بعض ايه اللي بيحصل عشان تعمل الخطوات مظبوطه دائرة التبريد في السياره تعتمد علي الثرموستات و دا هو اللي الاخ الكريم بيقولك تغير الحساس ايه فايده الثموستات ؟ انه لما توصل حرارة الميه مثلا الي 80 درجه بيحصل داخله حركه ميكانيكيه و بيوصل طرفين سلك ببعض يقوم موصل الكهربا الي المروحه عن طريق الكتاوت طيب سيادتك ليه العداد مش شغال لسبب بسيط جدا انك اول ما بتدور العربيه المروحه بتشتغل و بكده مش هاتسخن الميه اصلا و بالتالي العداد مش هايشتغل دايما هتلاقيه واقع علي اول شرطة و يمكن مابيتحركش الخطوات اللي لازم تعملها 1- تراجع علي الخراطيم كلها و التالف تغيرة 2- تتاكد ان مافيش تسريب ميه من اي حته و دي هتلاحظها بانك تبص تحت العربيه 3- هاتبص علي الراديتير هتلاقي فيه تحت في الركن اليمين حاجه كده و طالع منها سنيين ( سنه ) بيدخل فيهم ترملات هو دا الثرموستات 4- دور علي سلك جنب الرداياتير هتلاقي سلكتين فيهم ترملين الكهربائي اكيد موصلهم في بعض فكهم عن بعض و وصلهم في الثرموستات 5- دور العربيه و استني لحد ما تسخن ( بس مش اوي ) علي الدرجه اللي انت متعود ان المروحه بتشتغل فيها - لو المروحه دارت و فصلت يبقي تمام - لو مادارتش هاتروح لميكانيكي يغيرلك الثرموستات - لو مافيش هاتتطر انك تفكه بنفسك و تجيب نفس الدرجه ( 80-90 ) مثلا و ابقي طمنا عملت ايه ربنا يسترها إن شاء الله
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ملف متكامل عن السيارة | memo1100 | ميكانيكا السيارة | 9 | 23-02-2013 11:12 AM |
| تقرير تفصيلي مصور عن الشركه العملاقه BMW | ahmed_kamel | BMW | 81 | 04-05-2012 11:58 AM |
| 53 نصيحة لقائدى السيارات ومالكيها | Ala'a Eldin | المنتدى التعليمى والمكتبة الفنية | 3 | 31-08-2011 01:26 PM |
| معلومات تهم قائد المركبة | zoro3027 | متسوبيشى Mitsubishi | 3 | 26-02-2010 05:21 PM |
| قواعد القيادة | درش | سلامتك على الطريق | 1 | 19-06-2008 11:40 PM |
و أصبحت 
