هتتصرف ازاى ؟؟؟؟؟ لو حد قفل عليك

[momen_bondok]

المشاركة الأصلية كتبت بواسطة star2008 انا بقى واحد ركن ورايا سد عليا بس كان معايا جيب جيت راجع علية ورجعت شوية وعديت اعمل اية منا مش لقية وقافل عالية وكنت رايح مشوار ضرورى وكنت حاتاخر لا فى ناس مخها قافل يعنى ركنت سيب مجال لجارك مش تقفل خالص وهو يقطع هدومة

والمهم إن اللى بيعمل كدة مش بيبقى خايف على العربية (ناس غريبة)
ممكن ربنا يرزقهم بواحد يضبط لهم العربية اكصدامات وكاوتش.....

المشاركة الأصلية كتبت بواسطة Dr. Mostafa El Nazer انا حصلتلي مرة واحده و كنت نازل من عند الدكتور و أنا تعبان خالص و الدنيا برد و اللي كان راكن ورايا تاكسي و الظاهر انه ركن و راح البيت لأني وقفت في الشارع حوالي ساعة و محدش ظهر .... المهم استعنت بالله و شديت نفسي و أنا ورا التاكسي لغاية ما حركته لمسافة مترين في حوالي ساعة تانية و كل ما اتعب اريح كام دقيقة و أرجع أكمل .... و بعد ما خرجت بالعربية فكرت و قلت ما أنا أكسرله حاجة في العربية و أخربله الكاوتش " إنتقاماً منه " .... و بعدين قلت اللهم اخزيك يا شيطان و المسامح كريم ...... بس في الحالات اللي زي كده ساعات بيكون المسامح " عبيط " لأن اللي بيقفل عليك مش بيفكر فيك لما يتربس عربيته و يمشي و ما يخليش مجال انك تتعامل معاها. انا كتير باضطر أركن ورا ناس و اقفل عليهم لكن باخلي العربية سهلة الحركة مش باتربسها و بافضل شايل هم اللي انا قافل عليه لغاية ما أرجع .....

وكمان اللى بيعمل كدة مش عارف إنة مش بيضُرغيرة بس دة كمان وممكن يضر نفسة لو المقفول علية دة شرانى

[ehabnbd]

ميزة القديم يا باشا

انا الموقف دا بيحصل معايا كتيررررررررررررررر وخصوصا ف الشغل

كان معايا 124 باكصدام حديد كنت بزق اللى قدامى مهما كانت عربيته البسة ف اللى قدامه
وازق اللى ورايا الزقة ف اللى وراه واطلع

معلش ماهى كانت دركسيون عادى مش بور

دلوقتى معايا هيونداى اكسنت

بكتب ورقة كلها (( شتيمة بذوق )) واسيبها على المساحات ، بردة بخاف يكون انسان غبي يعملى حاجة ف عربيتي

واروح مشوارى تاكسيات وارجع

[momen_bondok]

المشاركة الأصلية كتبت بواسطة ehabnbd ميزة القديم يا باشا انا الموقف دا بيحصل معايا كتيررررررررررررررر وخصوصا ف الشغل كان معايا 124 باكصدام حديد كنت بزق اللى قدامى مهما كانت عربيته البسة ف اللى قدامه وازق اللى ورايا الزقة ف اللى وراه واطلع معلش ماهى كانت دركسيون عادى مش بور دلوقتى معايا هيونداى اكسنت بكتب ورقة كلها (( شتيمة بذوق )) واسيبها على المساحات ، بردة بخاف يكون انسان غبي يعملى حاجة ف عربيتي واروح مشوارى تاكسيات وارجع

هى فكرة الورقة ممتازة بس لو بالفعل طلعت بالعربية بتاعتك علشان ما يعملش للعربية حاجة
لكن لو تركت عربيتك وكتبت ورقة ممكن ترجع تلاقى عربيتك مكتوب عليها بالمسمار

[حسن بكر]

للأسف ناس كتير تفعل ذلك ، مع أنه لو فكر للحظة وتصور أنه مكان صاحب السيارة التي قفل عليها هل سيفعل ذلك ؟ إنها لا مبالاة من بعض الأفراد ، وربنا يهديهم . وهو لو حد قفل عليه لازم يخرج عن شعوره .

[momen_bondok]

المشاركة الأصلية كتبت بواسطة حسن بكر للأسف ناس كتير تفعل ذلك ، مع أنه لو فكر للحظة وتصور أنه مكان صاحب السيارة التي قفل عليها هل سيفعل ذلك ؟ إنها لا مبالاة من بعض الأفراد ، وربنا يهديهم . وهو لو حد قفل عليه لازم يخرج عن شعوره .

كلام منطقى جدا بس نقول إية يا استاذ حسن ربنا يهدي