|
مرسيدس Mercedes مرسيدس بنز الجناح الاوربى للعملاق دايملر كرايسلر وتضم شركات مايباخ الفاخرة ومينى المدمجة من اشهر سياراتها B150 E-CLASS CLS CLK S-CLASS CL |
|
أدوات الموضوع |
#1
|
||||
|
||||
تجربتى مع اعادة الحياه مره اخرى لكربراتير مرسيدس 6 سلندر موضوع مميز جدااا ونادر
السلام عليكم ورحمة الله وبركاته
النهارده كنت عند ورشة الاسطى معتز فنى الكربراتير لانى كنت لعبت فى الكربراتير بتاعى والعربيه مبقتش تدور فطبعا فكيت الكربراتير وروحت له وظبطهولى وركبلى جوانات جديده تماما وفعلا روحت البيت ركبت الكربراتير و روحتله النهارده بالعربيه علشان لو فيه اى حاجه هو يظبطها ليا والحمد لله اتظبت بس وانا هناك لحظت كربراتير 4 باب شكله معقد بطريقه فظيعه فبقوله ايه الكربراتير ده عامل كدا ليه قالى الكربراتير ده من اعقد الكربراتيرات اللى ممكن تشتغل فيها وفعلا هو شكله لوحده يخض وقالى ان صاحبها جه وهو فاقد الامل من الكربراتير وبيشتكى من اكل زائد للبنزين خصوصا بعد ما راح عند اكثر من صنايعى لدرجة ان فيه صنايعى قام بغلق البابين الكبار بماده لاصقه (طبعا قمة الفتى ) ومازال الكربراتير بياكل بنزين معاه وطبعا كربراتير المرسيدس ده بيبقى معدى الالفين جنيه فحرام طبعا ان صحبه يجيب واحد جديد المهم بيقولى انه حاليا بيقوم بعملية اصلاحه للعوده مره اخرى للحياه وانا لما روحت كان فى مرحلة الفك للكربراتير لسه فقولت انتهز الفرصه ديه واوريكم الكربراتير بداية من مرحله فكه ثم مرحلة عمل البابين الجداد له ثم عمل بعض الصيانات الاخرى وعمل جوانات حيث ان الجوانات الخاصه به غير موجوده فى السوق طبعا لانها من الاشياء النادرة واترككم مع الصور الصورة ديه للسيارة وبصراحه الله اكبر عليها اكثر من رائعه بجد كفاية انها مرسيدس وكمان 6 سلندر و الماتور الكاتينه الخاصه به جنزير وليست كاوتش وديه صوره للسيارة من الجانب الصورة يه اثناء فك الكربراتير و الصورة ديه اثناء اخذ القياسات الجديده للبابين الصغيرين وزى ما انتم شايفين فى الصورة مده العك اللى تعرضله الكربراتير من الصنيعية اللى قبل كدا و الاسطى معتز كان هيبداء انه يشيل اثار اللاصق اللى ملصوق به البابيين الكبار بس اكتشف ان فيه حاجه ماسكه البابين اللى لاصق البابين شالها حتى لاتعوق عمل الكربراتير والصورة ديه لباب من البابين قبل تشكيله لشكل دائرى على ماكينة الخراطه الخاصه بعمل الباب والصورة ديه للاسطى معتز وهو يقوم بتركيب الباب على ماكينة الخراطه لتشكيلة على شكل دائرى هذه الصورة اثناء خراطه الباب على ماكينة الخراطه الباب بعد تشكيلة للشكل الدائرى الاسطى معتز اثناء اخذ قياسات الباب بالبكوليز للتأكد من المقاسات وهذه الصورة اثناء تنعيم حواف الباب الجديد مع العلم ان الباب الثانى تم عمل نفس الخطوات السابقه له الاسطى معتز اثناء تركيب البابين الجداد البابين الجداد بعد تركيبهم الاسطى اثناء عمل الجوانات الخاصه بالكربراتير ة المنافول السيارة قبل تركيب الكربراتير الاسطى معتز اثناء تركيب جوان المنافول واخيرا اثناء ركوب الكربراتير وعمل السيارة من جديد ولكن الظلام كان قد حل ومن خلال تجربتى بصراحه انا اول مره فى حياتى اشوف كربراتير معقد بالطريقة ديه فعلا كربراتير تحفه فنيه رائعه والاروع انك تجد من يقوم باصلاحه مره اخرى واعادته للحياه ثانيه وبعد التركيب و خروج البوجيهات من السيارة رجع لون البوجيهات مره اخرى للوضع الطبيعى للون الابيض دليل على كفائة عمل الكربراتير مره اخرى وعدم وجود نسبة زائده من البنزين بصراحه يستاهل تقدير عام ممتاز وانا عن نفسى اشهد على ذلك من كربراتير الاكسيل الى عاد الى الحياه مره اخرى ولله الحمد ووالله ويحاسبنى الله على شهادتى فعلا قليل ما ممكن تلاقى صنايعى محترف مثل الاسطى معتز فى صيانة الكربراتير و بصراحه تجربة كربراتير المرسيدس كانت خير دليل على ذلك وخصوصا ان الكربراتير للاسف كان تعرض للعب الكثير من لصنايعيه بدرجة مميته حتى انا سألته قلتله بس كدا هيبقى ايه اخبار العربيه فى الجرى قالى هتجيب سرعة 140 وانه قال كده لصاحب العربيه فرد صاحب العربيه انه ليس من هواه الجرى وانها سرعه مناسبه جدااا له وايضا بصراحه عجبنى فيه حرصه الدائم انك لازم تزوره كمان اسبوع للتأكد من سلامة عمل الكربراتير بمعنى اخر مثل استشارة مجانية للتأكد من سلامة مخلوط البنزين مع الهواء و نظافة الحريق والحمد لله فيه ناس راحت للاسطى معتز من المنتدى وكله شكر جدااا فيه وفى شغله بيانات البشمهندس معتز المصرى تليفون:01222648701 العنوان :12ش زهير العتال من مصر حلوان الزراعى بجوار الشبراويشى وامام كشرى كهرمن - دار السلام - القاهرة و السلام عليكم ورحمة الله وبركاته
__________________
|
#2
|
|||
|
|||
رد: تجربتى مع اعادة الحياه مره اخرى لكربراتير مرسيدس 6 سلندر موضوع مميز جدااا ونادر
|
#4
|
|||
|
|||
رد: تجربتى مع اعادة الحياه مره اخرى لكربراتير مرسيدس 6 سلندر موضوع مميز جدااا ونادر
رائع باين انه فاهم شغله
|
#5
|
|||
|
|||
رد: تجربتى مع اعادة الحياه مره اخرى لكربراتير مرسيدس 6 سلندر موضوع مميز جدااا ونادر
__________________
|
|
|