اية الفرق بي قيادة المانول والاتوماتيك ؟

[RAYAN]

ياباشا لو انت استاذ فى المانيوال يبقى هتكون بروف فى الاوتوماتيك الحكاية تتلخص فى الفرامل هتلاقى نفسك بتدوس شوية فالاول ( بتكلبش منك شوية ) وكلها يومين تلاتة اسبوع لو انت جاى متأخر وهتلاقى نفسك عاشق للاوتوماتيك وكاره للمانيوال , وزى ما السادة المشاركين قالوا ستيبترونك افضل من اتوماتيك لان هنا ليك مطلق الحرية عايزها مانيوال ماشى اوتو ماشى ولكن من غير ما تتعب رجلك الشمال خاااااااالص ولا دبرياش فيوم خميس والدنيا زحمة يخلى رجلك تنمل ولا اى كلام , ولو اتكلمنا فى عيوبه هتلاقى عيبه انه مريح زيادة واحنا بنموت فالشئ المتعب .
وربنا يوفقك لما فيه الخير

[screamseko]

المشاركة الأصلية كتبت بواسطة waleed_d82 يعني حنفترض انا ماشي علي 50 فاجأة اضغط فرامل واول ما تقف اسيف الفرامل واكمل عادي ولو موقفتش يعني وصلت مثلا 10 كم بردة اسيب فرامل واكمل ولا لازم اقف خالص

بالظبط انت مبتعملش اكتر من كده فرامل وبنزين امال هي اسمها اوتو ليه
وحتي لو موقفتش خالص وبقيت علي 10 سيب وكمل عادي وهي اوتوماتك حتاخد الغيار المناسب
وبالنسبه للسحب فبإمكانك انك تتحكم في السحب زي منت عايز زي مالاخ قال
في بداية الدوسه لو دايس ربع الدواسه مثلا حيغير علي ار بي ام 2 ونص(عادي في وسط البلد)
ولو دايس النص حيغير علي 4 ونص(لو علي طريق سفر وعايز تجمع سرعه)
ولو دايس اخر الدواسه حيغير عند 6 ونص(لو بتشد مع واحد مثلا)
يعني في ايدك تسحب او تجري او تمشي معتدل

المشاركة الأصلية كتبت بواسطة RAYAN ولو اتكلمنا فى عيوبه هتلاقى عيبه انه مريح زيادة واحنا بنموت فالشئ المتعب . وربنا يوفقك لما فيه الخير

[waleed_d82]

المشاركة الأصلية كتبت بواسطة memodina1 مع احترامى لحضرتك انا ركبت مانيوال طوول عمرى وعمى جاب نيو اكسنت rb سترونيك وكنت بقول برضة زيك انها اى اتوماتيك مش بتسحب ولا حاجة وطلعت غلطان خالص الاتوماتيك تقدر تسحب بية وقوى جدا كمان بمجرد ما تدوس على دواسة البنزين تختلف فلو دست للنصف لها سحبة معية وبيحرق على الغيار جدا لدرجة 4 او 5 ولو دوست الدواسة كلها تحس باندفاع قوى زى المانيوال بالضبط وكمان لو حولت على السترونيك الله اكبر بتسحب اغقوى من الفيرنا بتاعتى على الاول سحب روعة ما شاء الله انا بقول الكلام دا لانى كنت فاكر برضة انى المانيوال مفيش زية فى السحب صدقنى جرب وبالذات السترونيك هتلاقية جبار معني كدة السيترونيك افضلهم خاصة للسحب بالنسبة لصاحب الموضوع استاذى انا كنت بعلم ناس على الاتوماتيك بتاعها وكان عندهم مانيوال مجرد يومين فقط هتلاقى العملية اسهل جدا ولو حضرتك من سكان السويس انا ممكن اخدمك فى الموضوع عملى بس انا من الصعيد مش من السويس المهم السؤال اللى الكثير بيسئلة لما كنت بعلمهم هو ينفع انى اكون ماشى على التالت مثلا وامور على n وبعدها اجيب الغيار d تانى واكمل زى مثلا انت جايب التالت مانيوال ممكن تريح الغيار وتمور وتسيب العربية ماشية ولما مثلا تهدى شوية تجيب تانى وتكمل وطبعا الجواب كدة غلط لانى محور الفيس الاتو لما تمور هيكون من وضع الحركة الى السكون طب لما تعشق تانى تخيل انة كان من وضع السكون وفجاة اديت غيار خلاة بسرعة جدا وصل لسرعة 50 ك مثلا طبعا كدة التعشيق هيكون عنيف جدا ويؤثر علية بالسلب السؤال دا بيتكرر كتير عشان حجتهم انة كدة يوفر بالبنزين ولو فى اى اسئلة تانى افتكرتها هكتبها على طول

طيب انا عندي سؤال افرض اني علي 50كم وبعدين رفعت رجلي من علي البنزين من غير ما اغير للوضع N ينفع بعد شوية يعني هدت العربية سرعتها شوية ووصلت 30 اني اكمل تاني واضغط علي البنزين ؟

[waleed_d82]

المشاركة الأصلية كتبت بواسطة RAYAN ياباشا لو انت استاذ فى المانيوال يبقى هتكون بروف فى الاوتوماتيك الحكاية تتلخص فى الفرامل هتلاقى نفسك بتدوس شوية فالاول ( بتكلبش منك شوية ) وكلها يومين تلاتة اسبوع لو انت جاى متأخر وهتلاقى نفسك عاشق للاوتوماتيك وكاره للمانيوال , وزى ما السادة المشاركين قالوا ستيبترونك افضل من اتوماتيك لان هنا ليك مطلق الحرية عايزها مانيوال ماشى اوتو ماشى ولكن من غير ما تتعب رجلك الشمال خاااااااالص ولا دبرياش فيوم خميس والدنيا زحمة يخلى رجلك تنمل ولا اى كلام , ولو اتكلمنا فى عيوبه هتلاقى عيبه انه مريح زيادة واحنا بنموت فالشئ المتعب . وربنا يوفقك لما فيه الخير

ماهي لو جات علي الفرامل سهلة
انا حاسس ان لو واحد مش بيعرف يسوق اسهلة يتعلم الاتوماتيك عن المانول لإن المانول كانت مشكلة تظبيط الغيار مع السرعة دايما
اما بالنسبة للراحة الواحد مهدود حيلة طول اليوم في الشغل أكيد لو حيكون مريح يكون أفضل

[screamseko]

المشاركة الأصلية كتبت بواسطة waleed_d82 طيب انا عندي سؤال افرض اني علي 50كم وبعدين رفعت رجلي من علي البنزين من غير ما اغير للوضع N ينفع بعد شوية يعني هدت العربية سرعتها شوية ووصلت 30 اني اكمل تاني واضغط علي البنزين ؟

اقرا المشاركه اللي فوق وانت تعرف